Jon 8:34 - Nobonob Baibel

³⁴ Anam aeg am Jesus Nug aum. “Da genabnab genab ag amelagppa attem. Aun laa nug hipunin hette amu, nug am hipuninnu begbeg maɗi nid daatte.

Jon 8:34 ပူးပေါင်းရင်းမြစ်များ

1 King 21:25

Haen Ahap nug king dayom amu, Nug Kayaknu neekkakppa genabnab genab nug kobol eheɗib nuhig ɠagattag ohppa hekkunu dabmaama oiya, amu haknu danab laa oh eɗattom. Yawe Nug nuhig neekkakppa kobol amunu am nauib dootte. Aria, nug wau Jesebel amu, nug anam hekkunu duttunak ele heum.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Matyu 5:18

Da genab ag amelagppa attem. Hab wan ele ii qettoɗak haenppa, haen aa daapepeɗ, ɗonu nai huppu nagnag laa, huppu laa oh dilag okkai am imu eɗidtte, huppu amu nuhig uɗat gogppa ii tak dayeb amu, huppu nagnag amu iinab qettoɗma.

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Aposel 8:23

Aɗinu na anam hekkut? Da anidttem, na hipunin laa, amuam laan keekenu ameg qe oo elele ii daya aut autanab awak, na hipunin amuppa nena qee, amu hipunin na hipalitta aut auta aotte,” awa aum.

Rom 6:12

Ag anam oiglagnu daatte amunu, ag heppeg, hipunin nug ag beɗulkad mauhtteb ele dilag okkai aib dayom. Hipunin nug ag beɗulkad dilag okkai daakku dayeb, ag beɗulkadnu eeɗak nau dim lamidna, eheɗ hekkulag, amge ag anam aib heppig.

Rom 6:16

Am ag imu iite dootteb? Haen ag beɗulag danab laa mettona, nuhig nai dim lamidna amu, ag aakku nuhig begbeg maɗi nid daatteb. Am ag eheɗ hak kobolnu begbeg maɗi nid daatteb dayeb, ag mauhak amuppa aoglag, o iitta ag Kayak oɗe dim lamittaknu kobolnu begbeg maɗi nid daatteb dayeb, ag genab tutukku hak danab daaglag.

Rom 6:6

Amu ig doottem, ig oonig alag, ihinig oiyak alag amuppa beum ele, nuhig ɠagattag ig duttunigmanu, ig ele hipuninnu begbeg maɗi nid ii daamtanu, Kristus ad emaitakppa mauhom, haen amuppa ihinig oiyak alag am ele appa Nug ele mauhom.

Rom 7:14

Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

Rom 8:21

Aɗinu? Kayak Nug geha keeke oh gemu ag nauhaknu hippalakppa daatteb ele, Nug ag amuppanu uhuqatteb, keeke amu oh ag ig Kayak bekkod, ag ig ele oh enanag beta daagnig.

Epesus 2:2

Haen amuppa ag wan imuppan kobol nau, ouɗi nau ikkilag Satan ele dim lamidppig. Gemu ele danab ag Kayak oɗe ii dim lamidtteb amu, ag Satan waappa daatteb.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.