Jon 9:34 - Nobonob Baibel

³⁴ Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

Jon 9:34 ပူးပေါင်းရင်းမြစ်များ

Genesis 19:9

Lot anam a amu, Sodom danab ag appig. “Na qe me!” Awona amu, ag akka akka appig. “Danab imu nug ig ted iitta. Nug wan laihnu danab nug uɗia, ihinig epeɗiak danab bia daakkunu hette,” appig. Ag akka akka anam ana amu, ag Lot amegppa baula appig. “Aakku amunu, ig danab aɗit dilahppa kobol nau hekkunig, amge nahip-ppa amu, ig kobol naunab hekkunig,” aon appig. Anam ana amu, ag Lot duttuneg, nug bittumttum ukke, ag od panaglagnu gukkuidna wappig.

2 Stori 25:16

Propet nug anam mattieye, nai nuhignu mattiom am gog ii teum, amge King Amasaia nug aha, nuhignu nai am okkula, nug amegppa aum. “Da am king, amu ig na da ulum meɗak danab daakkutnu tituanidmutte? Uue! Na ii uukkut dayeb amu, da appi, na mauhkkut,” awa aum. Amasaia nug anam a, propet nug mattiak uuom, amge nug tatam nai tutu laa mattia, inam aum. “Na tatam eheɗ heme, gemu na dahil ulum mettak nai dookkutnu uume amunu, da doottem, Kayak Nug nuhig dabmak na nitteb mauhkkutnu ɠagattag eppom daatte,” awa aum.

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Job 25:4

Kayak Nug okkainab anam daatte amunu, ig danab ah oh, ig oonigppanu laa nug Kayaknu neekkakppa, nug genab tutukku hak danab daakkunu elelete? Ge, laa ah ooppanu doum ele, nug Kayaknu neekkakppa ooppa oppiak ele daakkunu elelete?

Sam 51:5

Antte! Anai menuiɗom, haen amuppa da hipunin danab daami. Ge, anai ooppa nid bekkulnu meul oum, haen amuppa da hipunin danab daami.

Eksodas 2:14

Awa a, danab amu nug Moses amegppa aum. “Aun na ig gumignana, ihinig uug bappaidkkutnu meittom? Na Isip ted makkuɗe mauhom bia da oiɗppe mauhkkulnu hettemte?” Moses nug amu a doya, nug dabmak inam awom. “Danab ag keeke hemi genab doon malappig doottem.” Nug dabmak anam awa, nug oo baɗom.

Prowerb 22:10

Laa heeb, awa awa qettak danab qema, nug appa ii dayeb; nug mehqak, nai a ona a doak, onig he nauhak ele ii daama.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Luk 11:45

Jesus Nug anam a amu ɗo mehuqak danab doyak amu okkainab ele laa nug oɗeppa awa aum. “Ippunittak danab, na nai ame amu, na nai amuppa ig nai dittiakppa yaaigttem,” awa aum.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Luk 18:17

Anam ana, Nug amelagppa aum. “Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ ooppa iinab noma,” awa aum.

Luk 6:22

Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Jon 8:41

Ag am ag mamelagnu kobol hetteb,” awa aum. Jesus anam a amu ag appig. “Ig aninig nug ib imuagppa danab kuɗum ele ii oiyona menuikkom. Ig mamenig laippu, Kayak aakkuib,” aon appig.

Jon 9:2

Anam amu Jesusnu ippunittak awak danab ag amu anidna appig. “Ippunittak danab, aun nug hipunin he, anig nug danab amu ameg gaɗuak ele menuom. Nug hipunin heumte, o iitta anig mameg eletai hipunin hepiɗ?” aon appig.

Jon 9:22

Anig mameg ele aa Juda okkai dilag baɗapiɗ amunu aa anam apiɗ. Juda okkai ag tatam nai inam qagappig. “Danab laippu laa nug Jesus am Kristus akku amu, ig nug lamidpput, Juda dilag nai doyak lag uua, Kayak binag maknu elele iitta dimittim daakku,” appig amunu, aa baɗapiɗ.

Jon 9:35

Jesus ag danab amu lamidppignu nai doya, Nug danab amu mattia antta, amegppa aum. “Na Danab Bekkalagnu ootppa genab doottemte o iitta?” awa aum.

Jon 9:40

Ɗo gumak danab-Parasia laa appa Nug gukkuidna daappig ele amu, ag amunu appig. “Ig elete danab amenig gaɗuak?” aon appig.

Galesia 2:15

Am genab, ig ihinig menuakppanu Juda danab daattem amu, ig iitta aɗi, laa ag ahilagnu, ‘Ag am hipunin danab’ atteb amu, ig ahilag menuakppanu iitta.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

3 Jon 1:10

Amunu da ukke, appa tekkul dayeb amu, da nuhig hak miag appi dooglag. Nug ihinignu dimug nai nau maditte, ge nug nai amuib ii maditte. Iitta. Nug ig lainkad ele laippu dayaknu ooppa eleleib ii dootte, am danab ag ehanadkkulagnu hetteb amu, nug aib awa atte. Nug anam haaha, laa ag ig lainkad ehanadkkulagnu oolag daatte amu, nug ag Kristen tamaniakppanu ele lamadtte.

3 Jon 1:9

Da nai laa yen Kristen tamaniak mettami, amge Diotrepes, nug nukka keeke ohnu beɗu hume anuqtte, nug da oɗel dab-ii-medatte.

Revelesen 13:17

Anam dayom, amu aun laa nug epponak keeke doɗ dakkuɗ onig o nug onignu leta ebqak nuhigppa ii dayom amu, danab amu nug danab dilagppa keeke daden mekkunu, nug keeke laa meeb, danab nuhignu daden mekkulagnu am elele iitta.