Josua 1:6 - Nobonob Baibel

⁶ Na ɠagattag daan, ootppa ele ɠagattag doye! Aɗinu? Na danab ah imu noolag aon gona, wan umu, da wan amu imun danab ah mamelkad aɗi madakkulnu ag amelagppa dahil nai ɠagattag qein ami amu, da ehanadppi, ag wan amu, ag aulag daakkunu aoglag.

Josua 1:6 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

2 Samuel 10:12

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

1 King 2:2

Dawit nug aum. “Da danab oh mauhtteb bia, da mauhkkulnu haen aakku miag daatte amunu, na gumak danab ena, ɠagattag ele daanna, uɗat nahip he!

1 Stori 22:13

Na Yawenu ɗo iɗu iɗu, Nug Moses ig Israel ig dim lamidkkunignu mettom ele, na nai amu oh pehettak, elele dim lamidkkut dayeb amu, na ena daakkut. Na ɠagattag, ootppa ɠagattag qettak ele doon oiye! Na aib baɗame; na dabmak qe nak ele aib doome.

1 Stori 28:10

⌊Amu Solomon, da bekkal,⌋ na daut human doye! Aɗinu? Yawe Nug na nuhig mettid lag nuhignu tituanak daakkunu hekkutnu tituanittom amunu, na ɠagattag daan, uɗat amu he!” Dawit nug anam aum.

1 Stori 28:20

Amu Dawit nai imu ele Solomon amegppa aum. “Na ɠagattag daan, ootppa ele ɠagattag doon, uɗat amu he! Yawe Kayak, dahil Kayak, Nug na ele daattep amunu, na aib baɗame. Na dabmak qe nak ele aib doome. Na lag amu, danab ah ag appa Yawe noobppa dup nona Nug binag mekkulagnu daakkunu, amu lag amunu keeke ele babaittak daakkunu, na lag amu heppe ukka ukka, gogppa tekkunu, Nug ii uuidma; Nug ehanidkkunu dabmak ii paɗama.

2 Stori 15:7

Amge Asa na, Juda danab ele, ahilagnu amu, ag ɠagattag dayeg! Ag eɗun, bittumttum aib goppig. Aɗinu? Ag ⌊Yawe tutukku dim lamidkkulag dayeb amu, ag⌋ noob ena aoglag,” awa aum.

2 Stori 20:11

Ig ahilagnu ena hemut, amge ag uɗin, eheɗ heigna, lamigna eɗigppeg oolta, laih wan laappa daagnignu hetteb amu, na amu neegna anidkkutnu oɗ medattem. Na wan imu, am ig aunig daakkunu na ig mekkame.

2 Stori 20:7

O Kayak ihinig, ig memetankad anukka haenppa danab wan imuppa daadppig amu, na hee, nahipad danab ah Israel ag danab amu lamatteg, na wan imu na layap Abraham buɗuppud, amuam ig, na ihinig hanhan daakkunu ig mekkame.

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Daniel 10:19

Nug ɠagattag meɗe, ⌊danab da anidmi amu,⌋ nug aum. “O danab, na aib baɗame. Kayak Nug nahipnu ooppa enanag dootte. Na maɗoɗ, ɠagattag ele daye! Ge, na ɠagattag daye!” Nug nai anam da amelppa aawo, da ɠagattag awe, da ami. “O naɗi, na ɠagattag da meɗame amunu, na appe doyei!” awe ami.

Hagai 2:4

Amge, O Serubabel, na ɠagattag daye! O Jehosadak bekka Josua, na mana mettak ikki danab daattem, na ɠagattag daye! Ag Israel wanppan danab ah, ag oh ɠagattag daan, uɗat heig! Aɗinu? Da ag ele daattem!” Yawe Nukka Ɠagattag Oh Ele, Nug anam atte.

Sekaraia 8:9

Amu Yawe Nukka Ɠagattag Oh Ele Nug inam atte. “Ag oolag ɠagattag qettan, ag da, Yawe Dakka Ɠagattag Oh Ele, ag da laul heppeg malaɗ! Serubabel nug digma, da laulnu men ukku meum, haen amuppa propet danab ag, ag aɗi hekkulagnu mattieg dooppig ele amu, gemu ag baula nai amu dootteb.

Namba 26:53

“Dimppa, Israel danab ag kekeɗ, wan ag gotteb eleppan eɗattona, danab nug wan otia madakku ele, nug huu anen anennu ebqak gane doya dabmaama, ahilagnu wan, ag aulag daakkunu, elele paniadkkuoitte.

Namba 33:53

Wan amu ahilag daakkunu mattami amunu, ag ahilag daakkunu, ag amuppa nona aona dayeg!

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Duteronomi 1:21

Yawe, ahilag Kayak, Nug aakku ag noolagppa meumde, ag antteg! Ag gona, Yawe, ag mamelkad aɗi dilag Kayak, Nug aum bia ahilagnu aweg! Ag aib baɗappig! Ag oolagppa gai-iitta aib dooppig!” ami.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 11:8

Ag keeke oh Yawe Nug heewo anidppig amunu, ag haknunab anak nai gemu da ag madattem imu, ag tutukkunab dim lamitteg! Ag amu hekkulagnu diig am, wan ag Jodan le mataɗana, nona aoppeg, ahilag daakkunu daatteb amu, ag nai amu oh dim lamidkkulag dayeb, ag amu hekkulagnu ɠagattag elele.

Duteronomi 31:23

Aria, Yawe ⌊aum bia, Moses, Josua ele aa mettid haknu peh lag odppa daaeheh, Yawe amu mattia mala,⌋ Nug Nan Bekka Josua, ehah nai imu mettom: “Na ɠagattag daan, ootppa ɠagattag ele doye! Aɗinu? Da Israel danab ah wan madakkulnu, dahil nai ɠagattag qette ami amu, na ag amuppa omaladna nokkutoitte. Da ag ele daagnig,” awa aum.

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

Josua 1:18

Ig hepput, aun laa nug nahip haknunab nai tappeb nekku amu, nug mauhkku. Amge laippuib na hekkutnu daatte amu, na ɠagattag daanna, ootppa ɠagattag doye!” aon appig.

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Josua 10:25

Ag anam heeg, Josua nug ag amelagppa aum. “Yawe Nug ahilkad kekeɗ oh, ag ag ele ban hekkulag ele amu, Nug imu dilagppa heumbia amu, Nug amu dilagppa hekku amunu, ag aib baɗappig; dabmakppa ele qe nak aib dooppig! Ag ɠagattag daan, oolagppa ɠagattag doyeg!” awa aum.

Josua 13:6

Aria, wan atu laa Kanan danab eppelagppa daatte, tom laa am Lebanon dilag tom, appanu ukka, Misrepot Maim tomppa batom. Wan amuppa qauko qauko daatteb. Amuam Saidon danab dilag wan. Da dakka, da geha heppi, ag Israel ag danab amu lamadkkulag. Da anam ehanadkkul amunu, da haknunab ami, anamnab na hena, ag aulag daakkunu, na wan amu oh Israel madakkut.

Josua 18:3

Am anam dayom amunu, Josua Israel amelagppa aum. “Yawe, ag mamelkad aɗi dilag Kayak, Nug wan imu ag mattom. Ag matu danab ag wan imuppa daatteb ele eɗadna, ag eppelagppanu wan amu ahilag daakkunu aolob. Am haen gane laa ele ukkeb, ag anam hekkulag?

Josua 21:43

Amunu Yawe Nug Israel mamelkad aɗi amelagppa wan amu madakkunu nai ɠagattag qetta aum amu, Nug aakku wan amu oh Israel eppelagppa me, ag aon, aguppa daappig.

1 Samuel 4:9

Ag anam akka akka mattiona amu, ag nai tuɗidna, akka akka inam ele madippig. “Amge ig Pilistia danab, ig ɠagattag daatu! Ig danabnab daatu! Iitta dayeb amu, Hibru danab umu ag eɗigppeg, ag ihinig maɗi nid daappig amu, ig amubia ahilag maɗi nid daagnig. Anam bemanu amu, ig danabnab daat, ig ban ɠagattag hetu!” aon appig.