Josua 17:1 - Nobonob Baibel

¹ Josua nuhig ehanittak ele ag om ena yaakppa Israel dilag huu okkai Manase mahaib wan madappig. Aɗinu? Danab ag Israel dilag huu okkai amunu amu, ag am Josep bekka naanaeg, Manase, nug buɗub. Moses nug Gileat, Basan ele matu Jodan le laih kaɗag uɗitteppanu Makir buɗub mattom. Aɗinu? Nug ⌊bia, nug buɗub ag⌋ am ban danab ɠagattag. Makir nug am Manase bekka naanaeg, nug am Gileat mameg. ⌊Amu Makir buɗub ag am Israel dilag huu okkai Manase mahaib laa aakku.⌋

Josua 17:1 ပူးပေါင်းရင်းမြစ်များ

Genesis 41:51

Nug Josepnu nid naanaeg menue amu, Josep nug aum. “Kayak Nug he, da uug guittak ele dahil, amu da mamel baekkudppa ele oh daul atiom,” awa aum. Nug anam aum amunu, nug nid onig Manase ataɗom.

Genesis 41:52

Nug wau nug nid danab gehanu menue amu, Josep aum. “Kayak Nug wan imuppa anukka uug nau doomi ele amu, Nug ippa ehaniɗe, da gemu nid aɗit ele,” awa aum. Nug anam aum amunu, nug nid onig Epraim ataɗom.

Genesis 46:20

Josep nug Isip wanppa dayaya, nug aab onig On, ahilag mana mettak danab onig Potipera aɗeg Asenat awe oiyya, aa nid danab aɗit Manase, Epraim ele menuatpiɗ.

Genesis 48:17

⌊Amge Jakop nug nai ii mattiaya, eppeg baolia, eppeg naɗiap Epraim igippa meum haenppa⌋ Josep nug mameg nug eppeg naɗiap amu Epraim igippa meeme antta amu, nug ena ii doya, nug mameg eppeg Epraim igippanu eɗua, Manase igippa mekkunu aɗom.

Genesis 48:18

Josep nug Jakop eppeg aɗaɗa amu, nug aum. “Mama, na eppen pehettak ii meme. Aɗinu? Manase nug am naanaeg. Na eppen naɗiap nug igippa me!” awa aum.

Genesis 50:23

Nug Epraim dokkiab anttom. Amu Manase bekka onig Makir, nug bekkod menuatte, Josep nug diie, nug baekkudppa ele daappig.

2 Samuel 2:9

Nug ukka he, Gileat danab, Asur danab, Jesril danab, Epraim danab, Benyamin danab, amu Israel laa oh ag Isboseth nug ahilag king daakkunu nai qagappig. ⌊Juda aakkuib ag nug ii dim lamidppig.⌋

1 Stori 2:23

Amu oh am Makir buɗub. Nug Gileat mameg. Am Jair nug aab 23 amu gumom, amge Gesur danab, Aram danab ele ag ahan, aab 23 Jair gumom amu aona, aab onig Kenat, aab naunau 60 Kenat talilidna daappig ele aoppig.

Esekiel 47:13

Amu Naɗi Yawe Nug inam atte. “Da Israel dilag wannu tom ippunidkkul. Laa amu hekkulag amu, ag wan amu Israel dilag huu okkai 12, ag aulag daakkunu paniglag. Josepnu huu amu, ag maha aɗit aoglag.

Namba 26:29

Imuam Manase buɗubppan aab ikki onilkad. Aab ikki laa onig am Makir. Ag anukkan memettalag am Makir. Makir nug am Gileat mameg. Aab ikki laa onig am Gileat. Ag anukkan memettalag am Gileat.

Namba 27:1

⌊Danab laa Selopehad nug am nid ahib; nug bekka laa iitta.⌋ Selopehad, nug am Heper bekka. Heper nug am Gileat Bekka. Gileat nug am Makir bekka. Makir nug am Manase bekka. Manase nug am Josep bekka. Aria, Selopehadnu nid ah tanig ele amu, ag am Josep bekka Manase buɗub, ag am amunu aab ikki laa, amuppanu. Aɗekkud onilag amu Malah, Noa, Hoglah, Milkah, Tirsah ele. Amu ah amu ag wana,

Namba 32:33

Ag anam aeg amu, Moses nug Amo dilag king Sihon, amu Basan dilag king Og ele, ahilti wan amu Gad buɗub, Ruben buɗub, amu Israel dilag huu okkai Manase mahaib, Manase nug Josep bekka amu, nug ag mattom. Nug wan amu, wan amunu aab okkai, amu wan aab okkai amu taliliattom ele ag mattom.

Duteronomi 21:17

Kobol daatte am inam; mameg nug aug kuɗum nid ⌊danab⌋ tatamnu medakkuoitte. Nug nid ⌊danab⌋ tatamnu keeke aɗit aɗit batak medatta, bekka gehanu amu laippu laippu anam medakkuoitte. Nid danab tatamnu am danab oh dilag nid danab tatamnu bia, nug mamegnu ɠagattag ippunigtte, amu kobolppa nug aɗi aokkunu daatte, amu nuhigppa daatte. Amu genab, mameg nug bekka aug keeke kuɗum medatte ele amu, nug nug anignu oo huana ii mauhtte me, nug am nid danab tatamnu daatte amunu, nug aug anam aokku.

Josua 17:2

Josua nuhig ehanittak ele ag Jodan le laih qaban uɗitteppanu Manase buɗub laa, nug buɗub amunu baelkadppa wan madappig. Baelkadppa amunu ikki danab am, Abieser, Helek, Asriel, Sekem, Heper, Semida ele. Danab amu ag am Manase, Josep bekka, nug buɗub, amu ag am nug baelkadppan ikki danab.

Josua 22:7

Amu Moses nug matu Basan wan, wan amuam laih Jodannu kaɗag uɗitteppanu daatte amu, nug wan amu Israel dilag huu okkai Manase mahaib ag mattom. Amu Josua nug Israel dilag huu okkai Manase mahaib laa, am wan laa laih Jodannu qaban uɗitteppanu, ag lailkad oolagppa ag mattom. Aria gemu amu, Josua nug Ruben, Gad, amu Israel dilag huu okkai Manase mahaib ele, nug danab amu oh maatteb gokkulagnu heum amunu, ag anam gokkulagnu daaegeg, nug ag itattowa,

Ikki Danab 5:14

Israel danab laa ag Epraim, wan anukka Amalek dilag dayom, appanu neppig. Ao, Benyamin ag laa na dim lamatteg neppig amu, ag ag oolagppa daappig. Makirnu ban daup ikki ag laippuppa tappa ukkak hena noppig. Ao, Seblon ban daup ikki ag ele noppig.