Josua 11:6 - Nobonob Baibel

⁶ Ag anam heeg, aakku Yawe Nug Josua amegppa aum. “Na aib ahilagnu baɗame. Aɗinu? Butti, haen inamppa, ag ohnab mauhak daaglag. Ge, da heppi, ag Israel ag ag oh aqadkkulag. Na nug qak amu eɗittona amu, na ahilkad hos ⌊ag banppa baula oiyak elele iitta daaglagnu,⌋ na ag baelkad bittub diɗilkad otaɗadna, kekeɗ dilag bannu karis oh manadppe eweg!” awa aum.

Josua 11:6 ပူးပေါင်းရင်းမြစ်များ

2 Samuel 8:4

Nug eɗitta, nug Hadatesernu bannu karis 1,000, daup ag bannu karis attan daan, ban heppig ele 7,000, danab ag baelkadppa oinna, ban heppig ele 20,000 aɗalattom. Dawit nug anam ha, nug hos karis eeɗppig ele ⌊ag baula banppa gomananu⌋, nug hos amu baelag diɗi otaɗattom. Hos 100ib nug baelag diɗi ii otaɗattom.

2 King 6:16

Nug anam aum, amge Elisa nug aum. “Aib baɗame. Aɗinu? Ban danab ig ehanigkkulag ele amu, ag am ameg okkainab oo mekkan taliligppig daatteb amu, ag am eɗattak,” awa aum.

2 Stori 20:16

Butti amu, ag Juda dilag daup, ag ahan, ag kekeɗ amu ele ban hekkulagnu ukkeg! Kekeɗ amu ag qauko ikki oppoɗu noak onig Sis amu, ag amu tenan gokkulagnu oiglag. Ag Juda amu, ag gona, atu taɗak onig Jeruel appa oolnu noak laa daatte amu, ag oolnu noak amu igippa kekeɗ daappeg anadkkulag.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Prowerb 20:7

Genab tutukku hak danab nug oiyaya, nug Kayaknu neekkakppa danab ooppa kaliak laa iitta ele daatte; nug ena anam heehe, nug bekkod aɗekkud ele nug dim lamidtteb amu, ag itittak ena aotteb.

Aisaia 30:16

Ag amu uuna, ag appig. ‘Iitta. Ig hos attan oolkkunig.’ Ag anam appig amunu genab, ag oolkkulag, ⌊amge kekeɗ ag ag lamadkkulag⌋. Ag, ‘Ig hos qaiettan gotteb ele attan daat oolkkunig,’ appig amunu genab, ag anam oolkkulag, amge ahilag kekeɗ ag hos qaiettan, huan gotteb ele amu, ag amuppa ag lamadna, ag eɗadkkulag.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Esekiel 39:9

Amu Naɗi Yawe Nug atte. “Haen amu uɗia beeb, haen amuppa Israel danab ah aab naunauppanu amu, ag ahan gona, danab ban hekkulagnu uɗin mauhppig dilag bannu keeke, ee keeke hekkulagnu aab ilaglagnu akkaglag. Ag guppiɗ okkai, guppiɗ nakok ele, ag lat tanig, lat doɗo ele, ag daɗib, amu ban gudkkud ele akkan, aab ilaglag. ⌊Danab eheɗnab mauhkkulag, ahilag ban haknu keeke ele eheɗ niiglag amunu,⌋ ag maɗ eblaih aɗit ele keeke amu akkan, aab ilaglag.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.

Duteronomi 7:16

Yawe, ahilag Kayak, Nug danab ah huu laalappanu diia, ag eppelagppa mekku amu, ag hadappeg nauheg! Ag aib ahilagnu oolag gai-iitta doon, oolag mattan, ehanadppeg, ag oolagppa daappig. Ag ahilkad kayak ele noolagppa dup nona binalag aib meppig. Aɗinu? Ag amu hekkulag dayeb amu, ag doɗ pelemppa teum daatte bia daaglag.

Josua 10:8

⌊Amge tatam⌋ Yawe Nug Josua amegppa aum. “Ag aib baɗadppig. Aɗinu? Da geha heppi, ag eɗadkkulag. Laippu laa ag Israel ban danab eɗadkkunu, laa iinab daama. Iittanab,” awa aum.

Josua 11:5

King amu oh ag ban daup ahilkad aɗaeg o, ag Israel ele ban hekkulagnu hena, ag gona, haen tutu dayaknu aab Merom le ihippa, appa kalappig.

Josua 11:7

Amu Yawe Nug anam aum amunu, Josua nuhig ban danab ele ag laippun Merom leppa, appa ag banelag tena, king amu, ahilkad ban daup ele ban heppig.

Josua 11:9

Ag oh aqan malona amu, Josua nug hos, ⌊ag baula banppa oiyaknu elele iitta daaglagnu,⌋ nug ag baelkad bittub diɗilkad otaɗatta, nug kekeɗ dilag bannu karis oh manatte ewadppig. Yawe Nug anam aakku hekkunu a amu, nug anam aakku heum.

Josua 3:5

Ikki danab ag danab ah anam amelagppa ana malaeg amu, Josua nug danab ah amelagppa aum. “Yawe Nug butti uɗat ɠagattagnab ele ag oolagppa hekku amunu, ag Yawenu tituana mettak daaglagnu hena dayeg!” awa aum.

Ikki Danab 20:28

Eleasar bekka Pinias, Aron alag, nug appa, Tituanak Nainu Kunup guguittak, Yawe noobppa mana mettak danab dayom. Amu Israel ag Yawe oɗ medappig. “Ig lainkad Benyamin ele baula ban hekkunigte, o iitta, ig uugnigtai,” aon od mettan appig. Ag anam oɗ meeg, Yawe aum. “Ag goppeg, ag ele ban heig! Butti amu, da ag eppelagppa maadkkul,” awa aum.

Ikki Danab 7:9

Aria, tuqan amuppa, Yawe Nug Gideon amegppa aum. “Da geha Midian danab ag eppelagppa mekkul amunu, ag ahan, Midian ban danab aqaknu banelag noig!

1 Samuel 11:9

Israel oh ag anam heeg, Saul aɗi ag nai awa ukkak danab, tatam Jabes Gileatnu uɗin, Amon heppignu aeg dooppig ele amu, ag ag amelagppa inam appig. “Ag eɗun Jabes gona, Jabes danab amelagppa ‘Butti, aam ɠagattag neeb amu, ag ehanittak aoglag,’ appeg doyeg!” aon appig. Aria, ag anam akkulagnu aeg doona, ag gona, Jabes danab amelagppa aeg doon, ag oolag gamag eheɗnab ahom.