Josua 17:15 - Nobonob Baibel

¹⁵ Ag anam amegppa aeg amu, Josua nug ag amelagppa aum. “Ag genab kuɗumnab amubia daatteb dayeb amu, ag Epraim wanppa, qauko qauko daattebppa, wan maha amu ahilagnu elele iitta daatte amunu, ag wan ad kuɗum daattebppa, wan amuam Peres danab, Repaim danab ele dilag amu, ag wan amu oppeg, amahalebeb, elele dayeb, ag ele aguppa dayeg!” awa amelagppa aum.

Josua 17:15 ပူးပေါင်းရင်းမြစ်များ

Genesis 13:7

Anam daye, Abramnu maɗi nid doɗ gumadppig, amu Lotnu maɗi nid doɗ gumadppig ele ag nai aeg ona aeg doum. Kanan danab, amu Peres danab, ag ele haen amu wan amuppa daadppig.

Genesis 14:5

Tappaeg neum amunu, maɗ 14ppa Kedolaomer, amu nug laikkud king ewam ele ag king tanig ele, ag ag ele ban hekkulagnu goppig. Gonana, ag tatam Repaim danab, Asterot Karnaim daappig amu, ag ag ele ban henana eɗadppig. Eɗadna gona, Susim danab, Ham daappig, amu Em danab, Sawe Kiriataim daappig ele, ag ag ele ban henana eɗadppig.

Genesis 15:20

Hit danab, Peres danab, Repaim danab,

2 Samuel 18:6

Amu Dawitnu daup ag Apsalom, Israel ele ban hekkulagnu tappan, ban hekkulagnu ban hak abenppa goppig. Ban amuam wan onig Epraim Dilag Atu, amuppa dayom.

2 Samuel 5:18

Dawit nug aguppa dayeye, Pilistia ag oolnu noak onig Repaim, appa uɗin, oolnu noak amu oh aon daappig.

2 Samuel 5:22

Ag anam heeg ukke, haen laappa Pilistia ag baula uɗin, oolnu noak onig Repaim appa uɗin, haen tutu dayaknu aben kalan daappig.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Luk 12:48

amge maɗi nid nug nuhig danab okkainu dabmak ii dootte, amge nug bu aokkunu kobol heum amu, geha nuhig danab okkai nug nakokib makkuɗkku. Danab ag keeke kuɗum aoppig amu, ag eɗun keeke kuɗum nob mekkulag. Am danab laa nug eppegppa keeke kuɗum mak daatte amu, geha laa ag nug keeke huanak nob madakkunu onigppa ekkulag,” awa aum.

Josua 17:14

Aria, Josep buɗub ag Josua gumidna gona appig. “Yawe Nug itikke, ig apattata, kuɗumnab daattem, amu na aɗinu om ena yaakppa wan maha laippuib, ig aunig daakkunu mekkame?” aon amegppa appig.

Josua 17:16

Josua nug anam aum, amge Josep buɗub ag appig, “Wan maha qauko qauko ele am ihinignu elele iitta. Amge Kanan danab ag qauko diigppa, uɗem okkaippa daatteb, ag atu amu mameg daatteb amu, ag bannu karis aenppa hak ele. Ag danab ɠagattag, ig eɗigkkulag elele. Ag Betsan, aab amu taliliattak aab naunau ele, amu oolnu noak onig Jesril ele, amuppa daatteb,” aon appig.

Ikki Danab 17:1

Danab onig Maika, nug Epraim wanppa, qauko qauko daatteppa daattom.