Jon 9:31 - Nobonob Baibel

³¹ Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Jon 9:31 ပူးပေါင်းရင်းမြစ်များ

Genesis 19:29

Haen Kayak Nug aab okkai uɗem amuppa daappig ele he, padal meppig, haen amuppa Kayak Nug Abrahamnu dabmaama, Nug Lot omala, aab okkai nug daattomppa, aab amu dimittim ukke, padal ii meum.

Genesis 20:7

Amge gemu na heppe, ah amu nug gamu toppa eɗua ukkaɗ! Aɗinu? Nug gamu am propet, amu nug nahipnu unuqidkku. Unuqitteb, na ii mauhmana, amge na heppe, eɗua ii gokku dayeb amu, na imu doye! Na, amu nahipadppa ele oh, ag genab mauhkkulag,” awa aum.

Job 35:12

Danabnu amu, ag uug doon, Kayak amegppa gaatteb. Amge ag nau hak danab daan, dada kobol dim lamidna hetteb amunu, Nug gayak ahilagnu nob laa ii madatte.

Job 35:13

Am genab, Kayak Nug ahilag unuqittak haen amunuib ehanittak awaknu, dimppa Nug dim lamidkkulagnu ii dabmemana, Nug unuqittak amunu ii dabmette. Ge, Laa Nukka Ɠagattag Oh Ele Nug unuqittak amunu nakok laa ii dabmette.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Sam 106:23

Ag Kayak, nuhig hak amu ele daulag atiom amunu, Nug ag hatteb nauhkkulagnu aum. Nug anam aum, amge Yawenu oppoɗi bak aha heeb, danab ag nauhmananu, Moses, Yawe tituanom amu, nug Yawe, danab ah ele gamalagppa hibaitta dayom. Nug anam dayeye, Yawe Nug ag ii hatte nauhppig.

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

Sam 145:19

Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.

Sam 18:41

Ag ehanattaknu eppig, amge auntai laa ag ehanatteb, padal makppa ii daamnanu laa ii dayom. Ao, ag Yawe ehanadkkunu unuqidppig, amge Nug ii ehanattom.

Sam 40:8

O dahil Kayak, nahip dabmaknab awak aɗi daatte amu, da amu hekkulnu ool daatte. Yo, nahip ɗo amu, da oolppa memi daatte”.

Sam 99:6

Moses, Aron ele aa mana mettak danab nuhikkud oolagppa daapiɗ. Samuel nug laa ag Nug onig diiom ele amu, nug ag oolagppa dayom. Ag Yawe ehanadkkunu gaaeg, Nug ag oɗelagppa awom.

Prowerb 15:29

Yawe Nug nau hak danab, ahilag unuqittak dookkunu ag gukkuatta ii daatte; amge Nug genab tutukku hak danab dilag unuqittak dootte.

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Aisaia 58:9

Ag anam hena, ag geha Yawe onigppa eppeg amu, Nug ag oɗelagppa aokku. Yo, ag geha Nug onigppa ehanadkkunu eppeg amu, Nug ag oɗelagppa awa, “Da iikku daattem”, akku. Ag laa ɠagattag iitta ele eheɗ ii hattaglag dayeb, ag laa dilagnu, “Ag am nau, keeke hamu,” ii dooglag dayeb, ag naippa laa guittak ii mattaglag dayeb,

Jeremaia 11:11

Amu Yawe Nug atte. “Juda ag anam hetteb amunu, da heppi, uug naunab laa, ag eɗidna, ii anidmananu elele iitta, ahilagppa bekku. Uug naunab amu beebeb, ag da ehanadkkulnu da onilppa ekkulag, amge da ahilag ewak da ii doopa.

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Sekaraia 7:13

Amu Yawe Nukka Ɠagattag Oh Ele Nug atte. “Israel danab ah ag da ag amelagppa nai mattimi, haen amuppa ag dahil nai dooglagnu uuppig amunu, ag da onilppa eeg, da ele ii doomi.

Jon 11:22

amge da doottem, na geha iikku ele keeke laanu Kayak unuqidppe amu, Nug amu medakku,” awa aum.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Jon 9:30

Ag anam aeg, danab ameg ena dayom ele nug aum. “Imuam laanab, ag Nug adeppanu uɗiom ii dootteb amge Nug he, da amel obatom.

Jon 9:32

Anukka digmakppanu uɗiak gemu batak amu danab laa nug anig ameg gaɗuak ele menue, danab laa ameg babaitte, ameg ena dayomnu laa ii doottem.

Duteronomi 1:45

Anam daye, ag Israel ag gona, Yawe noobppa gaappig, amge Nug doyak uuom.

Hibru 10:7

Anam amunu da ami. ‘Dahilnu nahip nai buk itoɗiakppa yaak niitte bia, da uɗimi daattem; O dahil Kayak, nahip dabmaknab awak aɗi daatte amu, da amu hekkulnu ool daatte,’ ” awa aum.