Josua 1:18 - Nobonob Baibel

¹⁸ Ig hepput, aun laa nug nahip haknunab nai tappeb nekku amu, nug mauhkku. Amge laippuib na hekkutnu daatte amu, na ɠagattag daanna, ootppa ɠagattag doye!” aon appig.

Josua 1:18 ပူးပေါင်းရင်းမြစ်များ

Esra 10:4

Keeke imu na eppenppa daatte amunu, ahan, ib attenppa gokkunignu daatte ippunigppe, ig amuppaib gotu! Ig nahip nai dim lamidkkunignu nahip nai ɠagattag qettagnig amunu, na ootppa ɠagattag doon, ahan he!” awa aum.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Duteronomi 17:12

Ag aun laa nug enaen ma, nug epeɗiak danab, o mana mettak danab ag Yawe, ahilag Kayak, ag Nug noobppa nuhig ɗo maɗoɗnu uɗat hetteb ele amu, nug amu dilagnu ag am keeke hamunab dookku amu, ag nug qeppeg mauhkkuoitte. Kobol nau ag Israel, ag oolagppa daamanu, ag heppeg, aib dayom!

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Josua 1:17

Ig haen oh Moses oɗe doota dim lamidmut bia, ig na oɗen doota dim lamidkkunig. Ig oonig keeke laippunu aakkuib niitte. Amuam Yawe, nahip Kayak, Nug Moses ele daapiɗ bia, Nug na ele anam daaglahnu oonig hette.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

1 Samuel 11:12

Israel ag Amon anam eɗattona, ag gona Samuel amegppa appig. “Aun aɗi ag Saul nug ihinig king daakkunu uuppig amu, na omaladppe uɗippeg, ig aqapput mauheg!” aon appig.