Josua 10:5 - Nobonob Baibel

⁵ Nug nai anam me ukke, Amo dilag king tanig ele amu, amuam aab Jerusalem, Hebron, Jarmut, Lakis amu Eklon ele, ahilkad king, ag nai amunu oolag laippu mena, ag laippu daaglagnu qagmena, ag oh aɗa mak gona, Gibeon ele ban hekkulagnu dabmeppig. Anam amu, amu dilag king ag heeg, ban daup ahilkad oh ag aben ban hekkulag ele, ag amuppa teeg, ag Gibeon ele ban heppig.

Josua 10:5 ပူးပေါင်းရင်းမြစ်များ

Genesis 15:16

Na gemu Amo danab oolagppa oittem amu, ag gemu hipunin huana, okkainab ii hetteb amunu, na gemu wan imu aokkutnu elele iitta. Amge dimppa da anidttem, ag hipunin tuɗidppeg, elab bekku. Aria, haen amuppa da hipunin okkainab ahilag amunu heppi, na buɗunad ag wan imu aoglag. Buɗub buɗub doak waɗeleppa, haen amu gamagppa ag eɗun uɗin aoglag,” awa aum.

Jeremaia 34:7

Jeremaia nug nai amu Sedekaia amegppa aum, haen amuppa Babilon dilag king Nebukatnesar nug Jerusalem, amu Juda aab aɗit laa, aa ii neya qepiɗ ele, amuam Lakis, Aseka ele, nug aab ewam amuppa ele ban heum. Aab ɠagattag, aɗ ele Juda ooppa daappig amu, aab amu oolagppa aab ewam amu aakkuib ag ii nena qeppig; Nebukatnesar eppegppa ii daappig.

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Josua 10:16

⌊Amge Israel ag ban eɗidna malan, eɗun Gilgal ii goppig daaegeg,⌋ ban heppig haen amuppa, king tanig ele ag oolna gona, Makeda appa wan oɗeppa nona lokkumna daappig.

Josua 10:6

Ag anam heeg, Josua nug Gilgal appa dayeye, Gibeon ag nai nuhignu laippun meeg ukkom. Nai meeg ukke appig. “Amo dilag king oh ag laih qauko qauko eleppa daatteb ele, ag aɗaeg o, ig banenig uɗin daattebde! Anam amunu, na pahanab uɗin, ig ehanikke! Na ig, nahip maɗi nid maɗi ah ele, na ig aib uuigme. Ig padal mematanu uɗin ehanikke!” aon appig.

1 Samuel 7:14

Amu Pilistia ag Israel ele matu ban hena, aab okkai aɗit onilah Ekron, Gat ele, ag Israel dilag aab laala aab aɗit amu gamalahppa daappig amu, Pilistia ag aab amu oh aon gumadppig, amge gemu Israel Pilistia eɗadppig amunu, ag heeg, Pilistia ag aab amu oh eɗun, Israel gumadkkulagnu Israel eppegppa meppig. Israel ag ahilag wan oh haen amuppa aakku eɗun aoppig. Aoeg amu, Israel, Amo danab ele, ag oh maɗoɗ ele daappig.