Jon 8:51 - Nobonob Baibel

⁵¹ Da genabnab genab ag amelagppa attem, laa nug dahil ippunittak nai awa dim lamidkku dayeb amu, nug iinab mauhma,” awa aum.

Jon 8:51 ပူးပေါင်းရင်းမြစ်များ

Sam 89:48

Auntai laa bau dayaya, ii mauhma. Ao, auntai laa nug nukka nug heeb, nug moɗppa ii noma. Sila.

Matyu 16:28

Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.

Luk 2:26

Anam amu Kayak Ouɗi Nug danab amu nug paha ii mauhma. Iitta. Tatam nug Naɗinu Kristus anittowa, dimppa nug mauhkkunu ippunittom.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 17:6

Mame, da wan imuppan danab ah oolagppanu danab na meɗame amu, da ag amelagppa na diitnu mehuqi dooppig. Ag am nahipad, na da meɗame, amu ag nahip nai dim lamidtteb.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Jon 6:50

Amge bret hab aabppanu neum am daib, amu laa nug bret imu lakku dayeb amu, nug ii mauhma, bau daakku.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Jon 8:55

Ag Nug ii dootteb, amge da Nug doottem. Da nuhignu, ‘Da Nug ii doottem,’ alom amu, da ag bia hambuppuak mattiak danab daalom, amge da Nug doottem, nuhig nai ele dim lamidttem.

Hibru 11:5

Amu Enok nug ele Kayaknu ooppa genab doyom amunu Kayak he, nug bau dayaya, Kayak toppa waum; diig amunu nug ii mauhom. Kayak Nug Enok awom amunu, laa ag nug baula ii anidppig. Enok hab aabppa ii ukkom haenppa, tatam Kayak Nug nuhignu oo ena daye he, amu miag atiom.

Hibru 2:9

Amge ig Jesus anidttem. Engel ag onig okkai ele, danab ag onig amu nakok waappa aoppig daatteb. Amu Kayak he, Jesus Nug onig engel onig nakok waappa awa dayeye, Kayak Nug nuhig ehanittak okkai hamu mettak dabma danab oh eɗua diikkunu dabmeum, amu diig amunu Jesus Nug ig danab oh ig ehanigkkunu mauhom amunu, Kayak Nug humitta, binag amahlak oppiaawak ele, aria dagom onig ɠagattag ele mettom.