Josua 15:41 - Nobonob Baibel

⁴¹ Gederot, Betdagon, Namah, Makeda ele. Aab amu oh ebqak amu 16. Aab amu taliliattak aab naunau daappig amu, ag amu ele madappig.

Josua 15:41 ပူးပေါင်းရင်းမြစ်များ

1 Stori 27:28

Israel wan ooppa qauko okkai qaban uɗitteppanu daatteb, qauko amu diigppa qauko nakok daatteb, qauko nakok amuppa olip ad, amu ad sikamo fig ele eppak daatteb. Amu Geder ted Balhanan nug ad amunu gumak uɗat gumom. Aria, ag olip meu aon, goɗen hena metteb ele amu, Joas nug uɗat amu gumom.

Job 2:11

Amu Job nug laikkud ewam laa ele; laa am Teman danab onig Elipas, laa am Suha danab onig Bildad, amu laa am Nama danab onig Sopar. Amu danab ewam amu ag uug oh Job, nuhigppa beum nai doon, ag oh oolag laippu mena, ag anen anen appalag diigppanu ahan, ib imuag adekkuppa nug uɗa tekkulagnu dabmeppigppa, appa nug uɗa tena, ag Job gumidna gona, oo mak ippunidnana, ehanidkkulagnu goppig.

Josua 10:10

Israel ag anam teeg, Yawe Nug Amo dilag king, ahilkad daup ele ag huan baɗaglagnu he, Israel ag Amo danab kuɗumnab Gibeon appa aqappig. Ag anam henana, Israel ag Bethoron ukkak, ibppa appa Amo lamadppig. Amu kekeɗ ag oolna ukkaegeg, Israel ag lamadna, aqaeg mauhattegeg gona, Aseka, Makeda ele batakppa appa goppig.

Josua 10:21

Israel ag anam hewona, ag oh enaib daan, ag eɗun, ahilag haen tutu dayaknu aab kalappigppa, Makeda appa, Josua ele goppig. Goppig amu, auntai laa Israel dilagnu naittuɗ nakok laa iinab mattiom.

Josua 10:28

Haen amuppaib, Josua nug aab Makeda eɗittom. Nug qep elabppa aab amunu danab ah, ahilag king ele aqom. Nug he, aab amunu danab ah ohnab ag Yawenuib nuhig pelemppa daappig; laippu laa iinab tippalom. Nug Jerikonu kingppa heum bianab, Makeda dilag kingppa heum.

Josua 12:16

Makeda dilag king, amu Betel dilag king ele.

Josua 15:40

Kabon, Lamas, Kitlis,

Josua 15:42

Josua, nuhig ehanittak ele ag aab laala ele Juda madappig. Aab amuam, Lipna, Eter, Asan,

Josua 19:27

Appanu amu, tom am eɗua awa, kaɗag uɗitteppanu ukka, Betdagon waum. Amu oolnu noak onig Iptahelnu Oolnu Noak am Aser, Seblon ele dilah tom gamagppa dayom. Aser dilag tom kaɗag uɗitteppanu am laih yawalti uɗitteppanu ukka, Betemek ta ugakka, Kabul ukka, appanu Neiel