Jon 9:3 - Nobonob Baibel

³ Anam aeg amu Jesus amelagppa aum. “Danab amu nuhig hipuninppa o anig mameg ele dilah hipuninppa ameg gaɗuak ii awom, amge kobol amu beum amunu, Kayaknu uɗat amu danab amuppa miag atia bekku.

Jon 9:3 ပူးပေါင်းရင်းမြစ်များ

Job 21:27

O lailad, ag aɗi dabmak aotteb amu, da doottem. Ao, dahilppa ag aɗi hekkulagnu lokkumakppa dabmenana maittak eheɗ aotteb amu, da doottem.

Job 32:3

Nug Jobnu oo nauhe amu, Job laikkud ewam ag Job eheɗ heum anan, nai amuppa nug yaappig, amge ag Jobnu nai qeppeg nekkunu ib laa ii anidppig amunu, nug amu dilag ele oo nauhom.

Job 42:7

Yawe Nug Job amegppa nai amu oh mattia mala, dimppa Nug Teman ted Elipas amegppa aum. “Da nahipnu, na laipaɗ dilahnu ele ool nauhtte. Aɗinu? Ag dahil maɗi nid Job, nug dahilnu nai tutukku mattiom bia ii madippig. Ag eheɗ madippig.

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Jon 11:4

Jesus Nug amu doya aum. “Oɗe amunu gogppa tak am mauhak, ⌊wan imuppa baula daamanu⌋ iitta. Iitta. Oɗe imuppa Kayak Nug binag amahlak oppiaawak ele awebeb, Kayak Bekka da, da ele amuppa binal amahlak oppiaawak ele aokkulnu daatte,” awa aum.

Jon 11:40

A am Jesus Nug aum. “Da tatam na amenppa imu ami. ‘Na ootppa genab dookkut amu, na Kayak ebehi gemu anidkkut,’ ” awa aum.

Aposel 28:4

Mat Pol eppegppa anam ha dayeye, nud amuppanu danab ah ag mat amu Pol eppeg emala, ilul ewa daye anidna, ag akka akka ahilag dabmakppanu madippig. “Danab umu nug amu danab laa qe mauhom bia doottem. Amuppa nug nob awa mauhkkunu dayom, amge nug yuppa ii mauhom. Yuppa ii mauhom, amge geha nug Kayaknu nob mettak qe-eɗidkkunu elele iitta,” aon appig.

Aposel 4:21

Aa anam aeh, aria danab okkai ag aa amelahppa nai ɠagattag appig amu, ag nai anam bia laala ele tuɗidna awona, ag danab ah oh ag Kayak keeke he anidna, amunu oolag gamag ahe, ag Nug binag meppig anidna, ag danab ah amu diig amunu baɗappig amunu, ag Pita, Jon ele guittak mataglagnu ib ii anidna, heeg gopiɗ.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

1 Jon 4:9

Kayak Nug Bekka laippunab, ig nuhigppa bauklel aognignu wanppa me uɗiom amunu, amuppa amu Kayak Nug ihinignu oo mauhak dootte ig ippunikkom.