Josua 15:2 - Nobonob Baibel

² Aria, yau uɗitteppanu tom amuam Mauhak Leppa laih yau uɗitteppanu, yu noa batatteppa laa daatte amu, tom amu amuppa digma ukka,

Josua 15:2 ပူးပေါင်းရင်းမြစ်များ

Genesis 14:3

Sinar dilag king aɗi ag Sodom dilag king aɗi ele ban hekkulagnu ⌊ahaeg⌋, Sodom dilag king aɗi ag ban hekkulagnu nai tuqana, ⌊haenppa⌋ ag ahilkad daup ele oolnu noak okkai onig Sidim, appa goppig. Oolnu noak onig Sidim am Mauhak Lenu oolnu noak.

Aisaia 11:15

⌊Amge haen Israel, Juda ele ag eɗun ii uɗippeg, haen amuppa⌋ Yawe Nug heeb, le kokoɗ uttug laih qaɗaietteb, Nug heeb, ulah gakkaɗak naunab ele uɗia, le Yupretis heeb, oppata, le naunau eblaih aɗit ele beeb, danab nug le mataɗkkunu uug iitta doya mataɗkku.

Esekiel 47:18

Amu Israelnu kaɗag uɗitteppanu tom am inam daakku. Tom amuam Hauran, Damaskus ele gamagppa digma ukka, yau uɗitteppanu ugakka, Jodan le dim lamitta ukka, aab onig Tamar, Mauhak Le guguittak daatte, aguppa batakku. Jodan le laih Gileat wan daatte, laih am Israel wan. Amuam Israel dilag tom, kaɗag uɗitteppanu aakku.

Esekiel 47:8

Da amu anitti, danab amu nug da amelppa aum. “Le imu nug aam bedeppa, appa ugakka, Jodan lenu oolnu noakppa ukka, le gottu okkai onig Mauhak Le, le amuppa gotte. Le imuam Mauhak Leppa ukka heeb, le amu ena iitta daatte amu, eɗua ena daakku.

Namba 34:3

Amu yau uɗitteppanu tom am, le ameg Mauhak Le laih yau uɗitteppanu digma ukka, Mediterenia yuppa nokku, amge tom nug tutukkunab ii goma. Sin atu taɗak laih am ahilag tom ooppa daakku, amuam Edomnu tom guguittak.

Josua 15:1

Aria, Josua nuhig ehanittak ele ag Israel dilag huu okkai Juda, ag baelkadppa ag om ena yaakppa wan madappig amu, wan amunu yau uɗitteppanu tom am Edom, amu atu taɗak onig Sin, tom amuppa batom.

Josua 15:3

qauko ikki oppoɗu noak onig Akrabimnu yau uɗitteppanu, laih amuppa ukka, Sin appa ukkom. Appanu amu ukka, Hesron waum. Amu Kades Barnea amu wan Josua nug Juda mattom, amu ooppa dayom. Hesron appanu amu, tom ukka, Adar waum. Adarnu amu, tom nakok talilitta ukka, Karka wana ukka,