Jona 1:14 - Nobonob Baibel

¹⁴ Ag eeɗkkulagnu elele iitta anidppig amunu, ag Yawe unuqidna appig. “O Yawe, na nakka, na oot daye, na he, yu imu aakku eheɗ ahom amunu, O Yawe, ig na unuqidttem. Ig danab imu buɗipput, yuppa noa mauheb amu, na amunu nob mena, ii iqamnanu oɗ medattem. Yo, na danab laa nug danab laa eheɗ laa ii heum ele, nug nug qe mauhtte, na nug nob medattem, na amubia ihinignu ii hemananu oɗ medattem,” aon unuqidppig.

Jona 1:14 ပူးပေါင်းရင်းမြစ်များ

Genesis 9:6

Da danab da bia hemi amunu, aun laa nug danab heeb mauhkku, nug ele danab laa eppegppa mauhkku.

Sam 107:28

Ag anam uugppa daanna, ag, “O Yawe, na ig ehanigkkutnu oɗ medattem!” unuqitteg, Nug ag ehanatte, qagaiettakppa ii daappig.

Sam 135:6

Yawe Nug habppa, wanppa, yuppa, amu yu unuqagppa ele aɗi hekkunu dabmette amu, Nug hette.

Aisaia 26:16

O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

Jona 1:13

Jona nug anam aum, amge uub gumak danab ag langppa eeɗkkulagnu wagai meppig. Ag anam heppig, amge ulah tuɗitta, naɗi naunab heum amunu, ag langppa eeɗkkulagnu elele iitta.

Jona 1:16

Ulah, koɗkoɗ ele bodoette, ag Yawenu baɗan, ag doɗ main Yawe mettona, Yawe amegppa keeke genabnab hekkulagnu nai anan qagappig.

Jona 1:5

Anam he, uub gumak danab ag huanak baɗana, ag oh ahan, akka akka ahilkad kayak hambuppuak unuqidppig. Amu uub uug iitta gokkunu ag ele ahan, keeke laala akkaeg, yuppa noum. Ag anam heppig, amge Jona nug matu noa, uub ooppa bet attan na qa, huana niiom.

Jona 3:8

Laa ele amu, ag ohnab, danab, doɗ ele, ag lamen heɗiag ele maattak daana, ag Kayak amegppa ɠagattag unuqitteg! Aria, ag danab guittak nau mauhnoak mettak kobol, amu eheɗ hak laa oh ahilag uueg!

Matyu 11:26

Yo, Mama, na amu hekkutnu enanag doome, amunu na heme,” awa aum.

Aposel 28:4

Mat Pol eppegppa anam ha dayeye, nud amuppanu danab ah ag mat amu Pol eppeg emala, ilul ewa daye anidna, ag akka akka ahilag dabmakppanu madippig. “Danab umu nug amu danab laa qe mauhom bia doottem. Amuppa nug nob awa mauhkkunu dayom, amge nug yuppa ii mauhom. Yuppa ii mauhom, amge geha nug Kayaknu nob mettak qe-eɗidkkunu elele iitta,” aon appig.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Epesus 1:9

Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.

Duteronomi 21:8

Ag anam anana, ag tuɗidna akkulag. “O Yawe, laa qe mauhak iikku daatte amu, ⌊auntai heum ig ii doottem. Ig doolom amu, ig qepput mauhlo, amge ig ii doottem amunu,⌋ ig eheɗ haknu nob nau doɗ tiigppa iitta mekkunu hepput elele medakkunu, doɗ imu qemut. Ig nahipad danab ah, ig Israel, na ig ehanittak okkai nahip-ppa qagaiettakppanu eɗua uhuqak dayaknu heme ele amu, ig na ig hettem imu elele beum anidkkutnu oɗ medattem. Na ig danab ah nahipad, ig eheɗ heta, danab beɗuppa aab iitta duug omut ii amananu oɗ medattem,” aon akkulag. Ag anam hekkulag dayeb amu, eheɗ haknu nob nau doɗ tiigppa iitta meeb elele medakkunu hak am elele mekku.