Josua 15:1 - Nobonob Baibel

¹ Aria, Josua nuhig ehanittak ele ag Israel dilag huu okkai Juda, ag baelkadppa ag om ena yaakppa wan madappig amu, wan amunu yau uɗitteppanu tom am Edom, amu atu taɗak onig Sin, tom amuppa batom.

Josua 15:1 ပူးပေါင်းရင်းမြစ်များ

Genesis 35:23

Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

1 King 8:65

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig. Ag qagmak amu deɗ eblaih aɗit dayona, tuɗidna, bau laa deɗ eblaih aɗit ele daappig, aakku ag deɗ 14 Yawe, ihinig Kayak, Nug noobppa hobulppa daappig.

Esekiel 47:19

Amu Israelnu yau uɗitteppanu tom am Tamar appa digmekku. Appa digma ugakka, le laa onig Kades Meriba, appa ukka, digma oolnu noak onig Isip dim lamitta ugakka, Mediterenia yuppa batakku. Amuam Israel dilag tom, yau uɗitteppanu aakku.

Namba 20:16

Heikkegeg, ig amunu Yawe ehanigkkunu unuqittut, Nug doya, engel laa ig ehanikka, wan amuppanu awikka omaigkkunu me ne, nug awikka, omaikka uɗiom. Gemu amu, ig nahip wan tomppa, Kades aab okkai guguittak, haen tutu dayaknu aab kalakppa daattem.

Mak 3:8

Judanu, Jerusalemnu, Idumeanu, Jodan le laihnu wan atuppanu, aria Tair, Saidon ele dilah wan atu eleppanu, ag oh Jesus kobol hettom dooppig amunu, ag Nug anidkkulagnu dim lamidna goppig.

Duteronomi 32:51

Na Aron ele aa oh da ippunatminu oo metta ii uuak kobol ii dim lamidya, aa hipunin heeh, Israel danab ah aa anatppig. Aa kobol amu Meribanu leppa, Kades appa, Sin atu taɗakppa, aa appa hepiɗ. Aa da oppiaawak daattem amu, aa Israel danab ah ii ippunadpiɗ, ag da dim lamidkkulagnunab daatteb am ii hepiɗ,

Josua 14:2

Danab ag wan paninna, Israel dilag huu okkai eblaih waɗele, amu Israel dilag huu okkai mahaib laa ele ag aoppig amu, danab amu ag om ena yaan, wan, ag aulag daakkunu panippig. Yawe Nug Moses oɗeppa ag anam hekkulagnunab ippuanattom amu, ag aakku heppig.

Josua 15:2

Aria, yau uɗitteppanu tom amuam Mauhak Leppa laih yau uɗitteppanu, yu noa batatteppa laa daatte amu, tom amu amuppa digma ukka,