Jona 1:9 - Nobonob Baibel

⁹ Ag anam aeg, Jona nug amelagppa aum. “Da Hibru danab. Da Yawe, Nug Kayak hab attan daatte, Nug yu, wan ele heum amu, da Nug noobppa dup noin Nug binag mettem,” awa aum

Jona 1:9 ပူးပေါင်းရင်းမြစ်များ

Genesis 1:10

Be, le qagmeppignu amu, Kayak Nug onig, “yu,” ataɗa, Nug aben le iitta, am onig, “wan,” ataɗa aum. Onig aɗit amu ataɗowa, Nug keeke amu ohnu am ena anattom.

Genesis 14:13

King amu ag anam heeg ukke, Abram nug am Hibru danab amu, haen amuppa nug Mamrenu ad ok gukkuattak dayom. Dayeye amu, Amo danab onilag Mamre, Eskol, Aner ele, ag am eamakkud amu, ag Abram ele nug tituanak ena daanna oidppig. Anam daaegeg amu, bannu oolak danab laippu nug Abram gumitta ukka, nug amegppa aum. “Ag Lot aɗi ele diiadna goppig,” awa aum.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

Genesis 39:14

nug nuhikkud maɗi nid lakka uɗat heppig ele onilagppa e uɗieg, amelagppa aum. “Imu antteg! Danab dahil nug Hibru ted amu ihinigppa kobol eheɗ hekkunu awa uɗiom. Hibru danab nug da aɗailkkunu heum, amge da emi.

2 King 17:25

Aria, danab ah huu bau uɗippig amu, ag Yawe noobppa dup nona binag ii meppig amunu, Yawe Nug he, laion uɗin, laala aqaeg mauhppig.

2 King 17:28

King nug anam aum amunu, ag Israel dilag mana mettak danab laa aon meeg, nug eɗua Israel ukka, nug Betel aabppa ukka dayaya, Yawe noobppa dup nona Nug binag mak kobol amu danab ah aab laappanu daatteb amu ippuanattom.

Esra 1:2

Amu Sairus, Persia dilag king, nuhig nai am iikku. “Yawe, Nug Kayak hab attan daatte amu, nug wanppan wan atu oh da meɗom. Nug da meɗa, da nug laug laa Juda wanppa Jerusalem appa bapaidkkulnu da otiɗa, amu hekkulnu da amelppa aum.

Esra 5:11

Ig ag anam oɗ mattaut, ag aakku nob imu mekkan appig. ‘Kayak, Nug hab, wan ele gumat-tte amu, ig nuhig maɗi nid daattem. King naɗi laa, ig memetanig anukkanu, nug mettid lag imu anukka ha malom, amu lag amu baula eɗua daakkunu iikku ig buuttem.

Nehemaia 1:4

Ag anam aeg, haen da amu doyen amu, da uug okkai doyeye, da heɗep nein dayeye, da gaami. Da amu hein, deɗ gane da mahiak heinne, da ee ohnu kud mein dayeye, da Kayak hab attannu unuqidmi.

Nehemaia 2:4

Da anam ai, king nug da oɗ meɗom. “Anam, amge na aɗi hekkutnu dabmettem?” awa oɗ meɗom. Nug anam oɗ meɗe, da Kayak hab attan daatte ⌊oolppaib⌋ unuqitten,

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Job 1:9

Yawe Nug anam a amu, Satan nug oɗeppa awa aum. “Job nug nahipnu ebehi oh bodoetta le mette amu, nuhig kobol amuam diig ele. Na hanhan ehanidttem, nug enanagib daatte amunu, nug hette.

Sam 136:26

Ig Kayak hab attan daatte amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

Eksodas 1:15

Anam daye amu, Isip dilag king nug ah aɗit, Siprah, Puah ele, aa Israel ah nid menuadkkulagnu heegeg ehanadpiɗ amu, nug aa amelahppa aum.

Eksodas 2:13

Aria, wagɗe deɗ amuppa Moses eɗua ukka, laikkud uɗat heegeg anattatta oiyeye, nug laikuɗ aɗit laa, aa oh Hibru danab amu, aa nug qeeheh anata, nug danab eheɗ heum ele amegppa aum. “Aɗinu na layap anam makkuɗttem?” awa aum.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Pilipai 3:5

Aɗinu? Da anai ooppanu doi, deɗ eblaih aɗit ukke, deɗ eblaih ewamppa ag da gaɗal otaɗppig. Da am Israel danab, Israel dilag huu okkai Benyaminnu; da am Hibru danabnab daattem. Da am ɗo gumak danab-Parasia, da Juda dilag ɗo tutukkuib dim lamidmi ele.

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

Revelesen 16:11

Ag guittak doona, ag Kayak, hab aabppa daatte amu, ag nuhignu dabittak nai appig. Aɗinu? Ag ihilag eheɗ guattom, amge ag ahilag hak nau, amunu oolag laa ii eɗuom. Iitta.