Josua 14:12 - Nobonob Baibel

¹² Amunu, na da wan maha qauko qauko ele umu, Yawe Nug dahil daakkununab deɗ amuppa nai ana qakkom amu, na amu meɗakutnu oɗ medattem. Aɗinu? I lokkumakppa atu italak danab daaɗ oiyuɗuɗ, i lainti laa ag Anak danab ag aab okkai, ag am aab ɠagattag aɗ ele amuppa daaegeg, ag amunu mattiegeg, na doome, amge Yawe Nug da ele daagnih, amu Nug heeb, da geha Nug aumbia, da wan amuppan danab lamatten eɗadkkul,” awa aum.

Josua 14:12 ပူးပေါင်းရင်းမြစ်များ

2 King 19:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu, Yawe, nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte,” aon appig.

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Sam 60:12

O Kayak, na ig ehanigppe, ig keeke okkai okkai hekkunig. Na ig ehanigppe amu, ig kekeɗ ihinkad tappaladta, oɗoɗadkkunig.

Namba 13:28

Amge danab ah ag appa daatteb, ag am ɠagattag ele. Ahilkad aab okkai am okkai okkai aɗ ele daatteb. Am keeke uug laa ele am, danab beɗu okkai onig Anak, nug buɗub am appa daaegeg ele anadmut

Namba 13:33

Am ig Nepil buɗub anadmut. Anak nug Nepil buɗub amunu, Anak buɗub, ag ele Nepil buɗulkad. Ig am nakok, ag am okkainab. Ig ikka ihinig neekkakppa, ahilag neekkakppa ele amu, ig am tap bia daautut, ag am danab bia daatteb. Ig anam anadmut,” aon appig.

Namba 21:34

Ag ban hekkulagnu uɗieg amu, Yawe Nug Moses amegppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Duteronomi 9:1

O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Hibru 11:33

Danab amu ag Kayaknu oolagppa genab dooppig amunu, ag wan laalappa ele ban hena eɗidna, ahilag wan aon, ag nai doya mala hettoɗia elele mettak kobol dim lamidna, epeɗiak tutukku hena, ag Kayak keeke madakkunu nai qakka aum amu aona, amu ag laion oɗelag qamutppig.

Josua 15:14

Kalep nug Anak danab ewam Hebronnu lamatta eɗattom; ag onilag am, Sesai, Ahiman, Talmai ele. Ag oh am Anak buɗub.

Ikki Danab 1:20

Am Moses nug Hebron aab Kalep aokkunu amegppa nai anan qakkom amunu, Juda danab ag nug medappig. Mettaeg amu, Kalep nug danab ah appa daappig lamatta eɗattom. Danab ag appa daappig am Anak bekkod ewam, ag buɗulkadppan danab.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.