Josua 17:7 - Nobonob Baibel

⁷ Israel dilag huu okkai Manase mahaib, Jodan le heqo laih qaban uɗitteppanu daatte amu, ahilag wan tom am, Aser appa digma ukka, Mikmetat waum. Mikmetat amu Sekemnu laih kaɗag uɗitteppanu daatte. Mikmetatnu amu, tom nug laih yau uɗitteppanu ukka, Entapua guguittak, le qeppuɗia betteppa, danab ah laa ag appa daatteb, appa batom.

Josua 17:7 ပူးပေါင်းရင်းမြစ်များ

Genesis 34:2

Ukke, Hiwi danab onig Hamor, nug am wan amu dilag okkai, nug bekka Sekem nug Daina antta, ameg qe haaha amu, nug nuhigppa kobol eheɗ heum.

Genesis 37:12

Aria, dimppa Josep awakkud ag Sekem gona, appa ag Israelnu doɗ gikkiɗah lakkulagnu gumattegeg,

Genesis 37:14

Josep anam a amu, Jakop nug amegppa aum. “Na gona, awanad anatte! Ag ena daattebtai, amu doɗ ag ele ena daattebtai, na amu anatte! Anattona amu, na eɗun uɗin, appe dookkul,” awa aum. Anam awowa nug he, Josep nug Hebronnu oolnu noak uua, Sekem gokkunu ukkom.

1 King 12:1

Danab ah Israel oh ag gona Sekem appa ag Rehoboam aon, ahilag king mekkulagnu goppig amunu, Rehoboam nug ele appa ukkom.

1 King 12:25

Am King Jeroboam nug Sekem, aab amuam Epraim wanppa, qauko qauko daattebppa dayom amu, nug aab amuppa aɗ, keeke heum. Nug deɗ laala aab amuppa dayom. Dimppa nug appanu aha, nug ukka, Peniel ele dayom. Dayaya, aab amunu aɗ, keeke ele heum.

1 Stori 6:67

Aab amu laa am Sekem. Sekem am ii doyaya laa qe mauhomnu ehanittak aab okkai, Epraim wanppa, qauko qauko daattebppa daatte. Aria, Lewi buɗubnu aab ikki Kohatnu amu, ag aab laala ele Israel dilag huu okkai Epraim wanppanu aoppig, amuam Geser,

Sam 60:6

⌊O danab ah,⌋ Kayak Nug nuhig mettid lagppa dayaya aum. “Da Sekem danab eɗatten, da melemel mein, Sekem wan oppatppi, maha maha neeb, ⌊da dahilad danab ah madakkul.⌋ Ao, da oolnu noak Sukot oppatppi, maha maha neeb, ⌊da dahilad danab ah madakkul.⌋

Josua 17:6

Amu beumnu diig am, Josua aɗi ag Selopehad aɗekkud, Manase buɗubppanu amu, nug ag wan ag aulag daakkunu ag mamelkad nakok bekkalkad ele oh madappig. Moses nug matu Gileat wan Manase buɗub maha laa ag mattom.

Josua 17:8

Wan Tapua talilitte amu, Israel dilag huu okkai Manase mahaib, am ahilag, amge aab Tapua, am Israel dilag huu okkai laa Epraim dilag dayom. Tapua am Manase, Epraim ele dilah tomppa dayom.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 21:21

Ag Sekem madappig. Sekem amu Epraim wanppa, qauko qauko daattebppa dayom. Aab okkai amuam danab nug ii doyaya laa qe mauhomnu ehanittak aab okkai dayom. Ag amu mattona, ag Geser,

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

Josua 24:32

Amu Israel ag Isip uun beppig, haen amuppa ag Josep ebehi ele maon uɗippig. Ag maon uɗin, Kanan wanppa Sekem guguittak, appa boumppig. Ag memetalag anukkanu Jakop, nug wan amu aokkunu, nug Hamor bekkod silwa men doɗo 100 matta awom. Nug wan amu awom amu, ag aguppa Josep ebehi boumppig. Anam amu, wan amuam Josep buɗubnu wan, ag aulag aakku dayom. Hamor am Sekem mameg.

Ikki Danab 9:1

Deɗ laa Sekem appa Jerubal, ⌊am Gideon⌋, nug bekka Abimelek nug awikkud anadkkunu ukkom. Nug ukka, awikkud amu, aria nug anig baekkudppa laa oh ele amelagppa aum.