Josua 1:17 - Nobonob Baibel

¹⁷ Ig haen oh Moses oɗe doota dim lamidmut bia, ig na oɗen doota dim lamidkkunig. Ig oonig keeke laippunu aakkuib niitte. Amuam Yawe, nahip Kayak, Nug Moses ele daapiɗ bia, Nug na ele anam daaglahnu oonig hette.

Josua 1:17 ပူးပေါင်းရင်းမြစ်များ

2 Samuel 14:17

Amu da, nahip maɗi ah, da ele dabmemi. ‘Dahil naɗi, dahil king, nug Kayaknu engel bia, nug aɗi kobol am ena, aɗi kobol am nau amu, nug oo maittak awaknu ehah awom daatte amunu, nug heeb, da oolppa uug iitta, maɗoɗ ele daakkul,’ aakku dabmemi,” awa aum. Nug anam awowa amu, nug nai tuɗitta, Dawit amegppa aum. “Yawe, Nug nahip Kayak amu, Nug na ele daaglahnu ool daatte,” awa aum.

1 King 1:37

Amu Yawe Nug am haen oh na ehanittette, na ihinig king daame amu, amubia Yawe Nug Solomon ele nug ehanittatta heeb, nug king ena, ɠagattag ele ba, onig ele okkai beeb, na onin okkai ele daame, amu eɗidkkunu ool daatte,” awa aum.

1 Stori 28:20

Amu Dawit nai imu ele Solomon amegppa aum. “Na ɠagattag daan, ootppa ele ɠagattag doon, uɗat amu he! Yawe Kayak, dahil Kayak, Nug na ele daattep amunu, na aib baɗame. Na dabmak qe nak ele aib doome. Na lag amu, danab ah ag appa Yawe noobppa dup nona Nug binag mekkulagnu daakkunu, amu lag amunu keeke ele babaittak daakkunu, na lag amu heppe ukka ukka, gogppa tekkunu, Nug ii uuidma; Nug ehanidkkunu dabmak ii paɗama.

Sam 20:1

⌊Danab ah ag unuqidppig.⌋ “Haen uug nau na tonidtte amu, ig Yawe Nug nahip unuqittak doya, ehanidkkunu oonig daatte. Yo, ig guittak ohppanu Jakop buɗub dilag Kayak Nug na dabmedakkunu oonig daatte.

Sam 20:4

Ig na oot unuqagppa aɗi keekenu oot hette amu, Yawe Nug na medakkunu oonig hette. Ao, Nug na ehanitteb, keeke oh na hekkutnu maittak aottem amu, keeke amu oh ena bekkunu oonig daatte.

Sam 20:9

Anam a, danab ah ag appig. “O Yawe, na ihinig king kekeɗ eɗadkkunu ehanittak okkai medakkutnu oonig daatte! Na ihinig unuqittak doon ehanigkkutnu oonig daatte,” aon appig.

Namba 27:18

Moses nug anam Yawe amegppa a amu, Nug Moses amegppa aum. “Da Ouɗil amu Nan bekka Josua, nuhigppa daatte amunu, nug onigppa eppe uɗiaɗ! Nug uɗieb amu, na heppe, nug mana mettak danab Eleasar, amu danab ah oh ele noolagppa hibaitta dayebeb, baɗ mette! Amu na anam hekkutnu amu, na nug aakku nahip aben aokku ippunattak henana, nug gukka laplap eppen mekkut.

Namba 27:20

Amu ele, Israel danab ah ag nug oɗe dooglagnu, na ehah nahip ⌊da eppelppanu aome ele amu,⌋ na amu laala heppe, nuhigppa ukkaɗ!

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Duteronomi 34:9

Moses nug matu eppeg Josua qaɗeppa meum amunu, Nan bekka Josua nug doyak dabmak ena okkai ele. Nug doyak dabmak ele okkai amunu, Israel danab ah ag nug oɗe dim lamidna, keeke ohnu Yawe Nug Moses amegppa haknunab anak aum amu, ag heppig.

Josua 1:16

Josua anam ag amelagppa a amu, ag Josua inam oɗeppa aon appig, “Ig aɗi keeke oh hekkunignunab ame amu, ig hekkunig. Na ig adeppa ele gokkunignu appe amu, ig gokkunig.

Josua 1:18

Ig hepput, aun laa nug nahip haknunab nai tappeb nekku amu, nug mauhkku. Amge laippuib na hekkutnu daatte amu, na ɠagattag daanna, ootppa ɠagattag doye!” aon appig.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Josua 4:14

Deɗ amuppa ag Jodan le mataɗeg amu, Yawe Nug he, Israel laa oh ag Josua nug onig, binag okkai ele dooppig. Nug bau dayom, haen amu oh ag nuhignu, “Nug am danab okkai, binag ele,” doon oidppig. Ag Mosesnu, nug onig okkai, binag ele doon oidppig, amubia ag Josuanu doodppig.

1 Samuel 17:37

Yawe Nug da ehaniɗe, laion, bea ele da ii iupiɗ, amubia nug da ehaniɗkku amunu, Pilistia amu nug da ii iuma,” awa aum. Dawit nug anam a, Saul nug nob ma aum. “Amu ena. Na goppe, Yawe Nug na ele goya, Nug na ehanidkkunu ool naɗi daatte,” awa aum.

1 Samuel 20:13

Amge genab, mama nug na eheɗ heidkkunu dabmette dayeb amu, da na amenppa ii ain, da na elele oolna gokkutnu ii ehanidppi amu, aria Yawe Nug geha bu okkainab meɗakkunu ool daatte. Amu keeke laippu aakkuib am, Yawe Nug anukka da mamel ele daapiɗ bia, Nug na ele daaglahnu ool daatte.