Josua 15:14 - Nobonob Baibel

¹⁴ Kalep nug Anak danab ewam Hebronnu lamatta eɗattom; ag onilag am, Sesai, Ahiman, Talmai ele. Ag oh am Anak buɗub.

Josua 15:14 ပူးပေါင်းရင်းမြစ်များ

2 Samuel 21:16

Amu Pilistia dilag ban danab laa am Rapa buɗub onig Isbibenop. Nug nuhig qep elab am qep elab bau. Nuhig ban amu, amunu ikki am brasppa hak, uug nuhig am 3.5 kilogram maha ele. Danab amu nug Dawit qeeb mauhkkunu aum.

Namba 13:33

Am ig Nepil buɗub anadmut. Anak nug Nepil buɗub amunu, Anak buɗub, ag ele Nepil buɗulkad. Ig am nakok, ag am okkainab. Ig ikka ihinig neekkakppa, ahilag neekkakppa ele amu, ig am tap bia daautut, ag am danab bia daatteb. Ig anam anadmut,” aon appig.

Duteronomi 9:2

Danab amu ag am danab tikkuak, elab elab ele. Ag am Anak buɗub. Am laa ag inam aegeg dooppig. “Aun nug Anak danab eɗadkkunu elele?” Danab amu, am danab aakku.

Josua 11:21

Haen amuppa Josua nug Anak buɗub, ag laih qauko qauko ele Hebron, Debir, Anap guguittak daappig amu, ag qauko amuppa daaegeg, amu Juda wanppa, Israel wanppa ele qauko qauko daattebppa ele daappig amu, nug ag oh hatte nauhppig. Nug he, ag, aab ahilkad oh ele, ag Yawenuib nuhig pelemppa daappig.

Josua 11:22

Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.

Ikki Danab 1:10

Amu Juda ag banelag gona, Hebron, anukkan onig am Kiriat Arba amu, ag appa noeg, Kanan danab ag appa daappig, ag ag ele ban heppig. Hebron appa amu ag Sesai, Ahiman amu Talmai ele, ag ag, ahilkad ban daup ele eɗadppig.

Ikki Danab 1:20

Am Moses nug Hebron aab Kalep aokkunu amegppa nai anan qakkom amunu, Juda danab ag nug medappig. Mettaeg amu, Kalep nug danab ah appa daappig lamatta eɗattom. Danab ag appa daappig am Anak bekkod ewam, ag buɗulkadppan danab.