Josua 18:1 - Nobonob Baibel

¹ Amu dimppa, Israel danab oh ag Silo appa qagmena, ag appa mettid haknu peh lag danab ah appa qagmetteb ele, ag lag amu qabappig. Israel ag Kanan danab eɗadna, gemu ag wan amu guman daappig, ⌊amunu Kanan danab, ag Israel ele ban baula haknu dab-ii-meppig⌋,

Josua 18:1 ပူးပေါင်းရင်းမြစ်များ

2 Samuel 7:6

Anukka da Israel danab Isipnu diie uɗie, gemu ⌊nai imu yaak haenppa⌋ batak amu, da lagnab laappa ii daami. Iitta. Da pehppa dayeye, Israel adeppa adeppa gokkulagnu ippunatti goppig amu, da mettid haknu peh lag amuppa daaiyi gomut.

1 King 14:2

Oɗe me, aakku Jeroboam nug wau amegppa inam aum. “Danab ah ag na am da waal ii dooidmananu amu, na lamen diig laa aon, bala mena, Silo ukke! Na gona, na propet Ahaiya antte! Danab amu nug da geha Israel dilag king bekkulnu aum.

1 King 14:4

Jeroboam nug anam a, nug wau Jeroboam aum bia oɗe dim lamitta ha, nug ukka Silo ta, nug Ahaiya laugppa ukkom. Ahaiya nug gemu am kainonab amunu, nug ameg gaɗuak dayom.

1 King 2:27

Solomon anam aum amunu, nai amuppa amu Solomon nug Abiatar Yawenu mana mettak uɗatppanu lamittom. Solomon nug Abiatar lamittom, amuam Yawe Nug anukka Silo aabppa mana mettak danab Eli, nug baekkudppa ele, amu oh dilagppa uug bekkunu aum amu, nai amu aakku elele mettom.

Nehemaia 9:24

Ag bekkalkad amu, ag wan amuppa wana, appan danab eɗadna, wan amu aoppig. Na ehanatte, ag Kanan danab wan amuppa daappig eɗatteg, danab amu ag, ag eppelagppa daappig. Na ehanatte, Kanan danab ah amu, ahilkad king ele ag Israel, ag ahilagnu attem hekkulagnu dabmeppig ele, ag ag eppelagppa aakku daappig.

Sam 78:60

Nug Silo appa mettid haknu peh lag nuhig uuom. Ao, Nug peh lag nuhig, Nug peh lag amu he, ag danab ah oolagppa qappaeg daattom amu, Nug amu uuom.

Sam 78:66

Nug nuhikkud kekeɗ eɗattom. Nug he, ag uɗalag naunab neum. Uɗa nak amuam hanhan daakku.

Jeremaia 26:6

da heppi, lag dahil imu nauhakib daakku; anukka da hei, aab Silo nauhom, amubia nauhak daakku. Da amu heppi, wan atu ohppan danab ah ag aab okkai Jerusalem onig aon, eheɗ laa awaknu anak waappa dayaknu nai ahilagppa mekkulag,” awa atte.’ ” Yawe Nug Jeremaia anam akkunu aum.

Jeremaia 26:9

Anam anana, ag nai tuɗidna appig. “Aɗinu na, ‘Yawe Nug dimppa aɗi bekkunu nai imu meɗe madittem,’ anana, nai imu mattime? Na ame. ‘Yawenu lag Jerusalem daatte imu geha aab onig Silo, Nug he nauhom, lag imuam amubia daakku; aab okkai imuam hele-ettak daakku; amu danab ah ippa ii daamna,’ aon ame,” aon appig. Ag anam anana, danab ah oh ag Yawe laug ooppa Jeremaia talilidna daappig.

Jeremaia 41:5

deɗ amuppa danab 80 ag Sekemnu, Silonu, amu Samarianu ele uɗippig. Ag ee aegnu ofa hekkulagnu, ag kalu danab ile muttuɗig enanag bette, amu mana, Kayak mettaknu ele aon uɗippig. Ag akkaɗilag hoin, lamen pattiɗadna, gaɗalkad ele otaɗadna, ag Yawe laugppa gokkulagnu uɗippig.

Namba 32:22

ag Yawenu ehanittakppa wan Israel danab umu dilag oh eɗadna malona, ag eɗun uɗin, wan imuppa ena daaglagnu elele. Ag uɗat amu genab hekkulag dayeb amu, Yawe Nug ahilagnu, ‘Ag imu imu ele hekkulagnu daappig, amge ii heppig,’ ii dabmema. Israel laa oh ele am anamib. Anam dayeb, Yawe noobppa wan imuam ahilag aakku daakku.

Aposel 7:45

Dimppa Josua nug ig mamelkad aɗi ag diie, Kanan wan imuppa uɗieg, Kayak Nug danab wan imuppa daappig ele amu lamattette, haen amuppa mettid haknu peh lag amu ag maon oippig. Aria, peh lag amu ippa dayeye ukke, dimppa Dawitnu haen batak.

Josua 18:2

amge Israel dilag huu okkai eblaih aɗit ele ag Josua aɗi ag ahilag wan otiadna mattaglagnu ii anana, ag gona Kanan danab ah appa daappig ele amu ii eɗadppig. Wan amuam ag aulag daakkunu dayom.

Josua 18:8

Josua nug anam a, danab ag digmena, wan italnan oiglagnu daaegeg amu, Josua nug ag amu hekkulagnunab amelagppa inam aum. “Ag gona, wan amu italna tappan gona, ag italak henana yaan, ag aon uɗippeg, da geha Silo ippa, Yawe noobppa om ena yaakppa hein, wan amu anen anen huu atten atten amu madakkul,” awa aum.

Josua 19:51

Amu Yawe noobppa, wan maha anen anen amu, mana mettak danab Eleasar, Nan bekka Josua, amu Israel dilag huu okkai anen anen ikki danab ele, ag om ena yaak hena, Israel huu oh wan ag aulag daakkunu madappig. Ag mettid haknu peh lag danab ah appa qagmetteb ele, ag lag amu odppa, Silo appa om ena yaak heppig. Amunu ag wan amu aakku oppatna, paniadna malappig.

Josua 21:2

Ag Silo, Kanan wanppa appa ⌊mattiak hekkulagnu⌋ uɗippig. Ag uɗin appig. “Yawe Nug Moses oɗeppa, ag aab laala, ig aguppa daagnignu, amu aab amunu gikkiɗah dad okkai ele, ihinkad doɗ ag amuppa daanna, gikkiɗah lakkulagnu mekkaglagnunab ippuanattom, ⌊amunu ag mekkaglagnu oɗ madattem,⌋” aon appig.

Josua 22:12

Israel danab laa amu oh ag Silo appa qagmena, ag Israel danab ah Jodan le laih daappig, ag appa banelag gokkulagnu bappaidppig.

Josua 22:19

Anam amu, wan ag aoppig ele, wan amuam Kayaknu neekkakppa dubuttid tak ele daatte dayeb, ag uɗippeg, ig ele le imu heqo laih, Yawenu wanppa, appa daatu! Yawenu mettid haknu peh lag amu ihinigppa appa ana daatte. Doppeg ig ihinig wan otit, ag laa mattagnig, amge ag qaɗab ahilagnu laa imu henana, Yawenu nai tabappeg neeb, Nug ele kekeɗ daan, ig ele kekeɗ daat, laippu ii daagnignu aib heppig. Yawe, ihinig Kayak, nukka nuhig qaɗab genab laippu aakkuib daatte.

Josua 22:9

Josua ag gokkulagnu aum, amunnu Ruben danab, Gad danab, amu Israel dilag huu okkai Manase mahaib danab ele, ag aakku Israel dilag huu okkai laala, Kanan wanppa Silo appa uuadna, ahan goppig. Ag ahan, ahilag wanppanab, wan onig Gileat, appa gokkulagnu goppig. Moses nug Yawe, nug anam hekkununab aum amu, nug anam aakku ha mattom.

Ikki Danab 18:31

Amunu Israel dilag huu okkai Dan, amuppan danab ah ag Maikanu kayak hambuppuak dottolkad noolagppa dup nona binalag meppig. Haen Israel laa ag Silo appa Kayaknu peh laugppa Kayak binag meppig, Dan ag haen amu oh kayak hambuppuak amu binalag meppig.

Ikki Danab 21:12

Ag anam aeg gona hena, Jabes Gileat ooppa ag ah makkun 400 anadna, ag diin, Kanan wanppa, Silo appa haen tutu dayaknu aab kalakppa goppig.

Ikki Danab 21:19

Ag anam awona, ag tuɗidna appig. “Amge antteg! Yawe dabmaama, qagmak gamag ahak ele hak Silo appa maɗ maɗppa daatte, amu nuhig haen uɗiom daatte. Silo am Betelnu yawalti uɗitteppanu daatte. Aab amuam ib laa Betelnu ukka, Sekem gotte, am ib amunu kaɗag uɗitteppanu daya, Lebonanu yau uɗitteppanu daatte,” aon appig.

1 Samuel 1:24

Aria, Hana nug huh aɗitta mala, nug Samuel omale, gamu ele Silo gopiɗ. Samuel nug nid okkai iitta, nug nid nakok, amge aa omalya goya, aa makau dawai, maɗ ewam ele, 10 kilogram plaua, amu wain doɗ gaɗappa inak, amu ele oh aoya gopiɗ. Aa omalya, Yawenu mettid haknu peh lag Silo aabppa dayom, appa gopiɗ.

1 Samuel 1:3

Aria, Elkana nug maɗ anen anen oh haen laippu nug Yawe Nukka Ɠagattag Oh Ele noobppa dup noa binag mekkunu, nug ele doɗ mana, Nug medakkunu, nug Ramanu aha, Silo ukkom. Silo appa amu mettid haknu peh lag dayeye, Eli bekoɗ Hopni, Pinias ele aa Yawenu mana mettak danab daapiɗ.