Josua 13:13 - Nobonob Baibel

¹³ Amge Israel ag Gesur danab, Maka danab ele ii lamadppig amunu, danab amu ag gemu, ⌊nai imu yaak haenppa⌋ ele, ag Israel oolagppa daatteb.

Josua 13:13 ပူးပေါင်းရင်းမြစ်များ

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

2 Samuel 10:6

Aria, Amon danab ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, ag nai meeg ukke, daup laala ag uɗin ehanadkkulagnu daden maadppig. Daup uɗippig am inam. Aramnu am 20,000. Ag am aab onig Betrehop am Sobanu ele uɗippig. Aab onig Makanu amu daup 1,000, ahilag king ele, aria Tobnu am daup 12,000.

2 Samuel 3:3

Amnon dimugppanu am Kileab. Nug anig am Karmel ah, Abigel; tatam nug Nabal wau dayom, amge Nabal mauhe, Dawit awom. Amu dimugppa am Apsalom. Nug anig am Makah. Makah am Gesur dilag king Talmai aɗeg.

Namba 33:55

Amge ag danab wan amuppa daatteb ele ii lamadppeg amu, danab amu ag geha qaun amelag yaatte, ag amubia ag oolagppa daaglag. Ao, ag geha danab nug qaun qetti yaatte, amubia ag oolagppa daaglag. Ag geha wan ag daaglag ele, amuppa daanna, uug mattaglag.

Duteronomi 3:14

Jair, nug Manase buɗub, nug wagai ma, Argob wan atu oh Basan appanu awe ukka, Gesur danab, Maka danab ele tomppa waum. Jair nug wan amu onig, am nug nukka nug onig awa, wan amunu Jairnu aab aum. Danab ag wan amunu gemu ⌊nai imu yaak haenppa⌋ ele Jairnu Aab atteb.

Josua 12:5

Nuhig wan tom yawalti uɗitteppanu amu, amuam qauko onig Hermon appa digma ukke, Saleka batak dayom. Nug wan onig Basan ele gumom, amge wan onig Basan am oh ii gumom. Iitta. Gesur danab, Maka danab ele ag wan amu laih gumappig amunu, Ognu wan am ukka, tom amuppa batom. Og amu oh gumama, nug Gileatnu wan maha ele gumom. Laih nug gumom ele am ukka, Hesbon dilag king Sihon, nug laih gumom, laih amunu tomppa batom.

Josua 13:11

Amu Israel dilag huu okkai Manase mahaib, amu Israel dilag huu okkai Ruben, Gad ele, ag ahilag wan laih laa, amunu ukkak am, Gileat wan ⌊maha⌋, Gesur danab, Maka danab ele wanelag awa, qauko Hermon oh, amu Basan wan oh ele ukka Saleka batak.

Josua 13:12

Wan amu ohnu amu, amuam Basan dilag king Og, nuhig dayom. Og nug Astarot, Edrei ele dayaya, king dayom. Moses nug appan danab eɗatta aqa, ahilag wan awom. King Og nug am Repaimnu buɗub dimnunab aakku.

Josua 13:14

Israel dilag huu okkai laa oh ag wan awak ele, amge Moses nug Israel dilag huu okkai Lewi, nug ag wan laa, ag aulag daakkunu, ii mattom. Aɗinu? Ag ahilag uɗat am, ag qaɗabppa, aab aɗunu ofa henana, doɗ manadna, Yawe, Israel dilag Kayak, ag Nug mettaglag amunu, mana mettak amu kuɗumppanu ag maha aoglag. Ag aoglag, amu amunu teppu keeke, amuppanu awak, Yawe Nug ag amu aoglagnu nai ana qakkom, aakku keeke amu oh am ag aulag.

1 Samuel 27:8

Dawit nug Pilistia wanppa dayeye, nug nuhikkud danab ele ag deɗ laala ahan ukkaeg, Gesur danab, Girsi danab, am Amalek danab ele ban hedappig. Danab huu ewam amu, ag anukkanu digmena, wan Sur aabppanu ukka, Isip dilag wan tom batak daanna oidppig.