Jon 8:44 - Nobonob Baibel

⁴⁴ Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Jon 8:44 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

1 King 22:22

Nug anam a amu, Yawe nug oɗ mettom. ‘Na geha gona, Ahap oo attem eeɗkkut?’ awa oɗ mettom. Oɗ mette amu, ouɗi nug Yawe amegppa aum. ‘Da ukken, hambuppuak nai Ahapnu propet oh oɗelagppa mekkul,’ awa aum. Ouɗi amu nug anam a, Yawe Nug aum. ‘Nahip ib amuppa Ahap nug aab Ramot, Gileat wanppanu banelag aha gokku amunu, na ame bia gona he!’ awa aum.” Mikaia nug anam aum.

1 Stori 21:1

Amu Satan nug Israel danab ah uug madakkunu dabma, aha he, Dawit nug Israel danab ah ebaqakkunu dabmeum.

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Matyu 13:15

Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

Matyu 13:38

Aria, dad okkai amu wan atu oh ippunigtte. Ee aeg ena amu Kayaknu ɗo maɗoɗnu danab. Aria, gikkiɗah nau amu Satannu danab.

Jon 6:70

A amu Jesus Nug nuhikkud ippunittak awak danab amelagppa aum. “Da ag danab 12 tituanadmi, amge laippu laa ag oolagppanu amu, nug ouɗi nau,” awa aum.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Jon 8:38

Da nai imu madittem ele amu, da Mame ele daaɗɗa anidmi, da amu madittem, amge ag am ag mamelag a dooppig hetteb,” awa aum.

Jon 8:41

Ag am ag mamelagnu kobol hetteb,” awa aum. Jesus anam a amu ag appig. “Ig aninig nug ib imuagppa danab kuɗum ele ii oiyona menuikkom. Ig mamenig laippu, Kayak aakkuib,” aon appig.

Jon 8:55

Ag Nug ii dootteb, amge da Nug doottem. Da nuhignu, ‘Da Nug ii doottem,’ alom amu, da ag bia hambuppuak mattiak danab daalom, amge da Nug doottem, nuhig nai ele dim lamidttem.

Aposel 13:10

“Na Satan bekka. Na kobol ena oh dilag kekeɗ. Hambuppuak kobol oh amu kobol naunab oh ele na beɗunppa ambaknab. Na hanhan Naɗinu ib tutukku oh heppe, kaliak daaglagnu hettem amu, na kobol amu genab iinab uumna?

Aposel 24:9

Am Juda appa daappig ag ele Tertulus nai mattiom amu ehanidna ag appig. “Nai amu oh amu genabib,” aon appig.

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

2 Korint 11:3

Amge da baɗattem. Mat nug lokkumakppa kobol kobol hekkunu doya auta awak kobol nuhigppa anukka Ewa bubuitte na qeum amu, amubia kobol anam laa ahilagppa ba eeɗatteb, ag oppiak kobolppa dayaknu ib apiɗidna, ag Kristusnuib daaglagnu daatteb ii dabmemananu ool baɗatte.

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

1 Jon 1:8

Ig, “Ig hipunin iitta,” attem dayeb amu, ig ikka hambuppuigttem, amu doyak diig genabib ig oonigppa ii niitte.

1 Jon 2:21

Ag doyak diig genabib ii dooppig amunute da imu yaattem? Iitta! Ag doyak diig genabib amu dootteb amunu, da ahilagnu yaattem. Amu ag ele dootteb, nai hambuppuak laa doyak diig genabibppa ii daatte.

1 Jon 2:4

Am danab aun nug, “Da Nug doottem” atte, amge nug nuhig haknunab anak ii dim lamidtte amu, nug am hambuppuak danab. Doyak diig genabib nuhigppa ii daatte.

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.

1 Jon 3:15

Am laa nug layagnu nau ninig ele dootte, nug am danab qe mauhak danab, amu ag dootteb, qe mauhak danab laa ooppa bauklel hanhannu ii daatte.

Jut 1:6

Aria, keeke laa amu, engel laa ag maɗi ahilag Kayak nug ag amu hekkulagnu ehah mattom amu, ag amuppaib daaglagnu oolag ii daye, okkainab daaglagnu dabmena, ahilag dayaknu aben uuppig. Ag uuppig amunu, Kayak Nug haen ohnu qakkalatta, maniguittak gatatu eleppa maattom daan, hettoɗiak deɗ naɗippa epeɗiak aoglagnu ameg metteb.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Revelesen 9:11

Ag ahilag king ele, nug ag gumadtte. Nug am moɗ oɗe noa ukka batak iitta ele, amunu okkai. Hibru naippa amu nug onig am Abadon. Grik naippa amu nug onig am Apolion.