Jona 3:8 - Nobonob Baibel

⁸ Laa ele amu, ag ohnab, danab, doɗ ele, ag lamen heɗiag ele maattak daana, ag Kayak amegppa ɠagattag unuqitteg! Aria, ag danab guittak nau mauhnoak mettak kobol, amu eheɗ hak laa oh ahilag uueg!

Jona 3:8 ပူးပေါင်းရင်းမြစ်များ

Job 16:17

Da anam daattem, amge da danab laa guittak nau, hamu ii mettami. Ao, dahil unuqittakppa am hambuppuak laa iitta; am oppiak ele daatte.

Job 36:10

Kayak Nug ib laa oh keldo, ag ib laa iitta, ag nuhig daug batak nai dootteb. Ao, Nug ag oolag eɗueb, baula eheɗ ii hemananu ag amelagppa haknunab nai amu atte.

Aisaia 58:6

Da kobol anamnuib amu, da ool ii hette. Kud ma dayaknu da ool hette ele am inam. Danab nug eheɗ laa ii heum, amge nug hippalak daatte amu, ag danab laa baegppanu sen uhuqeg, hamu daatte, amubia ag uhuqppeg, hamu dayaɗ! Amu doɗnu duugppan tuqai makau aɗit duultippa qakkak daatte, danab ag muɗi amu uhuqtteb, ag amubia danab ah uhuqatteg! Amu ag danab ag laa eppelagppa daan, uug dootteb amu, ag ehanadna, danab ag doɗnu duugppan tuqai qiialatteg netteb, ag amubia uugppanu uhuqatteg!

Aisaia 59:6

Danab ah ag goɗim teɗ aon, lamen hekkulagnu elele iitta. Ao, danab nug goɗim teɗnu muɗippa lamen ha, beɗu tonakkunu elele iitta bia amu, Juda danab ag ahilag hak nauppa ehanittak aoglagnu elele iitta. Ag ahilag hak am nau. Ag eppelagppa laa guittak nau mauhnoak madatteb.

Jeremaia 18:11

Anam amunu, Jeremaia, na danab ah Jerusalem daatteb, Juda danab ah laa oh ele inam amelagppa appe doyeg! ‘Yawe Nug inam atte. Antteg! Da uug naunab ahilagppa bekkunu babaittette daattem, da ag nau aoglagnu ib aakku ooɗttem amunu, ag anen anen ag nau tuɗidna hemananu ag oolag eɗueb, ag ahilag kobol, ahilag hak ele tutukku dayaɗ!’

Jeremaia 25:5

Propet amu ag appig. ‘Ag anen anen ag ahilag eheɗ hak digdig hetteb, ag kobol eheɗ digdig dim lamidtteb ele, ag amu tuɗidna hemananu oolag eɗueb, ag hak amu, kobol amu ele ii hekkulag dayeb amu, ag wan imuppa, Yawe Nug ag, amu ag mamelkad aɗi dilag hanhan daakkunu mattom amu, ag aguppa tuɗidna daaglag.

Jeremaia 26:3

Na da attem bia hekkut dayeb amu, danab ah anen anen ag oolag eɗueb, eheɗ hak kobol ag hetteb tuɗidna iitai hekkulag. Ag eɗun ii tuɗidkkulag dayeb, da ag hipunin kuɗum henan daaegeg uɗie, gemu ele hetteb, da amunu uug naunab madakkulnu dabmak aomi daatte amu, da dabmak amu uuen ii hepa.

Jeremaia 36:3

Na anam buk amuppa yaappe, Juda danab ah ag uug naunab digdig da heppi, ahilagppa bekkunu da maittak aomi doon, ag anen anen ag nau hak ahilag uuglagtai. Ag anam nau hak ahilag uuglag dayeb amu, da ahilag nau hak, ahilag hipunin ele uhuqen madakkul.” Yawe Nug Jeremaia amegppa anam aum.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Joel 1:14

Ag danab ah oh ag Yawe noobppa ee ohnu kud mena daaglagnu appeg doyeg! Ao, ag oh Yawe noobppa qagmena dup nona Nug binag mekkulagnu deɗ metteg! Ag ikki danab uɗiglagnu eig! Ao, ag wan imuppan danab ah laa oh ele onilagppa eig! Ag Yawe, ahilag Kayak, ag Nug laugppa uɗippeg, ag oh Nug unuqitteg!

Jona 1:14

Ag eeɗkkulagnu elele iitta anidppig amunu, ag Yawe unuqidna appig. “O Yawe, na nakka, na oot daye, na he, yu imu aakku eheɗ ahom amunu, O Yawe, ig na unuqidttem. Ig danab imu buɗipput, yuppa noa mauheb amu, na amunu nob mena, ii iqamnanu oɗ medattem. Yo, na danab laa nug danab laa eheɗ laa ii heum ele, nug nug qe mauhtte, na nug nob medattem, na amubia ihinignu ii hemananu oɗ medattem,” aon unuqidppig.

Jona 1:6

Nug anam niieye, uubnu danab okkai nug noa, Jona amegppa aum. “Aɗinu na niittem? Ig mauhmatanu, na nahip Kayak onigppa eppe, Nug ihinignu oo doyeb ehanigkkutai,” awa aum.

Matyu 3:8

Ag oolag eɗueb, kobol ena dim lamitteg!

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.