Josua 10:12 - Nobonob Baibel

¹² Amu Yawe Nug Israel ag ehanatte, Amo eɗadppig, deɗ amuppa Josua nug Israel danab oh noolagppa Yawe unuqittom. Nug aum. “Da na unuqidttem. Na heppe, aam nug Gibeon amahalittak dayebeb, kalam nug oolnu noak onig Aiyalon, nug amu amahalittebeb daakkunu oɗ medattem,” awa unuqittom.

Josua 10:12 ပူးပေါင်းရင်းမြစ်များ

2 Samuel 2:12

Anam daye amu, deɗ laa Ner bekka Apner, Saul bekka Isbosetnu daup danab ele ag ahan, Mahanaim uun, Gibeon goppig.

2 King 20:10

Aisaia anam a amu, Hesekaia nug aum. “Lokko adqaɗnu tappa ukkakppa eblaih laih ele paha gokkunu am uug iitta. Am anam amunu, lokko nug eɗua, bittumttum ukkeb, adqaɗnu tappa ukkakppa eblaih laih ele batakkunu ool daatte,” awa aum.

2 King 20:11

Aria, propet Aisaia nug Yawe onigppa e, Yawe Nug he, lokko am eɗua teete, adqaɗ tappa ukkak 10 lokko dayom eleppa am ii dayom.

2 King 20:9

Hesekaia nug anam oɗ mette, Aisaia nug aum. “Yawe Nug genab aɗi keeke hekkunu nai qakka aum, amu hekkunu dookkutnu at daakkunu aum amu, Nug na oɗmak imunu nob appe dookkulnu aum. ‘Aam amahale, amahlak giɗoppa ukka, adqaɗ Ahas heum ele, amuppa amahlak amu giɗo amuppa ugakka, adqaɗ amu laih gane tone, lokko laih tonatte ele amu, Nug heeb, lokko amuam noa, adqaɗ laih ii tonak ele daakku, o iitta, Nug heeb, lokko amuam eɗua adqaɗ amu teebeb, adqaɗ laih lokko tonak dayom amu, amunu laih am tonak ii daama, amahlak am aguppa eɗua daakku. Lokko noa daakkuppa, o eɗua ukka ii daakkuppa, laih amuam adqaɗnu tappa ukkaknu 10 aakku,’ awa aum. Nug anam aum amunu, na attem bekku am appe doyei!” awa aum.

2 Stori 11:10

Sora, Aiyalon, Hebron ele. Aab amu Juda wanppa, Benyamin wanppa ele aab okkai ɠagattag aɗ ele daappig.

Job 9:7

Kayak Nug aamnu a, ii amahaltte; Nug he, hoɗoppai ag wan amahlak nakok laa ii medatteb.

Sam 148:3

Aam, kalam ele, aa ⌊danab ah Nug binag metteb bia, aa⌋ Nug binag meiɗ! Hoɗoppai amahaltteb ele amu, ag ele ⌊danab ah Nug binag metteb bia, ag⌋ Nug binag meig!

Sam 19:4

Keeke amu oh baalag am wan atu ohppa ukka malom daatte. Yo, ahilag nai amu wan oh tualom daatte. Yawe Nug he, aam dayaknu aben am hab waappa daatte.

Sam 74:16

Na hee, amun tuqan ele daatte. Na aam, kalam ele abenlahppa matame.

Aisaia 28:21

Yawe Nug danab ah bu madakkunu Nug anukka Perasim qaukoppa heum bia hekku. Ao, Nug danab ah bu madakkunu Nug oolnu noak Gibeon, amuppa heum ele, Nug amubia hekku. Nug nuhig uɗat, danab dooglagnu elele iitta ele, Nug nuhig uɗat amu hekku. Ao, Nug uɗat laa, Nug uɗat amu haen kuɗum ii hette ele, Nug amu hekku.

Aisaia 38:8

‘Antte! Haen doyaknu adqaɗ Ahas heum, amuppa aam amahalele, lokko noum, am adqaɗ amunu tappa ukkak 10 eɗua tekku.’ ” Yawe Nug anam aum. Nug anam ana amu, Nug he, lokko am eɗua teete, adqaɗ tappa ukkak 10 lokko dayom eleppa am ii dayom.

Aisaia 60:20

Amu gemu aam no, gatatu manatte amu, ag haen amuppa anambia ii anidmana. Kalam gemu ele gatatu manatte amu, ag haen amuppa anambia ii anidmana. Aɗinu? Yawe Nug ahilag amahlak hanhannu daakku. Ao, Nug heeb, ag baula uug, oo doyak keeke iinab anidmana.

Jeremaia 28:1

Aakku, maɗ amuppaib, maɗ amuam Sedekaia nug haen elab king ba ii dayom, nug Juda dilag king ba dayaya, nuhig king dayaknu maɗ waɗelenu kalam tanig eleppa Asur bekka propet Hanania, Gibeon ted, aria da, mana mettak danab, amu danab ah ele ig Yawe laugppa daamut. Ig anam appa daatta, Hanania nug mana mettak danab, amu danab ah ele noolagppa da amelppa aum.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

Amos 8:9

Amu Naɗi Yawe Nug inam atte. “Haen amuppa da heppi, aam anig amu, aam nokku; aam anig gatatu na, wan tonakku.

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

Habakuk 3:11

Na nahip lat doɗo e ukkaegeg, amemɗi awom. Ao, na nahip ban ele eewo, amemɗi awom. Anam amu, aam, kalam ele hab waappa toettaya daapiɗ.

Sekaraia 2:13

O danab ah oh ag Yawe noobppa toettan daan, bakkum dayeg! Aɗinu? Nug hab aab, amuam aab oppiaawak ele, Nug appanu uɗitte.

Duteronomi 17:3

nug kayak hambuppuak laala noolagppa dup noa binalag mekku dayeb, o nug aam, kalam, o hoɗoppai lomppan dilagnu dup noa binag mak kobol hekku dayeb, da ag kobol amu hemananunab aib ami daatte amu,

Duteronomi 4:19

Aria ag neegppeppeg, lomppa teeb, ag aam, kalam, hoɗoppai ele, ag keeke amu oh anadna amu, ag aib amuam kayak daatteb anana, noolagppa dup nona binalag mak heppig. Yawe, ahilag Kayak, Nug keeke oh hab waappa daatteb amu, Nug am wanppan danab ah oh ehanadkkunu hattom.

Josua 10:13

Nug anam unuqitte, aam, kalam ele aa aben aɗit amuppa daayya amahleheh, Israel ag ahilag kekeɗ eɗidna malappig. Buk laa onig Jaser, buk amuppa nai amu iite yaak daatte? Aam nug hab gamagppanab deɗ laippu anam, nug anam daya, laih ii ukkom; nug deɗ oh diigppan ba ukka, batakppa notte, amubia ii heum.

Josua 19:42

Salabin, Aiyalon, Itla,

Josua 21:24

Aiyalon, amu Gatrimon ele, amu aab amunu gikkiɗah dad okkai ele ag madappig. Aab amu ahilag ebqak oh am waɗele.

Ikki Danab 12:12

Elon nug mauhe amu, danab ag nug Seblon wanppa, Aiyalon appa boumppig.

Ikki Danab 5:20

Hoɗoppai hab waappanu ag Sisera ele ban heppig. Ao, hoɗoppai ag ib ahilag mattan gonana, Sisera ele ban heppig.

1 Samuel 12:18

Samuel nug anam awowa, nug unuqitte, Yawe he, hakkaɗ qak, gu ele neum. Ne amu, danab ah oh ag ebehilag oh Yawenu bodoetta le meum. Ag Yawenu anam doon, Samuelnu ele anam dooppig.

1 Samuel 14:31

Deɗ amuppa amu Israel ag digmena, aab onig Mikmas appa ag Pilistia aqadna gona, aab onig Aiyalon batak aqadppig. Ag anam hena, ag beɗulag gai-iitta meum.