Josua 15:4 - Nobonob Baibel

⁴ Asmon waum. Appan amu tom nug ukka, Isip dilag leppa waum. Le amuppanu tom amuam aakku ukka, Mediterenia yuppa noum. Amuam Juda dilag yau uɗitteppanu tom aakku.

Josua 15:4 ပူးပေါင်းရင်းမြစ်များ

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

1 King 8:65

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig. Ag qagmak amu deɗ eblaih aɗit dayona, tuɗidna, bau laa deɗ eblaih aɗit ele daappig, aakku ag deɗ 14 Yawe, ihinig Kayak, Nug noobppa hobulppa daappig.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Aisaia 27:12

Amu haen amuppa am inam bekku. Yawe Nug le Yupretis appanu uɗia uɗia, le onig Isip Le, le amuppa batak Nug danab nug ee aeg, dappunkkeg ele oh laippu daamanu, nug danab ee aeg mumuɗe, piɗe piɗe daattep, amubia Nug Israel danab ah epeɗia, otiatta heeb, laippu ippanu, laippu appanu amu, ag eɗun, ahilag wanppa daaglag.

Namba 34:5

Asmon appa amu, tom nug nakok piia, oolnu noak laa onig Isipnu oolnu noak, amuppa digma dim lamitta ukka ukka, Mediterenia yuppa nokku.

Josua 13:3

Wan amuam Kanan danab dilag wan maha laa aakku. Wan amunu tom am, le Siho, appanu yawalti uɗitteppanu ukka, Ekron wana batak. Le Siho amu, Isipnu tom, Isipnu laih kaɗag uɗitteppanu daatte. Amu Pilistia dilag aab anuqak tanig ele, Gasa, Asdot, Askelon, Gat, Ekron ele amu, aab amu oh wan amuppa daaegeg, ahilkad danab okkai aakku guman daatteb. Ele amu, laih yau uɗitteppanu, Awim danab dilag wan, amu ele ag eɗadna aoglagnu daatte. Aria, laih yawalti uɗitteppanu Kanan danab dilag wan, Meara ukka Apek batak, wan amu oh am ag eɗadna aoglagnu daatte. Meara am Saidon dilag aab laa, amu Apek am Amo dilag tomppa daatte.

Josua 15:3

qauko ikki oppoɗu noak onig Akrabimnu yau uɗitteppanu, laih amuppa ukka, Sin appa ukkom. Appanu amu ukka, Hesron waum. Amu Kades Barnea amu wan Josua nug Juda mattom, amu ooppa dayom. Hesron appanu amu, tom ukka, Adar waum. Adarnu amu, tom nakok talilitta ukka, Karka wana ukka,

Josua 15:47

Ag anam Asdot, aab laala Asdot guguittak daappig, amu aab naunau taliliattak daappig Juda mattan, amu ag Gasa, aab laala Gasa guguittak daappig, am aab naunau taliliadna daappig ele, ag Juda madappig. Ag aab amu mattaeg, tom amuam le laa onig Isip Le, amuppa bate, am ukka Mediterenia yuppa batom.