Jona 3:5 - Nobonob Baibel

⁵ Jona nug anam mattieye, Niniwe danab ah ag doon, ag Kayak Nug genab anam hekkunu oolagppa genab doona, ag ee ohnu kud mena daaglagnu ɗo mena, ag lamen heɗiag ele beɗulagppa tagappig. Danab hamu ukkak, danab okkai ele, ag ohnab anamib heppig.

Jona 3:5 ပူးပေါင်းရင်းမြစ်များ

2 King 19:1

Danab amu ag King Hesekaia amegppa Asiria dilag ban daup ikkinu nai amu nug amegppa aeg doya, Hesekaia nug lamen nuhig patiɗa, nug lamen heɗiag ele takka, nug aha, Yawenu mettid lakka ukkom.

2 Stori 20:3

Ag aeg, Jehosapat doya, nug baɗa aha, nug Yawe antta dim lamidkkunu Nug madikkunu dabmak ɠagattag awa, nug Juda danab oh ag ee ohnu kud mena daaglagnu nai me ukkom.

Esra 8:21

Ido aɗi ag anam heeg, ig gokkunignu daamut ele, ig le ippu danab heeg, Ahawa gotte ele daugppa daatta, ig ihinig Kayak noobppa, ig ikka ig oninig qepput nekkunu, ig Nug ehanikkeb, ig, ig bekkankad ele, ig ihinig keeke maot, ig ibppa ena oignignu oɗ mettagnignu amu, da ig oh ee ohnu kud meta daat, ig Kayak unuqidkkunignu nai ag mattami.

Esta 4:1

Mordekai nug kobol attem beum amunu doya amu, nug nuhig lamen pattiɗa, lamen heɗiag ele awa ma, igippa uhuɗ meum. Anam ha, nug aab okkai ooppa ukka, oo doyak naunab ele doyaya, qala gayom.

Eksodas 33:6

Yawe Nug anam aum, haen amuppa ag Horep qaukoppa daappig amu, haen amuppa ag bala amu uhuqeg ne gonana, ag eɗun ii meppig.

Jeremaia 31:34

Amu da heppi, ig nug tituana nai qakkak amu heta malota amu, danab laa nug layagtai, o awagtai, o amagtai baula amegppa, ‘Na Yawe doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Yawe doye!’ akkunu ii hema. Aɗinu? Da ahilag nau hak uhuqen madakkul. Yo, da ahilag hipunin daul atikku.” Yawe Nug anam atte.

Jeremaia 36:9

Deɗ nug ukka ebqeum ele, deɗ amuam inam. Josaia bekka Jehoiakim, nug Juda dilag king, nug king abenab awa, nuhig king dayaknu maɗ tanig elenu kalam eblaih waɗeleppa okkai danab ag deɗ laappa Jerusalem danab ah oh, Juda danab ah ag Juda aab laalappan uɗin, Jerusalem daappig, ag oh Kayak noobppa ee ohnu kud mena daaglagnu appig amu, Baruk nug deɗ amuppa Yawenu mettid lakka ta, Jeremaianu nai oh buk itoɗiakppa dayom ele ebqeum. Yawenu mettid lagnu mana mettak danab dilag haɗap-ppa, lag ooppa ukkaknu od bauppa oo laa daatte, oo amuam Sapan bekka Gemaria, nug am nai yaak danab amu, nuhig aakku, amu Baruk nug oo amuppanu, nai amu danab ah oh dooglagnu ebqeum. Gemaria nug amu qagmaknu nai bukppa yaaknu danab.

Jeremaia 42:1

Ag appa tena, Karea bekka Johanan, Hosaia bekka Jesania, daup dilag okkai laa oh, amu danab ah ele, danab laa ag onilag ele, laa ag am onilag iitta, amu oh ele ag Jeremaia toppa goppig.

Jeremaia 42:8

Jeremaia nug Yawenu nai amu doyom amunu, nug Karea bekka Johanan, daup dilag okkai laa nug ele daappig, am danab ah, laa ag onilag ele, laa am onilag iitta amu, nug ag oh onilagppa e doppig.

Daniel 9:3

Da amu doomi amunu, da Naɗi Kayak dabmein, da ee ohnu kud mein dayeye, da lamen heɗiag ele takken, da uhuɗppa dayeye, da Naɗi Kayak oo doyak ele unuqidmi.

Joel 1:14

Ag danab ah oh ag Yawe noobppa ee ohnu kud mena daaglagnu appeg doyeg! Ao, ag oh Yawe noobppa qagmena dup nona Nug binag mekkulagnu deɗ metteg! Ag ikki danab uɗiglagnu eig! Ao, ag wan imuppan danab ah laa oh ele onilagppa eig! Ag Yawe, ahilag Kayak, ag Nug laugppa uɗippeg, ag oh Nug unuqitteg!

Jona 3:7

Nug anam ha, king nug Niniwe danab oh dooglagnu nai inam me ukkom. “Da, dahilad anuqak danab ele ig ɗo inam mettem. Danab ah oh, amu doɗ oh ele, ag aɗitai keeke ii lamana. Danab, ah, makau, sipsip keeke, ag oh ee, le ele ii lamana.

Matyu 12:41

Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte.

Luk 11:32

Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte,” awa aum.

Aposel 27:25

amunu, ag oolagppa ɠagattag qak doon, aib baɗappig. Aɗinu? Da Kayak, Nug da amelppa nai aum amu, keeke amu anamib bekkunu oolppa genab doottem.

Aposel 8:10

Nug anam aawo, danab ah laa onilag ele, laala onilag iitta ele, ag oh Saimonnu nai dooglagnu daulag human appig. “Ig ɠagattag laa, ɠagattag amunu amu ig, ‘Ɠagattag okkai,’ aot attem; ɠagattag amu Kayaknu uɗitte ele amu, danab umu nug ɠagattag amu aakku awom,” aon appig.

Hibru 11:1

Danab nug ooppa genab doyak ele amu, nug aɗi keeke aokkunu dabmak aɗa daatte ele, nug genabnab genab aokkunuib dabmette; nug ii aomanu nakok laa ii dabmette. Amu ele nug keeke amegppa ii anidtte ele, nug anamib genab anidkkunu dabmette.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.