Josua 14:2 - Nobonob Baibel

² Danab ag wan paninna, Israel dilag huu okkai eblaih waɗele, amu Israel dilag huu okkai mahaib laa ele ag aoppig amu, danab amu ag om ena yaan, wan, ag aulag daakkunu panippig. Yawe Nug Moses oɗeppa ag anam hekkulagnunab ippuanattom amu, ag aakku heppig.

Josua 14:2 ပူးပေါင်းရင်းမြစ်များ

Prowerb 16:33

Danab ag aɗi hekkulagnu om ena yaatteb; amge om ena yaak oh aɗi aɗi ippunigtte, amuam Yawe eppegppanu uɗitte.

Prowerb 18:18

Om ena yaakppa nai hak am babaittak daatte. Ao, om ena yaak am he, danab ɠagattag dilag nug qak aakku iitta mette.

Esekiel 45:1

Aria, Yawe Nug anam awowa, Nug nai tuɗitta aum. “Ag Israel ag wan Israel dilag huu okkai anen anen ag aulag daakkunu tituanna mattaglag amu, haen amuppa ag wan amunu maha laa dahilnu tituanak daatte, ⌊wan maha amuam wan maha okkai,⌋ ag wan maha amu da Yawe, dahil daakkunu otiglag. Wan maha amu oh, amuam dahilnu tituanak daakku. Wan amunu okkai am inam: elab nuhig am 12 kilomita maha ele, emaitak nuhig am 10 kilomita. Aben amu ohnab am dahilnu tituanak daakku.

Namba 26:52

Amu Yawe Nug Moses amegppa aum.

Namba 33:54

Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

Namba 34:13

Amu dimppa amu, Moses nug Israel amelagppa ag inam hekkulagnunab aum. “Wan aug, ahilag daakkunu amu, ag om ena yaakppa paniatteg! Yawe Nug Israel dilag huu okkai eblaih waɗele, amu Israel dilag huu okkai laa mahaib ele, amu panin mattaglagnunab aum.

Namba 34:17

“Na danab laala ag wan ag aulag daakkunu epeɗin paniglagnu otiatte! Danab amuam mana mettak danab Eleasar, Nan bekka Josua ele,

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Aposel 1:26

Anam unuqittona, aria ag oom ena yaak hena, Matias anam daakkunu anidppig. Ag anam anidna, totol danab 11 amu ele tuɗidppig.

Josua 13:7

Aulag wan amu oh amu, na Israel ag ahilagnab daakkunu, na panin, Israel dilag huu okkai eblaih waɗele ele, amu Israel dilag huu okkai Manase mahaib ele, na amu oh madakkut.” Yawe Nug anam aum.

Josua 18:10

Silo appa amu, Josua nug Yawe noobppa, om ena yaak ha antta, nug Israel dilag huu okkai eblaih aɗit ele, nug amu dilag danab ah wan mattom.

Josua 18:6

Ag anam wan maha eblaih aɗit ele dottog keeke hena, aon uɗin meɗappeg, da geha Yawe, ihinig Kayak, da Nug noobppa om ena yaak heppi, huu anen anen ag maha atten atten awaknu ippunikkeb, ig ahilag doognig.