Jon 9:29 - Nobonob Baibel

²⁹ Ig doottem, Kayak Nug Moses nai mettom, amge danab imu am adebtagnu uɗiom amu, ig ii doottem,” aon appig.

Jon 9:29 ပူးပေါင်းရင်းမြစ်များ

1 King 22:27

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

2 King 9:11

Propet nug anam ana mala, qaiqaɗ ukke, Jehu nug eɗua laikkud ban daup ikki laala gumatta ukke, amu ag inam oɗ medappig. “Keeke eheɗ laa beumte? Keeke oh amu enaibtte daatte? Kaaka danab amu aɗinu uɗia na anittom?” aon oɗ medappig. Oɗ mettaeg amu, Jehu nug nai amu nob ma, inam aum. “Danab amunu amu, ag nuhig hak, amu nuhig mattiak ele ag aakku dootteb,” awa aum.

Sam 103:7

Nug anukka nug ippunu Moses amegppa aum. Nug he, nuhig uɗat, nug nuhig ɠagattagppa heum amu, Israel danab ah ag amu anidppig.

Sam 105:26

Nug nuhig maɗi nid Moses me, Paro toppa teum. Ao, Nug Aron, Nug nug tituanom amu, Nug nug ele me teum.

Sam 106:16

Danab ah ag aab haen tutu dayaknu kalappigppa daappig amu, ag Mosesnu amelag qe oolag elele ii dayom. Ao, ag Aron, nug Yawenu mana mettak danab, Yawenu tituana mettak dayom amu, ag nuhignu ele anam dooppig.

Sam 22:6

Amge da amu maɗuai laa bia. Da am danabnab daatte bia ii daattem. Danab ah laa oh ag dahilnu oolagppa ena iinab doonna, ag dahilnu, “Keeke hamunab” dootteb!

Malakai 4:4

Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Namba 16:28

Aria, Israel laa ag Kora, Datan, amu Abiram ele dilagnu peh lag awaidna wana, laih piɗe daaegeg amu, Moses nug aum. “Ib imuppa da uɗat digdig hettem amu, ag Yawe Nug da meiɗe uɗien hettem, da dahil dabmakppa ii uɗien hettem dooglag.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 26:61

beya apiɗ. “Danab imu nug, ‘Da Kayaknu mettid lag heppi nauheb, deɗ ewam ooppa da eɗue hekkulnu elele,’ aum,” aoi apiɗ.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 7:27

Amge ig Nug appag diig am doot malamut. Haen Kristus uɗikku am danab laippu laa nug Kristus appag diig ii dooma,” aon appig.

Jon 7:28

Danab ah ag anam mattiegeg, Jesus Nug Kayaknu mettid lakka danab ah noolagppa hibaitta dayaya, baag okkaippa nai mattiaya aum. “Ag da dooiɗtteb, da appal diig ele dootteb, amge da dakka dahil dabmakppa ii uɗimi. Mame Nug da meiɗe uɗimi. Nuhig diig am genabib, amge ag Nug ii dootteb.

Jon 8:14

Aon aeg am Jesus Nug aum. “Am genab, da dahil nai madittem, amge dahilnu nai amu genab. Aɗinu? Da adeppanu uɗimi amu, da doottem, amu da eɗue gokkulnu amu, da amu ele doottem. Amge ag da adeppanu uɗimi, adeppa eɗue gokkul amu, ag ii dootteb.

Jon 9:16

Danab nug anam a amu, ɗo gumak danab-Parasia laa ag Jesusnu appig. “Danab amuam Kayak toppanu ii uɗiom. Aɗinu? Nug ihinig Sabat deɗnu ɗo ii dim lamidtte,” aon appig, amge laa ag appig. “Attemun ha, danab hipunin ele Nug Kayak dabmettaknu kobol danab haknu elele iitta amubia anam hekku?” aon appig. Ag anam anana oppatna, ameg aɗit daappig.

Jon 9:24

Juda okkai ag ahilah nai doon, danab amu genab ameg gaɗuak dayom, gemu ena daatte oolagppa genab dooppig amunu, ag baula ameg gaɗuak ena dayom ele onigppa eeg uɗie, ag nug amegppa appig. “Na Kayakib binag amahlak oppiaawak ele me! Ig doottem, danab amuam hipunin danab,” aon appig.

Jon 9:30

Ag anam aeg, danab ameg ena dayom ele nug aum. “Imuam laanab, ag Nug adeppanu uɗiom ii dootteb amge Nug he, da amel obatom.

Aposel 22:22

Pol nug nai amu mattie, Juda danab ag Pol nai mattiom amu doyeg ukke ukke, nug iitta aɗi gumatta gokkunu aum, haen amuppa ag ahan, huana qattiɗna, baalag okkaippa eppig. “Qeppeg mauhaɗ! Danab anam amu nug wanppa bau daakkunu elele iitta,” aon eppig.

Aposel 26:22

Amge Kayak Nug da ehaniɗe uɗie, gemu ele ehaniɗtte amunu, da gemu iikku hibaitten dayeye, danab okkai aɗi amu danab okkai iitta ele amelagppa nai imu madittem. Da nai laa ii madittem. Iitta. Propet aɗi, Moses ele ag aɗi bekkunu appig amu, da amu aakkuib madittem.

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Hibru 1:1

Kayak Nug anukka ig mamenkad amelagppa nai haen kuɗum ib laalappa ele propet oɗelagppa aum,

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.