Jon 8:6 - Nobonob Baibel

⁶ Ag nai amuppa Jesus nai eheɗ laa ab amu ag heppeg, ɗo danab ag Nug aɗan aon, hettoɗiakppa mena, nai beɗuppa yaaglagnu ib madippig. Ag anam appig, amge Jesus Nug gomela, eppeg hiqalppa digma wanppa yaaya dayom.

Jon 8:6 ပူးပေါင်းရင်းမြစ်များ

Genesis 49:9

Juda, na laion bau bia ɠagattagnab daattem. Ao, Juda, da bekkal, na laion doɗ laa qa lawowa, eɗua teɗuppa uɗitte bia, na anam hettem. Laion niikkunu haaha, beɗu taietta niitte, Juda na anambia hettem. Yo, laion anig niiebeb, laa nug maɗedakkunu baɗakku amu, laa Judanu anam dooglag.

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Prowerb 26:17

Danab nug qai daug laplap aɗalat-tte, amuam ena iitta; amubia, danab nug ugakka, laa dilag nug mehqak amu ooppa nokku, amuam ele ena iitta.

Eklisiastis 3:7

Danab lamen pattikkulagnu haen daatte; danab lamen eɗun koitkkulagnu haen ele daatte. Danab oɗelag qamutkkulagnu haen daatte; danab ag nai mattiglagnu haen ele daatte.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Daniel 5:5

Ag amu henan daaegeg, pahanab kingnu lag enanagnab simen gilil aɗak, amuppa lam maknu balal guguittak, appa danab eppeg tula ba, eppeg amu gilil amuppa nai yom. Eppeg nai amu yeeye, king nug anttom.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Amos 5:13

Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 15:23

Ah nug anam aum, amge Jesus Nug oɗeppa nakok laa ii awom. Oɗeppa nakok laa ii awe, nuhikkud ippunittak awak danab ag Jesus gumidna dona appig. “Ah imu nug ewawa, ig dim lamigttede! Na heppe ukkaɗ!” aon appig.

Matyu 16:1

Deɗ laa ɗo gumak danab-Parasia amu ɗo gumak danab-Sadyusi ele ag Jesus gumidna gona, ag Jesus ma anttak mettanna, Nug Kayak dabmettaknu kobol danab haknu elele iitta laa heeb anidkkulagnu oɗ medappig,

Matyu 19:3

Nug bappalattette, ɗo gumak danab-Parasia laala ag Jesus ma anttak mettaglagnu Nug gumidna uɗin, inam oɗ medappig. “Ihinig ɗoppa danab nug oo uug ohppa ah nuhig lamitteb gokku am enate o ena iittate?” aon appig.

Matyu 22:18

Ag anam appig, amge Jesus Nug ag eheɗ hekkulagnu heppig doya, Nug aum. “Ag am hambuppuak danab. Aɗinu ag heppeg, ɗo danab ag da aɗailkkulagnu hetteb?

Matyu 22:35

Amu ag oolagppa laippu laa, nug ɗo mehuqak danab doyak amu okkainab ele, nug Jesus oɗ mettom.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Mak 10:2

Haen amuppa amu ɗo gumak danab-Parasia laala ag Jesus gumidna gona, Nug inam oɗ medappig. “Ihinig ɗoppa amu danab laa nug ah nuhig lamitteb gokku am enate o ena iittate?” aon appig. Ag Jesus ma anttak mettaglagnu anam oɗ medappig.

Mak 12:15

Ig mettagnig o iitta?” aon appig. Ag anam appig, amge Jesus Nug ag hambuppuak danab dilag kobol heppig doya, Nug aum. “Aɗinu ag heppeg, ɗo danab ag da aɗailkkulagnu hetteb? Ag men doɗo laa onig danarius aon doppeg, da anttei!” awa aum

Mak 3:2

Ɗo gumak danab-Parasia ag ele appa daanna, Jesus Nug aɗi heeb anidkkulagnu meidppig. Nug Sabat deɗppa danab eppeg nau ele ehanitteb elele dayeb amu, ag Jesus hettoɗiak abenppa mekkulagnu oolag dayom.

Mak 8:11

Jesus Nug ukka te, ɗo gumak danab-Parasia laala ag Jesus gumidna gona, ag digmena Jesus keeke laalanu oɗ medappig. Amu ag Jesus ma anttak mettanna, ag Nug Kayak dabmettaknu kobol danab haknu elele iitta laa heeb anidkkulagnu oɗ medappig.

Luk 10:25

Aria, deɗ laa ɗo mehuqak danab doyak okkainab ele laippu laa aha, nug Jesus eheɗ aab anidkkunu oɗ ma aum. “Ippunittak danab, da attem heina da bauklel hanhannu aokkul?” awa aum.

Luk 11:16

Ag anam aeg amu, danab laala ag Jesus ma anttak mettanna, ag Nug Kayak dabmettaknu kobol danab haknu elele iitta laa heeb anidkkulagnu oɗ medappig,

Jon 8:2

Jesus Nug Olipnu Qaukoppa ukka dayeye, wakkaɗe buttuanab Nug eɗua uɗia, Kayaknu mettid lag ooppa no, danab ah kuɗum nug gumidna uɗieg, Nug heɗep na daya, nai ippuanattom.

1 Korint 10:9

Ig Kayak ma anttak, Israel oolagppa laa heppig amubia, ig aib hemut. Ag oolagppa laala ag anam heeg, mat ag emalatteg mauhppig.