Jon 8:55 - Nobonob Baibel

⁵⁵ Ag Nug ii dootteb, amge da Nug doottem. Da nuhignu, ‘Da Nug ii doottem,’ alom amu, da ag bia hambuppuak mattiak danab daalom, amge da Nug doottem, nuhig nai ele dim lamidttem.

Jon 8:55 ပူးပေါင်းရင်းမြစ်များ

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Jeremaia 9:3

Amu Yawe Nug atte. “Danab nug lat doɗo latppa ette, amubia danab ah imu ag nai hambuppuak maditteb. Ag ahilag wanppa doyak diig genabibppa ɠagattag ii daatteb. Iitta. Ag hambuppuak naippa, hambuppuak kobolppa ele laa eɗidna daatteb. Ag hipunin laa hewona, ag ahan, laa ele hetteb. Ag da am Yawe, ag amunu dabmak nakok laa ii aotteb,” awa atte.

Hosea 5:4

Israel buɗub ag kobol eheɗ henan daanna, ag eɗun, Kayak, ahilag Kayak, ag Nug waappa daaglagnu dabmak ii aotteb. Ao, ag am ah laa nug gamu uuitte, danab laa ele oittep, ag amubia duttunak doon hetteb, amunu ag Yawe dabmenan ii oitteb.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Luk 10:22

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka am aun ii dootte, Kayak Nug nukkaib dootte. Ele amu, danab laippu laa nug da Mamel, Nug am aun ii dootte. Iitta. Da, Kayak Bekka, da aakkuib doottem, amu danab, da ag da Mamel am aun ippunadttem ele, ag amu dootteb,” awa aum.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 10:15

amubia Mame Nug da dooiɗeɗe, da Mame doottem. Laa ele, da dahilad sipsip, ag ena daaglagnu dabmein dayeye, dahil bau dayak heppi iitta mekku.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

Jon 15:21

Amge laa ag Mame, Nug da meiɗe uɗimi amu, ag Nug ii dootteb amunu ag, ag da onilppa oitteb doona, ag ahilagppa eheɗ hekkulag.

Jon 16:3

Danab amu ag da Mama ele ii dooitppig gemu ele ii dooit-tteb amunu, ag anam hekkulag.

Jon 17:25

O Mame tutukkunab, wanppan danab ah wannu kobol dim lamadtteb ele ag na ii dooidtteb, amge da na dooidttem, amu dahilad imu ag na da meiɗe uɗimi amu dootteb.

Jon 6:46

Danab ah wanppanu laippu laa nug amegppa Kayak ii anttom. Iitta. Laa nug Kayak toppanu uɗiom ele, Nug aakkuib Kayak anttom.

Jon 8:19

Anam a amu ag Nug oɗ medappig. “Na Mamen am adeppa daatte,” aon appig. Aon aeg amu Jesus Nug aum. “Ag am da ii dooiɗtteb, da Mamel ele ag ii dootteb. Ag da dooiɗnalob, amu da Mamel ele doolob,” awa aum.

Jon 8:29

Am laa Nug da meiɗe uɗimi ele, Nug da ele daattem. Nug da ii uuiɗe, dakka ii daattem. Aɗinu? Da haen oh keeke Nug oo niitte ele, da amu hettem,” awa aum.

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Jon 8:51

Da genabnab genab ag amelagppa attem, laa nug dahil ippunittak nai awa dim lamidkku dayeb amu, nug iinab mauhma,” awa aum.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Aposel 17:23

Aɗinu? Da uɗien, da aab okkai matte oiyeye, da kayak dottolkad, ahilkad qaɗab keeke, ag Atens danab, ag keeke amu ohppa dup noa binag mak kobol hetteb amu, da keeke amu oh anadmi. Amu da ele qaɗab laa, amuppa ag, ‘Imuam kayak laanu, ig nug ii doottem ele,’ ag anam yaappig dayeye anidmi. Aria, Kayak amu, ag ii dootteb, ag Nug noobppa dup noa binag mak ii dooidna hetteb ele amu, gemu da nuhig nai mehuqppi ag dooglag,” awa aum.

1 Jon 1:6

Am ig, “Ig Nug ele oonig laippu ele nug dootta daattem,” attem dayeb, amge ig gatatu ooppa oittem amu, ihinig nai amuam hambuppuak; am ig doyak diig genabib ii dim lamidta oittem.

1 Jon 2:22

Anam amunu aun nug hambuppuak danab daatte? Danab nug Jesus am Kristus iitta atte ele, nug am hambuppuak danab daatte. Nug am Kristusnu kekeɗ. Nug Kristus am Mame Kayak ele aa oh guhuɗat-te.

1 Jon 2:4

Am danab aun nug, “Da Nug doottem” atte, amge nug nuhig haknunab anak ii dim lamidtte amu, nug am hambuppuak danab. Doyak diig genabib nuhigppa ii daatte.

1 Jon 5:10

Danab nug Kayak Bekkanu ooppa genab dootte, nug aakku Kayaknu ippunittak amu awa, nug ooppa daatte. Am laa nug amu ooppa genab ii dootte, nug aakku, “Kayak Nug am hambuppuak danab,” awa atte. Aɗinu? Kayak Nug Bekkanu ippunittom, danab amu nug ooppa genab ii doyom amunu, nug anam atte.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.