Jona 1:3 - Nobonob Baibel

³ Yawe Nug anam aum, amge Jona nug Yawe aum amu uua, aha oola, Tarsis aab okkaippa gokkunu ukkom. Nug aha gokkunu ukka, Jopa aabppa noa, nug uub laa Tarsis gokkunu heehe mattia antta, daden ma, uub attan ta ukkom. Nug Yawe uuitta, oola gokkunu dabmeum.

Jona 1:3 ပူးပေါင်းရင်းမြစ်များ

Genesis 3:8

Aa anam heeh, deɗ amuppa tueb Yawe Kayak Nug dad ooppa oiyeye, danab ah ele oqotti dooyya, Yawe Kayak anatmanu dad amunu ad oolagppa lokkumya daapiɗ.

Genesis 4:16

Anam daye, Kain nug Yawe toppanu aha ukka, wan laa onig Nod, amuppa ukka oiyom. Nod nug Idennu kaɗag uɗitteppanu dayom.

1 King 19:3

Nug nai amu me ukke, Elaiya doyowa, nug baɗa aha, mauhmanu oola ukkom. Nug oola ugakka, nug Juda wanppanu aab laa onig Berseba, appa tewowa nug he, nuhig maɗi nid nug appa dayom.

1 King 19:9

Aria, Elaiya nug Horep ukka, nug appa men oɗe laa antta, nug men oɗe amu ooppa ukka, tuqan niiom. Niia ahe, Yawe Nug nuhig nai imu mettom. “Elaiya, na ippa aɗi hettem?” awa oɗ mettom.

2 Stori 2:15

Amu na, dahil naɗi, na ig nahipad maɗi nid, na wit, bali, olip goɗen, wain ele megakkutnu nai qakkan ame amu, na amu meppe uɗiaɗ!

2 Stori 2:16

Amu da heppi, dahil uɗat nid ag digmena, Lebanon appa ad na uɗat amu hekkutnu elele oadnana heppeg, laa ag aon, yuppa mena, qagmena qakkan, aon gona, Jopa langppa eeɗkkulag. Appanu na aon, Jerusalem tekkut,” awa aum.

2 Stori 9:21

Aɗinu? King Solomon nug uub okkai kuɗum ele. Hiramnu uɗat nid ag uub amunu uɗat nid daappig. Ag anam daanna, ag aben laalappa gona oinna, keeke daden maknu amu mawadppig. Uub ag haen oh gonana, aben laalappa maɗ ewam anam oinna, eɗun uɗidppig. Ag gol, silwa, elepan aeg, monki, amu ai onig pikak ele, ag amu oh mawadna eɗun uɗidppig.

Esra 3:7

Persia dilag king Sairus nug Israel buɗub ag Lebanon wanppa ad sida aon, Yawenu mettid lagnu uɗat mettaglagnu aum amunu, Israel ag Taia danab, Saidon danab ele ag ad oadna, ad amu aon, yuppa mena, aon Jopa uɗiglagnu, Israel buɗub ag ee aeg, wain, olip goɗen ele Lebanon danab Tair aabppa, Saidon aabppa ele daappig amu, ag ag madappig. Ag mattan, ag danab menppa uɗat haknu dooppig, lag hak danab ele ag uɗat amu hekkulagnu men doɗo madappig.

Job 1:12

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Keeke nuhikkud oh amu, na amuppa aɗi hekkutnu na eppenppa daatte, amge na Job, nuhigppanab na keeke laa aibnab heme!” awa aum. Yawe Nug anam a, Satan nug aha ukkom.

Job 2:7

Yawe Nug anam aum amunu, Satan nug Yawe toppanu aha ukkom. Nug aha ukka, nug he, Job ihi naud, guittak okkainab ele beɗu ohppa beppig. Nug ikki mugippanu noa ukka, baekuɗ oo batak ihi naud amu beppig.

Sam 107:23

Laala ag uub okkaippa yu qaɗeppa goppig. Ag yu naɗippa gona, keeke daden mena, eɗun akkan uɗin dadennu meppig.

Aisaia 2:16

Am Tarsisnu uub okkai okkai oɗiaknu en maotteb ohnu epeɗiaknu haen, Uub ena ena oh elenu epeɗiaknu haen ele.

Aisaia 23:1

Nai meunab ele Tair aab okkaippanu Yawe he, Aisaia doyom ele am iikku. Ag Tarsis dilag uubnu uɗat nid, boskru aɗi, ag gayeg! Aɗinu? Saiprus danab ag mattieg dooppig, amubia ⌊kekeɗ ag uɗin,⌋ aab Tair ⌊heeg,⌋ nauha autanab awom. Aab amu, lag nuhigppa daappig, uub eeɗaknu aben ele amu, keeke amu oh am loppaɗakib daatte.

Aisaia 23:10

Ag danab ah Tarsis daatteb ele amu, ⌊Tair nauhom,⌋ uub eeɗaknu aben appa ii daatte amunu, ⌊ag gemu appa ahilkad uub eeɗadna, keeke maadppeg, daden meppeg, men doɗo aoglagnu⌋ elele iitta amunu, ag ahan, Isip danab le Nil daugppa wan buutteb bia, ag ahilag wan buun, ee aweg!

Aisaia 23:6

Ag Tair danab ah ag gona Tarsis ukkeg! Ao, ag ⌊Tairnu⌋ nudppan danab ah, ag oolag doyeb gayeg!

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Jeremaia 10:9

Danab ag kayak hambuppuak dottog hoiyak uɗat haknu doyak okkai ele, ag hoiyadtteb. Danab nug ad hoiyak kobol amu dootte, nug ad awa, dottog hoitte. Nug hoiya male, keeke golppa hak danab nug gol Upasnu, o silwa Tarsisnu awa, hamappa qeeqe, dottog amu tonatte. Nug amu ha male, ag lamen enanag, kala ed, perpel ele aon takkidtteb.

Esekiel 2:8

Israel ag am nai tappe nak danab ah daatteb, amge danab bekka, na Israel ag hetteb bia, na nai tappe nak aib heme. Iitta. Na dahil nai doye! Am gemu amu, da inam amenppa attem. Na oɗen aahena, keeke da medakkul amu, na amu la!” awa aum.

Esekiel 27:12

O Aab Tair, na en huanaknab amunu, Tarsisnu danab ag uɗieg, na keeke mee, ag daden meppig. Ag daden mekkulagnu amu, ag silwa, aen, tin, led ele medappig.

Esekiel 3:14

Da amu dooi, Ouɗi da humiɗa, omaiɗa ukkom. Da ugekke, ⌊Yawe Nug uɗat da meɗom, da amunu⌋ uug naunab nau doye, ⌊da lailad, Israel danab ah dilag haknu da⌋ ool nauhom. Anam, amge Yawe Nug da ⌊nuhig uɗat hekkulnu⌋ ɠagattag aɗaile, ⌊da ukken hekkulnuib daye,⌋ da gomi.

Jona 1:10

Jona nug anam mattia, nug ele nug Yawe uuitta, oola gokkunu heum a dooppig. Nug anam a amu, uub gumak danab ag eheɗ baɗan, ag Jona amegppa, “Na eheɗ nau heme,” aon appig.

Luk 9:62

Nug anam aum, amge Jesus Nug amegppa aum. “Aun nug dahilnu oo aɗit ele amu, nug Kayaknu ɗo maɗoɗ ooppa daakkunu elele iitta,” awa aum.

Aposel 15:38

Oo heum, amge Pol nug Jon Mak nug anukka Pampilia aa uuate, nug aa ele oh uɗatppa ii goppig dabmeum amunu, nug Jon Mak aa ele oh gokkulagnu oo ii dayom.

Aposel 26:19

Aria King Agripa, Kayak da aɗi hekkulnu tuleglegppa ippuniɗom amu, da Nug oɗe tappai ii neum.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Aposel 9:38

Lida, Jopa ele ouqak daapiɗ amunu, danab Jesusnu oolagppa genab dooppig ele ag, “Pita Lida daatte,” amu dooppig amunu, ag danab aɗit, aa Pita amegppa, “Na paha ihinigppa uɗie! Na appa aib daame!” akkulahnu heeg gopiɗ.

Aposel 9:42

Pita nug amu he, nai amu Jopa aab ohppa ukke, danab ah oh dooppig. Doona amu kuɗum ag Naɗinu oolagppa genab dooppig.

Aposel 9:43

Ag anam heeg, Pita nug deɗ kuɗum Jopa dayom. Nug danab laa, doɗ gaɗa beɗamanu babaittaknu uɗat hettom amu, nug ele daapiɗ. Nug onig Saimon.

1 Korint 9:16

Da Nai Ena mehuqttem ele amu, amuppa da dakka binal mekkulnu elele iitta. Aɗinu? Kayak Nug a, da hettem. Da ii mehuqlom amu, dahilnu gadonnab gadon.

2 Tesalonaika 1:9

Naɗi Nug danab amu nob nau, padal mak hanhannu matteb, ag Nug toppa, nuhig ɠagattag okkainabppa ele ii daamna.

Josua 19:46

Mejarkon, Rakon ele. Wan ag Israel dilag huu okkai Dan madappig ele amu, wan maha laa Jopa guguittak dayom, ag amu ele ag madappig.