Jon 8:48 - Nobonob Baibel

⁴⁸ Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Jon 8:48 ပူးပေါင်းရင်းမြစ်များ

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Matyu 10:25

Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Matyu 10:5

Jesus Nug totol danab 12 amu maatte, gokkulagnu daaegeg, Nug nai matta aum. “Ag gona, iitta aɗi dilagppa, amu Samaria dilagppa ele aib goppig.

Matyu 11:18

Aɗinu? Jon nug uɗia, nug ee digdig ii laum, wain ele ii laum amunu, danab ah ag nuhignu, ‘Nug beɗuppa ouɗi nau ele,’ aon atteb.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 12:31

Anam daatte amunu da ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku, amge danab nug Kayak Ouɗinu dabittak nai madikku dayeb amu, nug amunu uhuqa mettak ii aoma.

Matyu 15:7

Ag hambuppuak danab! Propet Aisaia nug ahilagnu tutukkunab aakku anukka propet nai ana, inam mattiom.

Jon 1:19

Aria, deɗ laa Juda okkai ag Lewi buɗubppan mana mettak danab, Lewi buɗubppan mana mettak danab iitta ele Jerusalem appanu Jon nukka nuhignu oɗ mettaglagnu maatteg gona, “Na am aun?” ana oɗ mettaeg, Jon nug nai anana,

Jon 10:20

Anam daanna, kuɗum laa ag appig. “Ouɗi nau nuhigppa daatte amunu, Nug kaaka qette. Ag aɗinu Nug oɗe dootteb?” aon appig.

Jon 13:13

Ag dahilnu, ‘Ihinig ippunittak danab amu ihinig Naɗi ele,’ aon atteb. Da genab da anam aakku daattem amunu, ag ena anam atteb.

Jon 4:9

Nug anam a amu, Samaria ah nug aum. “Na amu Juda danab, da am Samaria ah. Amu attemun na, ‘Le aon doppe lai!’ aon attem? Da am Samaria ah, Juda ag Samaria ele ouqak ii oitteb,” awa aum.

Jon 7:20

Nug anam a amu, danab ah ag Nug amegppa appig. “Ouɗi nau laa na beɗunppa daatte. Aun nug na nitteb mauhkkutnu hette?” aon appig.

Jon 8:22

Nug anam a amu, Juda ag akka akka nug oɗ mettan appig. “Nug nukka Nug beɗu qa mauhkkute? Diig amunu Nug, ‘Ag da gokkulppa amu, ag gokkulagnu elele iitta,’ attete?” aon appig.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Rom 15:3

Aɗinu? Kristus ele, Kayak naippa nai nuhignu daatte amu, Nug nukka nuhig dabmak ii dim lamidttom. Nai amuam inam. “⌊O Kayak,⌋ danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.”

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

Jems 2:19

Na am ootppa genab inam doottem, “Kayak laippuib daatte.” Amu ena, amge ouɗi nau ag ele anam oolagppa genab doon, ag eheɗ nau baɗan hahaɗtteb.