Josua 10:20 - Nobonob Baibel

²⁰ Amu Josua, Israel daup ele ag Amo ban danab aqanna, daup ameg tanig ele amu ohbia aqaegeg ukke, laippu laippunab ag eɗun ahilkad aab okkai ɠagattag aɗ eleppa goppig.

Josua 10:20 ပူးပေါင်းရင်းမြစ်များ

2 Samuel 20:6

Amasa nug haen anam eɗittom amunu, Dawit nug Abisai amegppa aum. “Amasa nug paha eɗua ii uɗitte amunu, gemu Bikri bekka Seba nug uug okkainab megakku. Apsalom nug uug okkai mekkom, amge Seba nug uug okkainab megakku amunu, na dahilad daup ippa daatteb ele noolag aoppe gona, Seba lamidkkulag. Iitta dayeb amu, nug aab okkai laa, aab amuam aab ɠagattag aɗ ele amu, nug aab amuppa teeb, ig nug aognignu elele iitta daakku,” awa aum.

1 King 20:21

Ag oolegeg, King Ahap ahe, nug, amu nuhikkud daup ele ag ukkaeg, Aram danab ag hos, bannu karis eleppa ban heppig ele, ag ag ele ban heppig. Ban heegeg, Israel dilag daup ag eɗadna, Aram dilag daup amu huanaknab aqaeg mauhadppig.

2 Stori 13:17

Abaiya nuhikkud daup ele ag Israel dilag daup huanaknab aqappig. Ag Israel dilag daup 500,000 aqaeg mauhppig. Daup mauhppig ele amu, ag am ban haknu elelenab daappig.

Jeremaia 4:5

Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Duteronomi 20:16

Iitta. Wan Yawe, ahilag Kayak, Nug ag aulag daakkunu madatte, amuppan aab okkai amu, ag appa laa uuppeg, bau aib dayom.

Josua 10:10

Israel ag anam teeg, Yawe Nug Amo dilag king, ahilkad daup ele ag huan baɗaglagnu he, Israel ag Amo danab kuɗumnab Gibeon appa aqappig. Ag anam henana, Israel ag Bethoron ukkak, ibppa appa Amo lamadppig. Amu kekeɗ ag oolna ukkaegeg, Israel ag lamadna, aqaeg mauhattegeg gona, Aseka, Makeda ele batakppa appa goppig.

Josua 10:19

Aria, laa oh ag kekeɗ ag oolna gobeppeg, lamadna gona aqeg! Aib uuadppeg, eɗun ahilkad aab okkaippa goppig. Aɗinu? Yawe, ahilag Kayak, Nug ag danab amu eɗadkkulagnu, eɗittak amu mattom daatte,” awa aum.

Josua 10:21

Israel ag anam hewona, ag oh enaib daan, ag eɗun, ahilag haen tutu dayaknu aab kalappigppa, Makeda appa, Josua ele goppig. Goppig amu, auntai laa Israel dilagnu naittuɗ nakok laa iinab mattiom.

Josua 11:12

Josua nug king amu oh, ahilkad aab okkai ele eɗatta, nug qep elabppa aqom. Nug Yawenu maɗi nid Moses hekkununab aum bia, Josua nug he, king amu oh, ahilkad aab okkai ele, ag Yawenuib nuhig pelemppa daappig.

Josua 11:8

Yawe Nug Israel ehanatta, kekeɗ ban daup amu diia, ag eppelagppa meum. Israel ag kekeɗ lamadna gona, Saidon Anuqak, appa, amu Misrepot Maim appa wana, ag lamadna gona ele, Mispa, ban digmeppigppanu kaɗag uɗitteppanu daatte amu, ag appanu oolnu noakppa wappig. Ag tuɗidna lamadnana aqaegeg ukke, laippu laa bau ii dayom.

Josua 8:24

Israel danab ag aab dimittim danab Ainu oh, laa ag dad okkaippa daappig, laa ag lamatteg, atu taɗakppa oolna goppig ele amu, Israel ag danab amu ohnab aqan malona, ag eɗun nona, aab ooppa daappig oh aqappig.