Jon 9:8 - Nobonob Baibel

⁸ Aria, nuhig mudippan laippu, amu laikkud aab laippu laa ag danab amu nug anukka dayaya, men doɗonu unuqttom ele, ag nug anidppig amu, ag akka akka nug oɗ medappig. “Anukka danab laa nug keekenu danab unuqadttom ele amu, amuam danab imu iittate?” aon oɗ medappig.

Jon 9:8 ပူးပေါင်းရင်းမြစ်များ

Mak 10:46

Ag ibppa gona, Jeriko appa tena, Jesus Nug nuhikkud ippunittak awak danab amu danab ah laala kuɗumnab ele ag Jeriko eɗidna ukkaegeg, Timeus bekka Bartimeus, nug ameg gaɗuak amu, nug appa ib daugppa heɗep na dayaya, danab men doɗo keeke mettaglagnu unuqadttom.

Luk 1:58

Menue amunu Elisabet mudippanu amu nuhikkudppa ele ag Naɗi nuhignu oo gai-iitta doya oo metta ehanittom doona, ag nug ele maɗoɗppan gamag ahak dooppig.

Luk 18:35

Aria Jesus Nug ukka, Jeriko guguittette, danab laa ameg gaɗuak ele nug ib daugppa dayaya, danab ah men doɗo mettaglagnu ewa unuqattatta dayom.

Jon 9:9

Aeg, laa ag appig. “Nug aakkuib,” aon appig. Aeg am laa appig. “Iitta. Neekkakppaib nug danab ameg gaɗuak ele bia,” aon appig. Amge nug nukka amu, “Danab amu am da iikkuib,” awa aum.

Rut 1:19

Naomi, Rut ele aa anam mattiya maloya, aa oh aakku gopiɗ. Aa goya, Juda wanppa teya goya, Betlehem aabppa tepiɗ. Teeh amu, Betlehem danab ah ag ottainna, ah ag appig. “Imuam Naomite?” aon appig.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.

1 Samuel 21:11

Am Dawit nug ukka Gad aabppa teum, amge Akisnu maɗi nid ag Akis amegppa appig. “Danab imu nug am Dawit. Nug appag diigppanu king. Danab amu, nuhignu amu, Israel ah ag ahi goɗanna, ahi inam edappig. ‘Haen kuɗum Saul nug danab 1,000 aqe mauhtteb, amge Dawit nug danab 10,000 aqe mauhtteb.’ ” Ag Akis amegppa anam appig.