Jona 4:11 - Nobonob Baibel

¹¹ Anam amge, da ele Niniwe dilagnu dabmein, ool dootte. Aab okkai amuppa nid naunau eheɗ laa ii heppig ele kuɗum daatteb; ahilag ebqak 120,000 eɗittak. Doɗ kuɗum ele daatteb,” awa aum.

Jona 4:11 ပူးပေါင်းရင်းမြစ်များ

Genesis 9:10

Da ag ele nug tituana nai qakkak hettem, amu da doɗ oh, ag ele uubppa daappig; amuam ai, aabppan doɗ, doɗ dakkuɗ ele, doɗ amu oh ag ele uub uun neppig, keeke oh wanppa bau daan oitteb amu, da ag oh ele nug tituana nai qakkak hettem.

Sam 104:14

Yawe Nug makau dilag gikkiɗah he bette. Nug danab ag aon lakkulagnu ee ele he bette. Nug ehanatte, ag ee eppaeg, ee digdig danab ah ag lakkulagnu betteb.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Aisaia 1:18

Amu Yawe Nug atte. “Ag uɗippeg, ig qagmeta, nai mattit, hettoɗit, elele hekkunig. Ahilag hipunin am ⌊naunab,⌋ gau kokoɗnab ⌊lamen hakkab laitte, ihaknu elele iitta⌋ biatai; ⌊hipunin ahilag anambia daatteb dayeb am ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam snonu hakkab bia,⌋ ag anam bia daaglag. Ge! Ahilag hipunin am ⌊naunab nau,⌋ gau kokoɗnab ⌊lamen hakkab laitte, ihaknu elele iitta⌋ biatai. ⌊Ag anambia daatteb dayeb am genab ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam sipsip uɗignu hakkab bia,⌋ ag anam bia daaglag.

Aisaia 37:37

Anam amu, Asiria dilag king Senakerip nug he, nuhikkud daup ii mauhppig ele ag ahan, eɗun ag wanelagppa goppig. Ag gona, Senakerip nug nug wanebppa aab okkai Niniwe, nug appa dayom.

Aisaia 7:16

Nug onig Imanuel ataɗkkunu diig am, nid nakok amu, nug okkai ii ma, kobol aɗi am kobol genab tutukku, kobol aɗi am kobol nau ele, nug amu ii doyebeb, haen amuppa king aɗit, Israel dilag king, am Aram dilag king ele, Ahas na king aɗit amu dilahnu gemu baɗak okkai doottem amu, geha haen amuppa wan ahilah nauhaknab, hamu daaglah.

Jona 1:2

“Niniwe danab ah ag hak nau huanak heegeg anadttem amunu, na ahan, aab okkainab Niniwe gona, uug naunab ahilagppa beeb anidkkulagnu mehuqppe doyeg!” awa aum.

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Jona 4:10

Jona nug anam a amu, Yawe Nug Jona amegppa aum. “Muɗi amu tuqan laippuppa ba, okkai ma, tuqan laa bunaɗom. Na nuhignu uɗat ii heme; na nug okkai mekkunu ele ii heme, amge na keeke nakok amunu oot dootte.

Matyu 18:33

Da nahipnu ool gai-iitta doye ool metten ehanidmi, am aɗinu na layapnu anambia ii heme?’ awa aum.

Duteronomi 1:39

Nug wan amuppa nokku, aria ag ahilkad nidnu, ‘Wan amuppan danab ag ihinkad nid, nid amu ag am danabnab, ahnab ele ii beppig, ag aɗi hak am ena, aɗi hak am nau, ag amu tutukku ii dootteb ele amu, ag ag aɗualadppeg, ag eppelagppa daaglag,’ appig amu, nid amu ag ele nokkulag. Da wan amu nid amu madakkul. Ag geha wan amu aona, amuppa daaglag.