Josua 10:24 - Nobonob Baibel

²⁴ Ag diin uɗieg, Josua he, Israel danab oh ag uɗieg, ⌊Josua nug he, king amu ag wanppa ukkan qena niiegeg,⌋ Josua nug ban daup ikki amelagppa aum. “Ag dona, king imu baelagppa baalkad tappalatteg!” awa aum. Nug anam a, aakku ag anam hekkulagnunab anak anamnab heppig.

Josua 10:24 ပူးပေါင်းရင်းမြစ်များ

2 Samuel 22:39

Da ag huana oɗoɗatti, ag padal mena autna aoppig. Ag eɗun ahaglagnu elele iitta. Ao, ag nena qena, da bael waappa daappig.

2 Samuel 22:41

Na hee, dahil kekeɗ ag da dimeɗan ooladna goppig. Ao, da laa ag dahilnu nau ninig ele dooppig amu, da ag hatti nauhppig.

Sam 107:40

Amu laa Nug king tiigppan danab ag dada danab daatteb dayeb, Nug he, ag uɗa nak naunab aotteb. Amuam Yawe Nug he, laa ag Nug dim lamittak uuppig ele ag gona, atu taɗak nauppa mauhnoak oippig.

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Sam 110:5

Naɗi Nug na atognoidkkunu eppen naɗiap-ppa hibaitta daatte. Nug bu mettaknu deɗppa, king kuɗum oh oɗoɗadkku.

Sam 18:40

Na hee, dahil kekeɗ ag da dimeɗan ooladna goppig. Ao, da laa ag dahilnu nau ninig ele dooppig amu, da ag hatti nauhppig.

Sam 91:13

Na geha laion, amu mat nau ele eɗadppe, ag aɗitai keeke laa hekkulagnu elele iittanab daaglag. Ao, na geha laion bau, mat nau ele tappaladppe noppeg, ag aɗitai laa hekkulagnu elele iittanab daaglag.

Aisaia 51:23

Da kap wain nau ele, amuam ag Israel, ahilag bu mattak ippunigtte amu, da kap amu ahilag kekeɗ eppelagppa memi. Kekeɗ amu ag guittak nau madappig. Ag ag amelagppa, ‘Ig ag beɗulag qaɗeppa ib mattata oignignu amu, ag wanppa niieg!’ appig. Ag heeg, ag Juda ag wanppa niin, gomelag matteg, wan bia dayeye, ag aguppa tappan goppig. Ao, ag heeg, ag Juda ag wanppa niin, ag beɗulag mattaeg ib bia dayeye, ag aguppa oippig,” awa atte.

Malakai 4:3

Da amu oh heppi bekku, deɗ amuppa ag nau hak danab eɗadkkulag. Ag eɗadkkulag amunu, kekeɗ ag aab uhuɗ bia, ag baelkad waappa daappeg, ag qaɗelagppa tappan gokkulag.” Yawe Nukka Ɠagattag Oh ele Nug anam awa atte.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Hibru 1:13

Kayak Nug Bekka amegppa anam aum, amge Nug anukka engel nuhig laa amegppa inam laa iinab aum. “Na da eppel naɗiap-ppa daappe ukkeb, da nahip kekeɗ na waatppa maadkkul.” Iitta! Nug Jesus amegppa aakkuib amu aum.

Ikki Danab 8:20

Nug anam awowa, nug eɗua awa, bekka tatamnu Jeter amegppa aum. “Imu aqate,” awa aum. Aum amge, Jeter nug nuhig qep elabppa aa duulti ii oum. Aɗinu? Nug am nid bau amunu, nug amu haknu baɗom.