Jona 4:8 - Nobonob Baibel

⁸ Dimppa aam be, Kayak he, ulah gakkaɗak ele, kaɗag uɗitteppanu amu, ulah amu uɗie, aam Jona ikki qe, ameg qittine, Yawe heeb, nug mauhkkunu unuqitta, “Da mauhkkul am ena. Ge, da ii mauhkkul amu eheɗ,” awa aum.

Jona 4:8 ပူးပေါင်းရင်းမြစ်များ

Genesis 41:6

Antte amu, ikki eblaih aɗit ele laa ele beppig, amge ikki amuam aelkad kuɗum iitta, ulah kaɗag gakkaɗak ele aqeeqe, aelkad teppu ele iitta daappig.

1 King 19:4

Nug maɗi nid nuhig uue dayeye, Elaiya nukka nug aha, atu taɗak ooppa aam laippu ukke ukke, tueb me, nug aben laa, ad brum laa aben amuppa dayom ele amu, Elaiya nug appa ta, ad amu waappa dayaya, nug Yawe amegppa mauhkkunu inam aum. “O Yawe, elele! Da, da mamelad aɗi ii eɗadttem amunu, na heppe, da mauhkkulnu oɗ medattem,” awa aum.

1 King 21:4

Jesril danab Nabot nug anam, “Da mamelad aɗi aulag wan ii medapa,” aum amunu, Ahap doya, nug amya, nug eɗua laugppa Samaria ukka, nuhig niiak abenppa niiaya, oo eɗue, gilil daatteppa ukke niiom; ee lanak uuom.

Job 2:10

Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Job 7:15

Anam amunu, laa nug da baal ɠagattag aɗeb, ulah ii awen mauhkkulnu am da ena doottem. Ge, da tuɗitten, beɗul nau imuppa daakkulnu amu, da ool ii daatte.

Sam 121:6

Amunppa aam neebeb, na guittak ii aomna. Tuqan kalam amahalebeb, amuppa ele na guittak ii aomna.

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Solomonnu Ahi 1:6

Da gaɗal am anam daatte, amge ag Jerusalem ah, ag diig amunu ag amelag behabeb, aib neekkiɗppig. Ge, aam he, da anam daattem, amge diig amunu ag aib neekkiɗppig. Da awalad amalad ele, ag am dahilnu oolag nauhe heeg, da dimittim wain datta, aam gakkaɗakppanab uɗat heinne daaiyi, da gaɗal hinqeum; da dad uɗat amu hemi, amge da beɗul babaittaknu goɗen laa, o keeke laa laidkkulnu da elele iitta daaiyi, gaɗal inam beum daatte.

Aisaia 49:10

Ag gobeppeg, enug ii aqama; le baalag ele ii diima. Atu taɗaknu aam gakkaɗak ele ii aqama. Aɗinu? Laa ag oo madatte amu, Nug ag ulum madatta, Nug ag le qeppuɗia betteppa omalatta gokku.

Esekiel 19:12

Muɗi amu enanag anam dayom, amge laa ag oppoɗilag be amelag kokoɗ eppe, ag hiɗan, wanppa buɗieg ukkom. Ag buɗieg ukka dayeye, kaɗag gakkaɗaknab uɗia he, bunaɗom. Ge, danab ag meu oh aoeg, ulah he, eppeg bunaɗeg, aab ewom.

Hosea 13:15

Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Jona 1:17

Ag anam heppig, amge Yawe Nug kakai naɗi he uɗia, Jona awa, kunum toppua ukke, Jona nug kakai ooppa noa, deɗ ewam, tuqan ewam ele anam dayom.

Jona 1:4

Jona anam dabmeum, amge Yawe Nug he, yuppa ulah naɗi uɗiom. Ulah huanaknab he, yu koɗkoɗ huanaknab qe, uub amu padal mekkunu heum.

Jona 4:9

Nug anam aum, amge Kayak Nug Jona amegppa inam aum. “Na muɗi bunaɗom, na amunu oot nauhtte am enate?” A amu Jona nug aum. “Da ool nauhtte am ena. Da ool nauhe, guittak bia doottem amunu, da mauhkkul am ena,” awa aum.

Matyu 20:12

inam appig. ‘Danab umu ag dimnab doppig, ag aua laippuib uɗat heppig, am na ahilag uɗat nob daden, amu ihinig ele melemel laippu mattame. Amge ig buttuanab uɗat digmeta, uɗat huanak heutut, aam ele huanak iqom,’ aon appig.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Revelesen 7:16

Anam amunu, ag geha baula enug ii aqama, le ele baalag ii diima. Aamnu gakkaɗak, aria gakkaɗak nau laala ele ii aqama.

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.