Jona 2:2 - Nobonob Baibel

² “O Yawe, da uug nauppa dayeye, na oninppa ei, na da baal doome. Ge! Da moɗppa niimi bia dayeye, aben amuppanu da na oninppa ei, na dahil unuqittak doome.

Jona 2:2 ပူးပေါင်းရင်းမြစ်များ

2 Stori 33:12

Ag aon gona meeg dayaya, uug nau doya, nug Yawe, nuhig Kayak amu, nug Nug noobppa nug nukka nug onig qe naknab he, nug Kayak, nug mamekkud aɗi dilag Kayak Nug nuhignu ii helo bia me, Nug ehanidkkunu unuqittom.

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 22:24

Aɗinu? Yawe Nug danab ah ag gai-iitta daatteb dilagnu ooppa uuaknab ii dootte. Nug ag ii geɗadtte. Ao, Nug ag ii uuadtte. Nug ehanittak aoglagnu ewak ahilag dootte.

Sam 34:6

Da am daɗek danab laa, amge Yawe unuqitti, Nug doya ehaniɗe, uug dahil oh eɗidmi.

Sam 4:1

O dahil Kayak, na am genab tutukku hak kobol aakkuib hettem. Anam amu, haen da na oninppa ettem, na nob meɗakkutnu ool daatte. Haen uug nau iutte amu, na dahilnu oot gai-iitta doon, oot meɗan ehaniɗna heppe, uug iitta mekkunu da oɗelppa aokkutnu oɗ medattem.

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Sam 65:2

O Kayak, na, laa iitta, na ihinig unuqittak doona, na ig ehanigttem ⌊amunu,⌋ danab ah oh ag geha nahip-ppa wakkulag.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Aisaia 14:9

⌊O Babilon dilag king,⌋ danab mauhna gona, nami aabppa daatteb amu, ag na ele nug uɗa tekkulagnu ahan, muttub qetteb. Mauhak danab appalag am ⌊danab hette bia haaha⌋, mauhak aɗi ag na humidkkulagnu, nug danab mauhppig dottolkad maɗatte, na anidkkulagnu aakku daatteb. Ameg amu, haen ag wanppa bau daanna, ag wanppan danab okkai daappig. Ge, mauhak danab appalag ⌊danab hette bia haaha⌋, danab mauhppig dottolkad, ahilag sia kingppanu ahaglagnu maɗatte, ag na anidkkulagnu aakku daatteb. Ameg amu ag anukka ii mauhppig daanna, ag wanppan king daappig.

Gayak Nai 3:55

Ao, O Yawe, da moɗ umanab noa ukkak, da amu batakppanu, na ehaniɗkkutnu da na oninppa emi.

Esekiel 26:20

haen amuppa da heppi, ag Tair danab ah ag danab ah mauhak abenppa goppig daatteb ele daaglag. Danab ah amu laala ag anukkanab mauhna, goppig appa daatteb. Da heppi, ag Hadesppa, danab ag aab he nauhakppa daatteb bia, ag appa laa appa goppig daatteb ele daaglag. Ag Tairnu danab ah ag baula wanppa danab ah bau daanna oitteb oolagppa ii daamna.

Esekiel 31:14

Ad laa amu anam heum amunu, da, Yawe, da ad laa baula anam ii hemanu attem. Ad amuam le guguittak dayaya, ad laa oh eɗata ta, dada ha, ‘Da laa oh eɗattak,’ aum amu, ad laa amubia ii hemanu attem. Ge, da Yawe, da ad laa le guguittak anam dayaya, elabnab amubia ii temanu attem. Aɗinu? Ag oh bunaɗkkulag, danab ag mauhtteb, moɗppa gona, mauhak daattebppa daatteb, amubia bunaɗkkulag,” awa atte.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Luk 11:10

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Aposel 2:27

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na Nug ii uuidmana amunu, Nug beɗu ii nauhma.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

1 Samuel 1:16

Da oolppa uug naunab, ninig ele doottem, amunu na dahilnu, da am nahip maɗi ah amu, na dahilnu ‘Ah nau,’ aib dabmeme,” awa aum.

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.