Josua 17:13 - Nobonob Baibel

¹³ Amge dimppa, haen Israel ag ɠagattag ele bena daanna amu, ag Kanan danab duttunadna heeg, ahilkad maɗi nid daappig. Amge ag danab amu, ag ag ii lamadppig.

Josua 17:13 ပူးပေါင်းရင်းမြစ်များ

Genesis 49:15

Na wan nahip am wan ena anidkkut. Ao, na wan amu, am keeke ena ena kuɗum na medakkunu elele dookkut. Anam amu, na uɗat hekkutnu wagai mekkut. Ao, na wan buuak uɗat ɠagattag hekkut.

2 Samuel 3:1

Amu haen elab danab Saul bekka dim lamidppig, amu danab ag Dawit dim lamidppig ele ag ban henan daappig. Amu Dawit, nuhikkud danab ele ag ɠagattag okkai mena daaegeg, danab ag Saul bekka dim lamidppig amu, ag nauhegeg ukke, gai-iitta bia daappig.

1 King 9:21

Am anukka Israel ag danab ameg amu heeg, ag Yawenuib nuhig pelemppa daappig, amge ag ohnab heppeg, Yawenuib nuhig pelemppa daaglagnu elele iitta daan, ohnab heeg, Yawenuib, pelemppa ii daappig; aakku gemu laa amu, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag maɗi nid daan, uɗat aakku hetteb.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Josua 16:10

Josua, nuhig ehanittak ele, ag wan amu Epraim madappig, amge Epraim ag Kanan danab Gesernu ii lamadppig amunu, danab Gesernu ag Epraim oolagppa daaeg uɗie, gemu ⌊nai imu yaak haenppa⌋ ele, ag ahilag maɗi nid bia daatteb.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Ikki Danab 1:28

Ag anam heeg ukke, haen Israel ag ɠagattag ele bena daanna amu, ag Kanan danab ah duttunadna heeg, Kanan ag maɗi nid maɗi ah ele daan, uɗat heppig, amge Israel ag lamadppeg, Kanan danab ah ag wan amuppa iinab daamnanu ii heppig.

Ikki Danab 1:30

Laa ele amu, Israel dilag huu okkai Seblon, ag Kanan danab Kitron, Nahalal ele appa daappig amu, ag ag ii lamatteg, Kanan danab ah amu ag ahilag wan ii uun oolna goppig. Ag ii lamatteg, Kanan danab amu ag Seblon oolagppa daappig, amge Seblon ag ag duttunatteg, ag ahilag uɗat heppig.

Ikki Danab 1:33

Israel dilag huu okkai Naptali ele ag Kanan danab Betsemes, Betanat ele appa daappig amu ii lamatteg, Kanan danab amu ag ahilag wan ii uun oolna goppig. Naptali danab ah ag Kanan danab ah amu oolagppa daappig, amge danab ah Naptalinu ag Betsemes, Betanat danab ah ele duttunadna heeg, ag ahilag uɗat heppig.

Ikki Danab 1:35

Anam amu, Amo danab ag ele qauko Heres, aab Aiyalon, amu Salbim daaglagnu dabmak aoeg ɠagattag eppe heppig, amge haen Josep buɗub ag ɠagattag bena, ag Amo danab ah amu ele duttunadna heeg, ag ahilag uɗat heppig.