Jon 9:7 - Nobonob Baibel

⁷ Qataqewowa, danab amegppa aum. “Na gona, Siloam le amegppa iɗun ihe!” awa aum. Siloam diig amu me ukkak. Amunu nug ukka, iɗu ihe, ena daya neekka, nug eɗua uɗiom.

Jon 9:7 ပူးပေါင်းရင်းမြစ်များ

Nehemaia 3:15

Amu Kolhose bekka Salum, nug aben aab Mispa daatte, nug amu dilag okkai amu, nug od okkai laa onig Le Qeppuɗia Bak eɗua babaittom. Nug od amu eɗua ha, nug od amu igippa lag haug me dayeye, nug od amunu od naunau oh ele ha aihattowa, nug od amu ohppa manak qaknu keeke meum. Nug aɗnu laih ele eɗua babaittom. Babaittom ele am, dad onig Kingnu Dad, dad amuam le gottu onig Siloam guguittak, nug aɗ aben amuppa babaitte ukke ukke, adqaɗ danab ah ag Dawitnu Aab, amuppanu aon notteb ele, amuppa batom.

Sam 146:8

Nug danab ag amelag gaɗuak he, ag neegtteb. Nug danab ag uug tonatte daatteb he, ag ahilag uug iitta mette. Yawe Nug danab ah ag genab tutukku hak kobol dim lamidtteb ele, Nug amu dilagnu oo mauhtte.

Eksodas 4:11

Moses nug anam a amu, Yawe nug amegppa aum. “Aun Nug danab ah oɗelag madatte? Aun nug he, danab ag nai mattiglagnu elele iitta daatteb? Aun nug he, danab ah daulag ituak daatteb? Aun Nug he, ag amelag keeke anidtte, o Nug he, danab ameg gaɗutte? Da Yawe daib, da aakku anam hettem

Aisaia 32:3

Haen amuppa danab ah amelag ele, ag keeke tutukku anidkkulag; qehakkak ii daama. Danab ah ag daulag ele ag keeke pehettak dooglag.

Aisaia 35:5

Amu Nug uɗia anam heebeb, danab amelag gaɗuak ele ag neegkkulag. Danab daulag ituak ag geha eɗun nai dooglag.

Aisaia 43:8

Ge da, ‘Ag laa ag danab ah dahilad, ag amelag ele, amge ag keeke ii anidtteb, ag daulag ele, amge ag keeke ii dootteb, ag danab ah laa ag danab ah amu omaladna uɗieg!’ appi dooglag.

Aisaia 8:6

“Danab ah imu ag da geɗilna, ag King Resin, Israel dilag king, Remalia bekka Pekanu, ele baɗan, ⌊ag da ehanadkkulnu oɗ ii meɗan, ag Asiria dilag king ehanadkkunu oɗ medappig⌋

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Luk 13:4

Laa ele, danab 18, anukka Siloam appa lag attan ta ukkak menppa hak na qa aqe mauhppig amu, ag ahilag dabmakppa ag amu dilagnu amu ag, ‘Danab amu, eheɗ hak ahilag am danab laala Jerusalem daatteb ele amu, ahilag eheɗ hak oh eɗattak,’ aon attebte?

Luk 2:32

Nug iitta aɗi ag nahip ib anidkkulagnu, Nug Israel ag binag amahlak oppiaawak ele aoglagnu amahlak daatte,” awa aum.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Jon 11:37

Amge laa amu appig. “Nug danab ameg gaɗuak ele he ena dayom amunu, nug danab imu ele ehanitteb ena daakkunu elele iittate?” aon appig.

Jon 9:11

Aeg am nug ag amelagppa aum. “Danab laa onig Jesus atteb amu, Nug wan waɗu ele kabolia amelppa mewowa, Nug da amelppa aum. ‘Na gona, Siloam le amegppa iɗun ihe!’ awa aum. Amunu da ukke iɗul ihai, amel ena daye da aakku neegmi,” awa aum.

Jon 9:39

Danab nug anam he, Jesus aum. “Da amelag gaɗuak ag eɗun neegkkulagnu, amelag ena ele ag eɗun amelag gaɗuak daaglagnu, da wan imuppa epeɗiak hekkulnu uɗimi,” awa aum.

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.

Galesia 4:4

Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.