Jon 8:53 - Nobonob Baibel

⁵³ Na nahipnu aɗi doottem? Na ig mamenig Abraham eɗittakte? Nug amu propet laa oh ele ag oh mauhppig, amge danab ag na dim lamidtteb ele, ag ii mauhmananu attem. Na nakka nahipnu aɗinab doottem?” aon appig.

Jon 8:53 ပူးပေါင်းရင်းမြစ်များ

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Matyu 12:6

Amu da ag amelagppa attem. Da Kayaknu mettid lag eɗittak daattem.

Matyu 3:9

Amu ele, ag oolagppa inam akkulagnu aib dabmeppig. ‘Abraham nug ig mamenig, nug am genab tutukku hak danab, ig nug buɗub daattem amunu, nuhig hak enappa ig nob ii aomta.’ Da ag amelagppa attem, Kayak Nug men imu ag eɗun, Abraham bekkod daaglagnu hekkunu elele.

Jon 10:33

Jesus anam a amu Juda ag appig. “Ig uɗat ena laa dabmeta, na menppa oidpput mauhkkutnu ii hettem. Iitta. Na Kayaknu dabittak nai madittem. Na danab hamu amge na, ‘Da am Kayak,’ aon ame amunu, ig hettem,” aon appig.

Jon 12:34

Nug anam mattie amu danab ah kuɗum nug oɗeppa aon appig. “Ig ɗoppa nai inam doomut. ‘Kristus Nug hanhan daakku!’ Am attemun na Danab Bekkalag ad emaitakppa aihkkulagnu attem? Danab Bekkalag, na nuhignu madittem amu, Nug am aun?” aon appig.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Jon 4:12

Ig alanig Jakop, nug le moɗ imu mekkom. Nug, nug bekkod, amu nuhikkud makau sipsip ele ag anukka le imu ladappig, amu na nug eɗidttemte? Iitta!” awa aum.

Jon 5:18

Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.