Josua 17:14 - Nobonob Baibel

¹⁴ Aria, Josep buɗub ag Josua gumidna gona appig. “Yawe Nug itikke, ig apattata, kuɗumnab daattem, amu na aɗinu om ena yaakppa wan maha laippuib, ig aunig daakkunu mekkame?” aon amegppa appig.

Josua 17:14 ပူးပေါင်းရင်းမြစ်များ

Genesis 48:19

Josep anam aum, amge Jakop nug nai nuhignu dab-ii-metta, nug aum. “O bekkal, nug nid danab naanaeg amu, da doottem. Geha nug buɗub ele elab bekku, amge nug dimugppa amu, nug buɗub ag laanu buɗub eɗadna, appatna elabnab bekkulag,” awa aum.

Genesis 48:20

Nug anam awowa amu, nug inam ele itatom. “Dimppa Israel danab laa nug layag inam itidkku. ‘Kayak Nug heeb, na Epraim, Manase ele, aa daapiɗ, amubia na daakkutnu ool daatte,’ awa akku,” awa aum. Aria, Jakop anam heum amunu, nug Manase, Epraim waappa meum.

Genesis 48:22

amunu, da Kanan wan ooppa wan maha laa onig Sekem na medattem. Na, na awanad, amap ele oolagppa okkai daattem amunu, da na medattem. Wan amunu amu, da dahil lat, qep elab eleppa Amo danabnu wan amu aomi,” awa aum.

Namba 13:7

Israel dilag huu okkai Isakarnu am, Josep bekka Igal.

Namba 26:54

Nug huu okkai anen anen dilag amu, nug wan okkai, ag otia madakkuoitte, amge nug huu naunau anen anen dilagnu amu, nug wan nakok otia madakkuoitte. Nug huu, ahilag melemel anen anenppa elele elele otia madakku. Wan ag otieb aoglag amu, amuam ag aulag daakku.

Namba 36:12

Danab ag diippig ele, ag am aab ikki Manase, Josep bekka, nug buɗubppan amunu, ahilkad wan, ag aulag amu, wan amu ag mamelagnu aab ikki, amu Israel dilag huu okkai nuhig ele, amuppaib dayom.

Josua 16:4

Josep bekoɗ Manase, Epraim ele aa alalti ag wan aakku ag aulag daakkunu aoppig.

Josua 17:15

Ag anam amegppa aeg amu, Josua nug ag amelagppa aum. “Ag genab kuɗumnab amubia daatteb dayeb amu, ag Epraim wanppa, qauko qauko daattebppa, wan maha amu ahilagnu elele iitta daatte amunu, ag wan ad kuɗum daattebppa, wan amuam Peres danab, Repaim danab ele dilag amu, ag wan amu oppeg, amahalebeb, elele dayeb, ag ele aguppa dayeg!” awa amelagppa aum.