Josua 10:23 - Nobonob Baibel

²³ Nug anam a, ag king tanig ele amu wan oɗeppanu diippig. King amu ag, Jerusalemnu, Hebronnu, Jarmutnu, Lakisnu, amu Eklonnu king ele.

Josua 10:23 ပူးပေါင်းရင်းမြစ်များ

Duteronomi 7:24

Nug geha danab amu, Nug king ahilkad diia, ag eppelagppa meeb, ag hadappeg nauhkkulag. Ag heppeg, king amu ag nauhna autnanab aon, ag wanppa deɗ laa ii daalob, am anambia daakku. Auntai laa ag, ag Israel eɗadkkulagnu elele iitta. Geha ag hadappeg, nauhna iitta mekkulag.

Josua 10:1

Adoni Sedek nug Jerusalemnu king dayom. Nug Josua aab okkai Jeriko eɗitte doya, Josua nug he, Jeriko am Yawenuib nuhig pelemppa daye ele doyom. Amu nug Josua, Jeriko dilag king, nug aɗi kobol nuhigppa heum, nug amu ele doyom. Laa amu, nug Josua, Ai eɗitta he, Ainu oh am Yawenuib nuhig pelemppa dayom, nug amu ele doyom. Nug Josua, Ai dilag kingnu aɗi kobol heum amu, nug amu doyom. Josua nug aab okkai Jerikonu heum, amu nug kingnu heum, amubia Ai, amu ahilag king ele, ahilagppa heum. Am Gibeon danab ag Israel ele maɗoɗppa daaglagnu nug tituanna, nai qakkan, ag gemu Israel dilag ehanittak daatteb, amu ele Adoni Sedek nug doyom.

Josua 10:22

Ag gona daaeg, aria Josua nug aum. “Men okkai okkai wan oɗe keldoak amu mautattona, king tanig ele amu diin, dahilppa uɗieg!” awa aum.

Josua 10:3

Ag baɗappig amunu, Jerusalem dilag king Adoni Sedek nug nai awa ukkak danab maatte, king laala dilagppa nai aon goppig. King amu ag am, Hebron dilag king Hoham, Jarmut dilag king Piram, Lakis dilag king Japia, Eklon dilag king Debir ele.

Josua 10:5

Nug nai anam me ukke, Amo dilag king tanig ele amu, amuam aab Jerusalem, Hebron, Jarmut, Lakis amu Eklon ele, ahilkad king, ag nai amunu oolag laippu mena, ag laippu daaglagnu qagmena, ag oh aɗa mak gona, Gibeon ele ban hekkulagnu dabmeppig. Anam amu, amu dilag king ag heeg, ban daup ahilkad oh ag aben ban hekkulag ele, ag amuppa teeg, ag Gibeon ele ban heppig.

Josua 12:10

Jerusalem dilag king, amu Hebron dilag king ele.

Josua 12:12

Eklon dilag king, amu Geser dilag king ele.