Josua 10:36 - Nobonob Baibel

³⁶ Ag Eklon eɗitton amu, Josua nug Israel ban danab ele ag appanu ahan, Hebron banelag goppig

Josua 10:36 ပူးပေါင်းရင်းမြစ်များ

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

1 Stori 12:23

Yawe Nug Dawit, Saul abenab awa, king daakkunu aum bia amu, Israel danab kuɗum laa, danab amu oh ag ban hekkulagnu keeke eppelagppa aɗappig ele, ag king dayaknu ehah Saul eppegppa dayom aon, Dawit mettaglagnu Dawit gumidna, Hebron goppig. Am danab amu, ahilag ebqak am inam.

1 Stori 12:28

Sadok ele Lewi buɗub oolagppa dayom. Sadok nug nid bau, ban danab ɠagattag. Nug danab 22 laa ele, ag nug ele oh tiig laippu, danab amu ag ban danab dilag ikki daappig amu, ag nug ele oh uɗippig.

2 Stori 11:10

Sora, Aiyalon, Hebron ele. Aab amu Juda wanppa, Benyamin wanppa ele aab okkai ɠagattag aɗ ele daappig.

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Josua 10:3

Ag baɗappig amunu, Jerusalem dilag king Adoni Sedek nug nai awa ukkak danab maatte, king laala dilagppa nai aon goppig. King amu ag am, Hebron dilag king Hoham, Jarmut dilag king Piram, Lakis dilag king Japia, Eklon dilag king Debir ele.

Josua 10:35

Ag aab amu deɗ laippuppaib ban hena, eɗittona aon, ag qep elabppa danab ah aqadppig. Josua nug he, aab amunu danab ah ohnab ag Yawenuib nuhig pelemppa daappig; laippu laa iinab tippalom. Nug Lakis dilagppa heum bia, nug Eklon dilagppa heum.

Josua 10:37

Deɗ amu ag banelag tena, ag aab okkai aona, ag qep elabppa danab oh aqadna, king ahilag ele qeeg mauhom. Josua, Israel ban danab ele ag amu hewona, ag aab naunau aab Hebron talilittak daappig ele amu, ag amu ohnab dilagppa anamib heppig. Ag danab laippu laa tippaleg, bau ii dayom. Eklon appa ag heppig bia, Hebron appa ele ag heeg, aab amu, danab ah ohnab ele ag Yawenuib nuhig pelemppa daappig.

Josua 10:5

Nug nai anam me ukke, Amo dilag king tanig ele amu, amuam aab Jerusalem, Hebron, Jarmut, Lakis amu Eklon ele, ahilkad king, ag nai amunu oolag laippu mena, ag laippu daaglagnu qagmena, ag oh aɗa mak gona, Gibeon ele ban hekkulagnu dabmeppig. Anam amu, amu dilag king ag heeg, ban daup ahilkad oh ag aben ban hekkulag ele, ag amuppa teeg, ag Gibeon ele ban heppig.

Josua 15:13

Yawe Nug Josua amegppa Juda dilag wan laih laa Jepune bekka Kalep medakkununab aum. Nug anam aum amunu, Josua nug Kalep Aab Kiriat Arba amuam Hebron mettom. Arba am Anak alag anukkanu.

Josua 15:54

Humta, Kiriat Arba, onig laa Hebron, amu Sior ele. Aab amu oh ebaqak am eblaih waɗele. Aab amu taliliattak aab naunau daappig amu, ag amu ele madappig.

Josua 21:13

Israel ag aab amu aakku mana mettak danab Aron buɗub madappig; ag aab amu, aria aab amunu gikkiɗah dad okkai ele madappig. Hebron aab am ii doyaya laa qe mauhomnu ehanittak aab okkai laa. Ag Lipna,

Ikki Danab 1:10

Amu Juda ag banelag gona, Hebron, anukkan onig am Kiriat Arba amu, ag appa noeg, Kanan danab ag appa daappig, ag ag ele ban heppig. Hebron appa amu ag Sesai, Ahiman amu Talmai ele, ag ag, ahilkad ban daup ele eɗadppig.

Ikki Danab 1:20

Am Moses nug Hebron aab Kalep aokkunu amegppa nai anan qakkom amunu, Juda danab ag nug medappig. Mettaeg amu, Kalep nug danab ah appa daappig lamatta eɗattom. Danab ag appa daappig am Anak bekkod ewam, ag buɗulkadppan danab.