Jona 3:6 - Nobonob Baibel

⁶ Ag anam heeg, Niniwe dilag king nug Jonanu nai doya, nug sia king uua, kingnu lamen elab enanag uɗa, lamen heɗiag ele awa ma, uhuɗppa dayom.

Jona 3:6 ပူးပေါင်းရင်းမြစ်များ

1 King 21:27

Haen Ahap nug Elaiya nai mattiom amu doya, nug eheɗ heum amu doya, nug nuhig lamen patiɗa, nug lamen heɗiag ele awa takka, nug ee ohnu ele kud dayom. Tuqan ele nug lamen heɗiag eleppa niiom. Nug dada danab kobol uua autanab awa, nukka onig qe ne oiyom.

Job 2:8

Ihiud nug beɗuppa anam be, Job nug waa aoɗak qatti laa awa, uhuɗppa dayaya, waa qatti amuppa gaɗappa ihi naud ⌊nahig qeeqe⌋ lahaɗom.

Job 42:6

Anam amunu, da gemu da dakka, da dahilnu, da ena iinab doottem. Da anam doyeye, da wan gappudppa, uhuɗppa ele dayeye, da ool eɗue aute autenab aottem,” awa aum.

Aisaia 15:3

Moap ag uug doon, lamen heɗiag ele takkan, aab mattan oiglag. Ag lamen amu takkan gona, Moap aab okkai ooppa haɗap-ppa, amu ag laulkad koɗokko uɗem ukkakppa ele oinna, aben amu ohppa ag qanak huanak hekkulag. Ag qanak heppeg, ukkeb ukkeb, ag ebehilag bodoedakku.

Jeremaia 13:18

Amu Yawe Nug da, Jeremaia, Nug da Juda dilag king, amu nug anig ele amelahppa inam appi dooglahnu aum. “Aa sia king ahilah uuya, honap neiɗ! Aɗinu? Aa tuɗidya, Juda dilag okkai ii daamya.

Jeremaia 36:13

Mikaia nug appa ukka, nug ag amelagppa Baruk nug danab ah dooglagnu buk itoɗiak eleppa nai ebqe dooppig amu, nug nai amu oh ag amelagppa mattie dooppig.

Jeremaia 36:24

King, nuhikkud ehanittak laa nug ele daappig amu, ag nai amu oh dooppig, amge ag ii baɗappig. Ag eheɗ heppignu ahilkad lamen ele ii pattiɗppig.

Jeremaia 6:26

O dahilad danab ah ag lamen heɗiag ele takkan, uhuɗppa niinna, beɗulag itoɗin, itoɗinna, danab bekka laippu mauhe, huanaknab qanak baag eleppa mahitte, ag amubia mahieg! Aɗinu? He nauhak danab nug ihinigppa pahanab tula bekku.

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.

Gayak Nai 3:29

Nug nukka nug onig qeeb neeb, nug dup noa, gomela, iɗu wan gappudppa maɗ! Aɗinu? Nug ena bekkunu dabmak aɗa oiyaknu meu beeb anidkkutai.

Esekiel 26:16

Amu wan amuppan danab okkai ag Tairnu nai doon, haen amuppa ag sia king ahilagppanu ahan, honap nena, ag lamen enanag uɗona, ag lamen elab kobol kobol koitak ele tagatteb ele uɗaglag. Ag baɗak eheɗ nau doon, ag wanppa daanna, ag Tairnu danab ah dilag aab na qeumnu dabmak huanaknab aonna, ottaikkulag.

Daniel 9:3

Da amu doomi amunu, da Naɗi Kayak dabmein, da ee ohnu kud mein dayeye, da lamen heɗiag ele takken, da uhuɗppa dayeye, da Naɗi Kayak oo doyak ele unuqidmi.

Maika 1:10

Anam, amge ⌊ihinig kekeɗ doon imigmananu ag Pilistia dilag aab okkai onig⌋ Gat, ag appa aib appeg dooppig. Gat danab ag ag Israel ag uug aqeb gaaglag aib anadppig. Amge Bet Leapra appa ag uug doon, wan gappudppa daan, beɗulag itoɗieg!

Matyu 11:21

“O gadonnab gadon aab Korasin, o gadonnab gadon aab Betsaida ele. Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Luk 10:13

O gadonnab gadon aab Korasin, o gadonnab gadon aab Betsaida ele! Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo amu, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.