Josua 17:11 - Nobonob Baibel

¹¹ Josua, nuhig ehanittak ele ag aab laala, am aab naunau aab amu taliliattak daappig ele, ag Israel dilag huu okkai Isakar, Aser ele dilah wanppa daappig amu, ag aab amu Israel dilag huu okkai Manase ele madappig. Aab amu onilkad amu, Betsan, Ibleam, Dor, onig laa am Napot Dor, Endor, Tanak, Megido ele. Aab naunau laala ele aab amu taliliattak daappig amu, ag aab amu ele ag madappig.

Josua 17:11 ပူးပေါင်းရင်းမြစ်များ

2 Samuel 21:12

Dawit doya amu, nug Jabes Gileat ukka, Saul ebehi, Jonatan ebehi ele danab appanu eppelagppanu awom. Pilistia danab ag Saul, Jonatan ele Gilboa appa aqateg mauheh, ag gaɗalti aon gona, aab onig Betsan, appa haɗap-ppa, aihateg daaeheh, Jabes Gileat danab ag lokkumna gona, gaɗalti aon uɗin, Jabes Gileat appa boumatppig.

1 King 9:15

Amu King Solomon nug danab kuɗum ag ɗo waappa kingnu uɗat haknuib daappig diiom. Am amunu nai am iikku. Nug diia he, ag Yawenu mettid lag buuona, ag Solomon, nuhig lag enanagnab buuna, amu Jerusalem talilidkkunu aɗ ele itappig. Nug ele he, ag wan itan meeg, aben laa aakku elele beum. Amu Solomon nug he, ag aab Hasor kalan, aab Megido kalan, amu aab Geser ele kalappig.

2 King 9:27

Haen Juda dilag king Ahasia nug King Joram mauhe antta, nug nuhig karis attan dayaya, awa oola, Bet Hagan aabppa gokkunu ukkom. Ugekke, Jehu nug nuhikkud ban danab ele ag Ahasia lamidna gonana, nug nuhikkud ban danab amelagppa Ahasianu, “Ig nug ele qetu!” awa ewawa ukkom. Ag lamitteg gona, Gur ukkak ibppa, aab Ibleam guguittak nug karisppa ugekke, haen amuppa ag qeppig. Ag qeppig, amge Ahasia ii mauha, nug oola, ippu metta ukka, Megido aabppa ta, appa amu, nug mauhom.

1 Stori 6:70

Aria, Kohat aab ikki laa ag Israel dilag huu okkai Manase mahaib, ahilag wanppanu ag aab aoppig. Israel ag wan amuppanu aab Aner, Bileam ele, gikkiɗah dad okkai aab aɗit amu taliliatak daatteb ele madappig.

1 Stori 7:29

Manase buɗub dilag wannu tomppa amu aab Betsan, Tanak, Megido, am Dor ele daappig. Aab amu, aab naunau aab amu taliliadna daatteb ele amu, aab amu oh am Manase wanppa daappig. Am Israel bekka Josep buɗub ag aab amu oh aon daan oippig.

2 Stori 35:22

Isip dilag king Neko nug nai amu Kayak oɗeppa awa, Josaia amegppa aum, amge Josaia nug am dookkunu uua, nug Neko, nuhikkud daup ele, uɗem naɗi onig Megido, appa ban hekkulagnu nuhikkud daup ele goppig. Nug ban amu hekkunu dabmak amu awa aɗa, nug eɗua, Jerusalem ukkaknu uua, Neko aɗi ele ban hekkulagnu ukka, Neko aɗi ag am king aakku daatte anidmananu nug lamen laa, kingnu iitta, takka, ban hekkunu ukkom.

Sam 83:10

Na Sisera, Jabin ele, amu ahilti daup ele Endor guguittak appa hatte nauheg, ban danab ahilti beɗulag oh amu wanppa kinipan bia niippig.

Jeremaia 49:2

Yawe Nug anam oɗ ma ana amu, Nug ele atte. “Gemu anam daatte, amge haen laa uɗitte. Haen amuppa da heppi, Amon dilag aab okkai Raba, appa ban ahakku. Ban aheb, aab amuam nauhakib dayebeb, aab naunau aab amu talilidna daatteb amu, aab eoglag. Ag Amon ag Israel lamadppig, amge haen amuppa Israel, ag ag lamadkkulag,” awa atte.

Sekaraia 12:11

Anukka Megido uɗemppa, Hadatrimon appa Juda danab ah gayak naɗi, okkai heppig; amu deɗ amuppa danab ah Jerusalem appa ag amubia gaaglag.

Josua 11:2

Jabin nug nai ahilagnu maama, nug nai me, king ag qauko Kanan wan ooppa yawalti uɗitteppanu daatteb, appa ele ukke, amu nug nai me, king ag Araba appa, Galili lenu yau uɗitteppanu ukkakppa daappig ele ukke, amu nug nai me, king ag qauko nakok qauko okkai diigppa daatteb, qauko amuam Kanan wan ooppa qaban uɗitteppanu daatteb, king amu dilag ele nai me ukke, nug nai Napot Dor dilag kingnu ele me ukkom. Napot Dor am Kanan wan laih qaban uɗitteppanu daatte.

Josua 12:21

Tanak dilag king, amu Megido dilag king ele.

Josua 12:23

Dor dilag king, aab okkai Napot Dor, appanu, amu Gilgal appanu Goyim dilag king ele.

Josua 16:9

Ag amu mattanna, ag aab laala ele, aab naunau aab amu taliliattak ele Epraim madappig; amu aab amu laa ag Israel dilag huu okkai Manase mahaibnu wan, wan amuam ag aulag amu, am appa daappig.

Josua 17:10

Wan laih Kana oolnu noakppanu yau uɗitteppanu amu Epraim dilag dayom, oolnu noak wan laih yawalti uɗitteppanu amu Israel dilag huu okkai Manase dilag dayom. Mediterenia yu amu Manase dilag tom laih qaban uɗitteppanu dayom. Aser dilag wan am Manase dilag wanppanu laih yawalti uɗitteppanu, appa dayom. Israel dilag huu okkai Isakar, ahilag wan amu Manase wanppanu laih kaɗag uɗitteppanu, appa dayom.

Josua 17:16

Josua nug anam aum, amge Josep buɗub ag appig, “Wan maha qauko qauko ele am ihinignu elele iitta. Amge Kanan danab ag qauko diigppa, uɗem okkaippa daatteb, ag atu amu mameg daatteb amu, ag bannu karis aenppa hak ele. Ag danab ɠagattag, ig eɗigkkulag elele. Ag Betsan, aab amu taliliattak aab naunau ele, amu oolnu noak onig Jesril ele, amuppa daatteb,” aon appig.

Ikki Danab 1:27

Amu Israel dilag huu okkai Manase ag danab ah Betsan, Tanak, Dor, Ibleam, Megido, amu aab naunau aab amu taliliattak daappig ii lamatteg, Kanan danab amu ag ahilag wan ii uun oolna goppig. Kanan danab ag aguppa daaglagnu dabmak aoeg ɠagattag eppe heppig amunu, Manase danab ah ag ii lamadppig.

Ikki Danab 5:19

King ag uɗin, ag ban heppig. Ao, Kanan dilag king ag uɗin, ban heppig. Ag uɗin, aab Tanak, Megido lenag naunau guguittak, appa ag ban heppig. Ag uɗin ban heppig, amge ag ban ii eɗidna, ag silwa laa, o aɗitai keeke ena laa ele ii aon goppig.

1 Samuel 28:7

Saul nug Yawe oɗmak nuhig ii nob me antta, nuhig ehanittak amelagppa aum. “Da ukke, geha keeke aɗi bekkunu amu oɗ medakkulnu, ag gona, ah laa mauhak ouɗilag ele nai maditte, ag nug mattin anidna, ag eɗun uɗin, da amelppa appeg, geha da ukken, ah amu keeke aɗi bekkunu daatte amu, da nug amunu oɗ medakkul,” awa aum. Saul nug anam nuhig ehanittak amelagppa a, ag nob mena amegppa appig. “Laa Endor appa daatte,” aon appig.

1 Samuel 31:10

Ag anam hewona, ag Saulnu bannu lamen aon, ag ahilag kayak hambuppuak Astoret iɗu iɗu, ahilag mettid lag, amuppa mewona, ag Saul gaɗa amu Betsan aabnu aɗ attan aihppig.

1 Samuel 31:12

danab ɠagattag aab amuppanu oh ag ahan, ag tuqan gona gona, Betsan aabppa tena, ag Saul gaɗa, bekkod ewam gaɗalkad ele aab amunu aɗppa aihak daappig amu, ag gaɗalkad amu oh akkan, eɗun Jabes gona, mauhak gaɗalag amu aab aɗuppa manadppig.