Jon 9:4 - Nobonob Baibel

⁴ Amahlak aakku daatte amunu ig laa, Nug da meiɗe uɗimi ele amu, ig nuhig uɗat hekkunigoitte. Gatatu nekkunu haen aakku malatte, gatatu neeb amu, aun laa nug uɗat ii hema.

Jon 9:4 ပူးပေါင်းရင်းမြစ်များ

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Matyu 20:7

Anam a amu, ag nai nob mena appig. ‘Danab laa nug ig uɗat laa ii mekkom,’ aon appig. Ag anam aeg, nug ag amelagppa aum. ‘Ag ele grep dad dahilppa gona, uɗat heig!’ awa aum.

Mak 3:3

Anam daaegeg, Jesus Nug danab eppeg nau ele amegppa aum. “Na ahan, danab ah noolagppa hippaidna daye!” awa aum.

Jon 10:32

Makkuɗkkulagnu heeg amu, Nug ag amelagppa aum. “Da Mamenu ɠagattagppa uɗat ena ena kuɗumnabppa danab ah ehanadmi amu, aɗi uɗat amu ena iitta anidna, da menppa oiɗppeg mauhkkulnu hetteb?” awa aum.

Jon 10:37

Da Mamenu uɗat ii hettem dayeb amu, ag dahil nainu oolagppa genab aib dooppig.

Jon 12:35

Anam aeg am Jesus Nug aum. “Ag haen nakoknab laa ele amahlak ele daaglag. Haen imuppa ag amahlak ele amunu, gatatu ag tonadmanu ag amahlak ele oiyeg! Laa nug gatatuppa oitte amu nuhig ib ii anidtte.

Jon 17:4

Uɗat na da meɗame amu, da hein malami, amuppa da wan imuppa na binan amahlak oppiaawak ele mettami.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Jon 5:36

Amge keeke laa ele, Mame Nug da meiɗe uɗimi amu ippunadtte. Keeke amuam Jonnu nai eɗidtte. Keeke amuam uɗat da hettem imu. Da Mamel Nug da amu hein malakkulnu meiɗe uɗien hettem.

Jon 7:33

Uɗieg am Jesus Nug aum. “Da haen tutuib ag ele dayota, da eɗuen, laa Nug da meiɗe uɗimi ele amu, nuhigppa gokkul.

Aposel 4:20

Aa anam awoya am baula tuɗidya apiɗ. “I amu oɗenih qamutkkunihnu ele iitta. Aɗinu? I keeke oh amenihppa anidɗa, nuhig nai doomuɗ ele amu, ib laa iitta, mehuqkkunihnab,” aoya apiɗ.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Epesus 5:16

Ag amu dabmenana, gemu am haen nau amunu, ag uɗat ena hekkulagnu laa dayeb anidna, ag aib uuppig. Ag haen aguppanab heig!

Kolosi 4:5

Danab ag Nai Enanu oolagppa genab ii dootteb ele, ag Kolosi danab ag danab amu oolagppa oinna, ag akka ahilag oiyaknu dabmena autna aonna, ag uɗat ena hekkulagnu laa dayeb anidna, ag aib uuppig. Ag haen aguppanab heig!