Josua 11:22 - Nobonob Baibel

²² Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.

Josua 11:22 ပူးပေါင်းရင်းမြစ်များ

1 King 2:39

Amge maɗ ewam ukke, Simenu begbeg maɗi nid aɗit laa aa oolya, Gat aabppa ukkaeh, Maka bekka Akis, nug am Gat dilag king, nug ele daappig. Daaegeg amu, danab laala ag gona, Simei amegppa appig. “Nahip begbeg maɗi nid aɗit oolya gopiɗ ele amu, aa Gat daattep,” aon appig.

1 Stori 18:1

Amu Dawit nug king ba dayaya, nug Pilistia dilag daup eɗatta he, Pilistia ag ban hekkulagnu elele iitta daappig. Nug anam ha, nug Gat, aab naunau aab amu talilidna daappig ele Pilistia eppelagppanu awe, Israel dilag daappig.

2 Stori 26:6

Amu Usia nug aha ukka, Pilistia ele ban ha eɗatta, nug Pilistia dilag aab Gat, Jabne amu Asdot ele dilag aɗ loppaɗom. Usia nug loppaɗa, nug aab laala Asdot guguittak, Pilistia wanppa aben laalappa ele kalattom.

Aisaia 20:1

Maɗ laa, maɗ amuppa Asiria dilag king Sargon nug he, ban daup ikki anuqak, nug ban danab huu laa diie, Pilistia wanppa gona, aab okkai Asdot ele ban hena aqappig.

Aposel 8:40

Anam ukkom amge Pilip nug Asdot appa tula ba, aab laala ohppa ukka oiyaya, nug Nai Ena mehuqom. Nug anam haaha ukka Sisaria waum.

Duteronomi 2:23

Kobol amubianab laa amu, Kapto danab, ag Krit appanu, ag Awim danab Gasanu aab naunauppa daappig amu, ag ag hattaeg nauheg, ag appa daappig.

Duteronomi 9:2

Danab amu ag am danab tikkuak, elab elab ele. Ag am Anak buɗub. Am laa ag inam aegeg dooppig. “Aun nug Anak danab eɗadkkunu elele?” Danab amu, am danab aakku.

Josua 10:41

Josua nug danab Kades Barneanu ukka, Gasa batak, amu wan atu aab Gosen talilidtte ukka, Gibeon appa batak oh eɗattom.

Josua 15:14

Kalep nug Anak danab ewam Hebronnu lamatta eɗattom; ag onilag am, Sesai, Ahiman, Talmai ele. Ag oh am Anak buɗub.

Josua 15:46

Amu Ekronnu qaban uɗitteppanu Asdot aab, amu aab laala guguittak daappig, am aab naunau taliliadna daappig ele amu, ag amu ele Juda madappig.

Josua 15:47

Ag anam Asdot, aab laala Asdot guguittak daappig, amu aab naunau taliliattak daappig Juda mattan, amu ag Gasa, aab laala Gasa guguittak daappig, am aab naunau taliliadna daappig ele, ag Juda madappig. Ag aab amu mattaeg, tom amuam le laa onig Isip Le, amuppa bate, am ukka Mediterenia yuppa batom.

Ikki Danab 1:18

Amu tuɗittak, Juda ag aab Gasa, Askelon, Ekron, amu wan aab amu taliliattak ele aoppig.

Ikki Danab 3:3

Amu Kanan wanppa danab huu anen anen, ahilag wan obatak laala eleppa daaegeg, Yawe uuatte daappig ele am iikku: Pilistia aab okkai tanig ele, ahilkad gumattak danab ele, amu Kanan danab, Saidon danab, Hiwi danab ele ag Lebanon wanppanu qaukoppa daappig. Ag wan amuppa qauko onig Balhermon ukka, Lebo Hamat batakppa daappig.

1 Samuel 17:4

Ban ameg aɗit aa anam daayya, Pilistia dilag danab naɗi okkai laa onig Goliat, nug ban haknu doya auta aotte, nug am aab onig Gat, appan danab, nug laikkud uuatta noa ukka, Israel danab laa neeb, nug ele ban hekkulahnu eum. Nug am danab naɗi okkai; elab nuhig am 3 mita, anam.

1 Samuel 5:1

Pilistia ag Kayaknu Tituanak Nainu Kunup Israel eppelagppanu aowona, ag Ebenisa appanu maon, ahilag aab laa onig Asdot, appa goppig.