Josua 13:14 - Nobonob Baibel

¹⁴ Israel dilag huu okkai laa oh ag wan awak ele, amge Moses nug Israel dilag huu okkai Lewi, nug ag wan laa, ag aulag daakkunu, ii mattom. Aɗinu? Ag ahilag uɗat am, ag qaɗabppa, aab aɗunu ofa henana, doɗ manadna, Yawe, Israel dilag Kayak, ag Nug mettaglag amunu, mana mettak amu kuɗumppanu ag maha aoglag. Ag aoglag, amu amunu teppu keeke, amuppanu awak, Yawe Nug ag amu aoglagnu nai ana qakkom, aakku keeke amu oh am ag aulag.

Josua 13:14 ပူးပေါင်းရင်းမြစ်များ

Esekiel 44:28

Amu Naɗi Yawe Nug atte. “Da Yawe, da dakka am mana mettak danab ehanittak amunu, na ag Israel wan ooppa wan aulag daakkunu aib mattame. Da ag aulag daakkul.

Esekiel 44:29

Mana mettak danab ag Israel danab ah dilag ee aegnu ofanu aeg, amu ib etta hipunin haknu ofanu teppu laa, amu eheɗ haknu ofanu teppu laa ele aon lakkulag. Ag amu lakkulag, amu aɗi keeke Israel ooppa Yawenuib nuhig pelemppa daatte ele amu, amuam ele mana mettak danab dilag aakku.

Duteronomi 10:9

Diig amunu Israel dilag huu okkai oolagppa, Lewi buɗub ag wan laa ag aulag daakkunu ii mattak. Yawe, ahilag Kayak, Nug anam haknu aum bia, Nug nukka am ag aulag bia daatte.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Duteronomi 12:19

Am ag ahilag wanppa daanna, ag Lewi buɗub dilag daulag atimanu, ag dabmena autna aweg!

Josua 13:13

Amge Israel ag Gesur danab, Maka danab ele ii lamadppig amunu, danab amu ag gemu, ⌊nai imu yaak haenppa⌋ ele, ag Israel oolagppa daatteb.

Josua 13:15

Moses nug Israel dilag huu okkai Ruben, nug baegppan wan imu mattom.

Josua 13:33

Nug wan amu Israel dilag huu okkai laala, ag aulag daakkunu ag mattom, amge nug Israel dilag huu okkai Lewi wan laa, ag aulag daakkunu ii mattom. Nug ag wan laa ii mattomnu diig am, Yawe, Israel dilag Kayak, Nug ag nuhig uɗat hekkulagnu, amuppa ag ee keeke, ag aulag aakku, ag amu aoglagnu nai ana qakkom.

Josua 18:7

Wan maha eblaih aɗit ele aakkuib daaglag. Aɗinu? Lewi buɗub ag geha ag oolagppa wan laa ii aomna. Aɗinu? Ag am Yawenu uɗat henana, amuppanu teppu keeke aon, amu ahilag uɗatppa keeke laala ele aoglag; amu keeke amuam ag aulag daakku. Israel dilag huu okkai laa Gad, Ruben, amu Israel dilag huu okkai Manase mahaib laa, ag matu wan, ag aulag daakkunu aoppig. Moses, Yawenu maɗi nid, nug Jodan le laih kaɗag uɗitteppanu, appa nug wan amu ag mattom,” awa aum.